ઉત્તરપ્રદેશમાં BJP ઉમેદવાર જાહેરમાં સ્ટેજ પર કેમ રડી રહ્યા છે?

એક તરફ ભારતીય જનતા પાર્ટી ઉત્તર પ્રદેશની 80 લોકસભા સીટો પર પુરી તાકાતથી જીત મેળવવાનો પ્રયાસ કરી રહી છે. તેમના ઉમેદવારો ચૂંટણી મંચ પર આંસુ વહાવતા જોવા મળે છે. હકીકતમાં, સમગ્ર મામલો પ્રતાપગઢ જિલ્લાનો છે, જ્યાં BJPના ઉમેદવાર સંગમ લાલ ગુપ્તા કેન્દ્રીય મંત્રી અનુપ્રિયા પટેલ સાથે જાહેર સભા કરી રહ્યા હતા. આ દરમિયાન તેણે પોતાનું દર્દ વ્યક્ત કરતાં આંસુ વહાવ્યા હતા. રડતા રડતા BJPના ઉમેદવારે પોતાની જ્ઞાતિની પીડા વ્યક્ત કરતા કહ્યું કે, 'હું તેલી સમાજનો છું, તેથી જ મારો વિરોધ કરવામાં આવી રહ્યો છે. શું તેલી સમાજનો માણસ સાંસદ ન બની શકે? રાજાઓના ગઢમાં માત્ર ક્ષત્રિય જ સાંસદ બની શકે?'

આ સિવાય તેણે કહ્યું કે 2019થી આજ સુધી મેં કોઈનું અપમાન કર્યું નથી. કેન્દ્રીય મંત્રી અનુપ્રિયા પટેલની આ રેલી પ્રતાપગઢના પટ્ટી વિધાનસભા ક્ષેત્રમાં હતી. લગભગ બે દિવસ પહેલા અનુપ્રિયા પટેલે રાજા ભૈયા પર સવાલ ઉઠાવ્યા હતા. જ્યારે BJP પ્રદેશ અધ્યક્ષ ભૂપેન્દ્ર સિંહ ચૌધરીએ પ્રેસ કોન્ફરન્સ કરીને UPની 53 સીટો પર અત્યાર સુધી થયેલા વોટિંગને લઈને મોટો દાવો કર્યો છે. તેમણે કહ્યું કે, 'પાંચમા તબક્કાની ચૂંટણી પૂર્ણ થઈ ગઈ છે. આ પાંચ તબક્કામાં BJPની તરફેણમાં સર્જાયેલા વાતાવરણથી સ્પષ્ટ છે કે PM મોદીના નેતૃત્વમાં તેમને ત્રીજી વખત જનાદેશ મળી રહ્યો છે.'

તેમણે એમ પણ કહ્યું કે, 'BJP તમામ 53 સીટો જીતવા જઈ રહી છે. જનતા જનાર્દને હવે રાજ્યની તમામ 80 બેઠકો પર કમળ ખીલવવાનું સ્પષ્ટ મન બનાવી લીધું છે. પાંચેય તબક્કામાં જનતાએ વિરોધનો સફાયો કર્યો છે. SP અને કોંગ્રેસે જનતાનો વિશ્વાસ ગુમાવ્યો છે અને તેઓ હતાશ અને નિરાશામાં છે. તેમના નેતાઓ પાસે કોઈ નીતિ નથી. તેના ઇરાદામાં ખામી છે, તેની પાસે એક જ એજન્ડા છે અને તે છે પોતાના પરિવારનું ભરણપોષણ.'

આ સિવાય તેમણે કહ્યું, 'INDIA એલાયન્સની રેલીઓમાં ગુંડાઓના ટોળા આવી રહ્યા છે, અરાજકતાની સ્થિતિ એવી છે કે, યુવરાજ રેલીઓ કરી શકતા નથી. BJP પાંચમા તબક્કામાં તમામ 14 બેઠકો જીતવા જઈ રહી છે. રાહુલ ગાંધીની રિટર્ન ટિકિટ થઈ ગઈ છે અને તેમની હાર પણ થઈ છે. અમેઠીમાં કોંગ્રેસની ઈકો સિસ્ટમ હવે ખતમ થઈ ગઈ છે, ત્યાં ફરી કમળ ખીલ્યું છે. અમેઠી અને રાયબરેલીથી જનતાએ BJPની તરફેણમાં જે સંદેશ આપ્યો છે, તેનાથી સ્પષ્ટ છે કે 4 જૂન પછી રાહુલ બાબા દેશમાં 'કોંગ્રેસ શોધો' યાત્રા પર જવાના છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.