'BJPને 300 સીટો મળવાની વાત આ લોકો કરશે પણ ...', અખિલેશે સમર્થકોને આ સંદેશ આપ્યો

લોકસભા ચૂંટણીના સાતમા અને છેલ્લા તબક્કાનું મતદાન શનિવારે છે. આ પહેલા સમાજવાદી પાર્ટીના અધ્યક્ષ અખિલેશ યાદવે પોતાના કાર્યકરો અને ઉમેદવારો માટે સંદેશ બહાર પાડ્યો છે. આમાં તેણે ખાસ કરીને પોતાના સમર્થકોને સતર્ક રહેવા કહ્યું છે. અખિલેશે કહ્યું કે, વોટિંગ દરમિયાન અને વોટિંગ પછી પણ સાવચેત અને સાવધાન રહેવાની જરૂર છે. આવતીકાલે સાંજે મતદાન ખતમ થતાંની સાથે જ BJP લગભગ 300 બેઠકો પર લીડ મેળવે છે એવી વાતો કહેવાની શરૂ કરશે.

UPમાં લોકસભા ચૂંટણીમાં સાત તબક્કામાં મતદાન થયું હતું. શનિવારે છેલ્લા તબક્કામાં વારાણસી અને ગાઝીપુર સહિત 13 બેઠકો પર મતદાન થવાનું છે. અત્યાર સુધીમાં 63 બેઠકો પર મતદાન થઇ ગયું છે. ચૂંટણીના પરિણામો 4 જૂને આવશે. UPમાં INDIA બ્લોક સહયોગી SP અને કોંગ્રેસ સાથે મળીને ચૂંટણી લડી રહ્યા છે. જ્યારે NDAમાં BJP, અપના દળ (S), સુભાસપાનો સમાવેશ થાય છે. BSP ચૂંટણી મેદાનમાં એકલી છે.

'પ્રિય કાર્યકરો, અધિકારીઓ અને ઉમેદવારો,

આજે હું તમને એક ખૂબ જ મહત્વપૂર્ણ અપીલ કરું છું. આવતીકાલે મતદાન દરમિયાન પણ અને મતદાન પછીના દિવસોમાં પણ જ્યાં સુધી મતગણતરી પૂરી ન થાય અને વિજયનું પ્રમાણપત્ર ન મળે ત્યાં સુધી આપ સૌ સંપૂર્ણ રીતે સતર્ક, સાવચેત, અને સાવધાન રહેશો અને કોઈપણ પ્રકારના BJP દ્વારા ફેલાવેલા ગેરમાર્ગે જશો નહીં.'

'ખરેખર, અમે આ અપીલ એટલા માટે કરી રહ્યા છીએ, કારણ કે BJPના લોકોએ આયોજન કર્યું છે કે, આવતીકાલે સાંજે ચૂંટણી પૂરી થતાંની સાથે જ તેઓ વિવિધ ચેનલો પર તેમની 'મીડિયા મંડળીઓ' દ્વારા કહેવાનું શરૂ કરશે કે, BJPને લગભગ 300 બેઠકો પર લીડ મળી જશે. જે સંપૂર્ણપણે ખોટું છે. આવી સ્થિતિમાં, તમારા મનમાં આ પ્રશ્ન ઉદભવશે કે, જ્યારે 'INDIA ગઠબંધન' સરકાર બનવા જઈ રહી છે ત્યારે આ બે-ત્રણ દિવસ સુધી જુઠ્ઠું બોલીને BJPને શું ફાયદો થશે. આના જવાબમાં અમે તમને જણાવી દઈએ કે, BJPના લોકો આવા જુઠ્ઠાણા ફેલાવીને તમારા બધાનું મનોબળ પાડવા માંગે છે, જેનાથી તમારો ઉત્સાહ ઓછો થઈ જાય અને તમે લોકો મતગણતરીનાં દિવસે સાવધાન અને સક્રિય નહીં રહો, જેનો લાભ લઈને BJP મતગણતરીમાં કેટલાક ભ્રષ્ટ અધિકારીઓ સાથે મળીને ગડબડ કરી શકે છે.'

प्रिय कार्यकर्ताओं, पदाधिकारियों और प्रत्याशियों

मैं आज आपसे एक बेहद ज़रूरी अपील कर रहा हूँ। आप सब कल वोटिंग के दौरान भी और वोटिंग के बाद के दिनों में भी, मतगणना ख़त्म होने और जीत का सर्टिफिकेट मिलने तक पूरी तरह से सजग, सतर्क, सचेत और सावधान रहिएगा और किसी भी प्रकार के भाजपाई…

— Akhilesh Yadav (@yadavakhilesh) May 31, 2024

'ધ્યાનમાં રાખો કે, જે BJPના લોકો ચંદીગઢ મેયરની ચૂંટણીમાં કોર્ટ દ્વારા લગાવવામાં આવેલા કેમેરાની સામે ગડબડ કરવાની નિર્લજ્જ હિંમત કરી શકે છે, તો તેઓ ચૂંટણી જીતવા માટે કોઈપણ ગડબડ કરવા કોઈ પણ હદે જઈ શકે છે, તેથી જ આ તકેદારી જરૂરી છે.'

'એટલે જ આપ સૌને ખાસ અપીલ છે કે, તમે BJPના કોઈપણ 'એક્ઝિટ પોલ'થી ગેરમાર્ગે દોરાઈ ન જાઓ અને સંપૂર્ણ રીતે સજાગ રહો, અને તમારો આત્મવિશ્વાસ જાળવી રાખો અને તમારા વિજયના મૂળ મંત્રનું પાલન કરો - 'મતદાન પણ સાવધાની પણ'ને યાદ રાખવાની સાથે, વિજયનું પ્રમાણપત્ર લઈને જ બંધારણ, લોકશાહી અને દેશની જનતાની જીતની ઉજવણી કરો.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.