ICMRએ સલાહ આપી કે બ્રેડ, માખણ અને ખાવાના તેલનો વધુ પડતો વપરાશ જોખમી છે

ઇન્ડિયન કાઉન્સિલ ઑફ મેડિકલ રિસર્ચ (ICMR)એ તેની માર્ગદર્શિકામાં બ્રેડ, માખણ અને રસોઈ તેલ સહિતના કેટલાક ખાદ્યપદાર્થોને અલ્ટ્રા પ્રોસેસ્ડ ફૂડની શ્રેણીમાં સામેલ કર્યા છે અને તેને લોકોના સ્વાસ્થ્ય માટે હાનિકારક ગણાવ્યા છે.

ICMR અનુસાર, ગ્રુપ Cની ખાદ્ય વસ્તુઓમાં બ્રેડ, અનાજ, કેક, ચિપ્સ, બિસ્કિટ, ફ્રાઈસ, જામ, ચટણી, મેયોનેઝ, આઈસ્ક્રીમ, પ્રોટીન પેક પાવડર, પીનટ બટર, સોયા ચંક્સ, ટોફુ જેવી ફેક્ટરીઓમાં બનતી ખાદ્ય વસ્તુઓનો સમાવેશ થાય છે. ICMRએ ચીઝ, માખણ, માંસ, અનાજ, બાજરી અને કઠોળનો પ્રોસેસ્ડ લોટ, એનર્જી ડ્રિંક્સ, દૂધ, કોલ્ડ ડ્રિંક્સ અને એડિટિવ્સ સાથે બનેલા જ્યુસ જેવી વસ્તુઓને પણ ગ્રુપ C કેટેગરીમાં મૂકી છે.

અલ્ટ્રા પ્રોસેસ્ડ ફૂડ કેમ હેલ્ધી નથી તેનો જવાબ એ છે કે, વિવિધ અનાજના લોટને કારખાનામાં ઉંચી આંચ પર દળીને બનાવવામાં આવે છે અને તે ઘણા દિવસો સુધી બગડે નહીં તે માટે તેમાં કૃત્રિમ ઘટકો અને વધારાની વસ્તુઓ ઉમેરવામાં આવે છે. એ જ રીતે, તાજા ફળોને ઘણા દિવસો સુધી ફ્રીઝ કરીને રાખવામાં આવે છે, જેથી તે બગડે નહીં. દૂધ પણ પાશ્ચરાઇઝ્ડ કરવામાં આવે છે. આ તંદુરસ્ત ખોરાકને ખાવા માટે તૈયાર કરવા માટે થતી તમામ પ્રક્રિયા ખોરાકમાંથી પોષક તત્વોને છીનવી લે છે. જ્યારે લાંબા સમય સુધી ઉત્પાદનનો સ્વાદ, રંગ અને ગુણવત્તા જાળવી રાખવા માટે, ફેક્ટરીઓ આરોગ્ય માટે જોખમી એવા ખોરાકમાં કૃત્રિમ ગળપણ, રંગો, ઉમેરણો જેવી વસ્તુઓ ઉમેરવામાં આવે છે.

અલ્ટ્રા પ્રોસેસ્ડ ફૂડનું લાંબા સમય સુધી સેવન સ્થૂળતા, હાર્ટ એટેક, સ્ટ્રોક જેવા રોગોને આમંત્રણ આપે છે. આ અલ્ટ્રા-પ્રોસેસ્ડ ફૂડ્સ (UPF)માં ચરબીનું પ્રમાણ વધુ હોય છે અને ફાઈબર સહિત આવશ્યક પોષક તત્ત્વો અત્યંત ઓછા હોય છે. અભ્યાસોએ દર્શાવ્યું છે કે, આવી વસ્તુઓથી ભરપૂર આહાર સ્થૂળતા, વૃદ્ધાવસ્થામાં વધારો અને હાર્ટ એટેક, સ્ટ્રોક, ડાયાબિટીસ અને એકંદરે આરોગ્ય ખરાબ થવા સાથે સંકળાયેલ હોઈ શકે છે.

સૌથી મોટી સમસ્યા એ છે કે, આવા ખાદ્યપદાર્થો સામાન્ય રીતે ખૂબ જ સસ્તા અને સરળતાથી ઉપલબ્ધ હોય છે, જેના કારણે તે લોકો માટે લોકપ્રિય પસંદગી બની જાય છે. ICMR C સ્તરના ખોરાકના વધુ પડતા વપરાશને ટાળવાની ભલામણ કરે છે, જેનો અર્થ છે કે, આ ખોરાકમાં ખાંડ અને મીઠુંનું પ્રમાણ વધુ હોય છે અને વિટામિન્સ, મિનરલ્સ અને ફાઇબર જેવા પોષક તત્વો ઓછા હોય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.