છેલ્લા તબક્કાના મતદાન પહેલા તેજસ્વીના 'ચક્રવ્યુહ'માં ફસાયા CM નીતિશ કુમાર

લોકસભા ચૂંટણી 2024 પહેલા બિહારના રાજકારણનું ચક્ર ઉલ્ટું ફરી ગયું હતું. CM નીતીશ કુમાર INDIA એલાયન્સ છોડીને NDAમાં જોડાયા. હવે છેલ્લા તબક્કાના મતદાન પહેલા તેજસ્વી યાદવે મોટી રાજકીય ચાલ રમી છે. બીજા શબ્દોમાં કહીએ તો CM નીતિશ કુમારને રાજકીય ચક્રવ્યૂહમાં ફસાવવા માટે પાસાઓ ફેંકવામાં આવ્યા છે. આ જ કારણ છે કે, હવે CM નીતીશ કુમારે તેજસ્વીએ કહેલી વાતો અંગે સ્પષ્ટતા આપવી પડી છે. CM નીતિશ કુમારે કહ્યું કે, હવે આમ તેમ જવાની જરૂર નથી. હવે અહીં જ રહેવાનું છે.

RJD નેતા તેજસ્વી યાદવે દાવો કર્યો છે કે, બિહારના CM નીતીશ કુમાર ફરી એકવાર પલટી મારશે. તેજસ્વી યાદવ અનુસાર, લોકસભા ચૂંટણીના પરિણામો આવ્યા પછી બિહારના CM નીતિશ કુમાર મોટો નિર્ણય લઈ શકે છે. વિપક્ષના નેતા તેજસ્વી યાદવે કહ્યું કે, તેમના કાકા CM નીતિશ કુમાર 4 જૂન પછી કોઈ મોટો નિર્ણય લઈ શકે છે. જો તેજસ્વી યાદવની વાત માનીએ તો CM નીતિશ કુમાર ફરી એકવાર INDIA ગઠબંધન સાથે આવી શકે છે.

'4 જૂન પછી, CM ફરીથી રમત રમશે...' પરંતુ CM નીતિશે તેજસ્વી યાદવનું નામ લીધા વિના જવાબ આપ્યો. બિહારના નાલંદામાં એક સભાને સંબોધિત કરતા CM નીતિશે કહ્યું કે, હવે તેઓ આમ તેમ નહિ જાય. CM નીતીશ મંગળવારે નાલંદાના અસ્થાવનમાં જનસભાને સંબોધિત કરી રહ્યા હતા. આ દરમિયાન તેણે કહ્યું કે, કેટલાક લોકો માટે પરિવાર જ સર્વસ્વ છે, મારા માટે આખું બિહાર એક પરિવાર છે. બિહારના CMએ કહ્યું કે, અમે 1995થી BJP સાથે છીએ. વચ્ચે, અમે બે વાર RJDને સમર્થન આપ્યું હતું, પરંતુ જ્યારે તેઓ ગડબડ કરતા હતા, ત્યારે તેમને દૂર કરવામાં આવ્યા હતા. હવે અમે નક્કી કર્યું છે કે, અમે ડાબે-જમણે એટલે કે આમ તેમ નહીં જઈએ, અમે સાથે રહીશું અને બિહારના લોકો માટે કામ કરતા રહીશું.

હવે સવાલ એ થાય છે કે, તેજસ્વી યાદવ વારંવાર રમત રમવાનો દાવો કેમ કરી રહ્યા છે? છેલ્લા તબક્કાના મતદાન પહેલા તેજસ્વી યાદવે કેમ કહ્યું કે, CM નીતિશ કુમાર 4 જૂન પછી મોટો નિર્ણય લઈ શકે છે? હકીકતમાં, લોકસભા ચૂંટણી પહેલા, તેજસ્વી દાવો કરતા હતા કે, આ વખતે ચોંકાવનારા પરિણામો આવશે, હવે અમે રમત રમવાની વાત કરી રહ્યા છીએ. બીજી તરફ રાજકીય પંડિતોનું કહેવું છે કે, આ તેજસ્વી યાદવનો રાજકીય ખેલ છે, બીજું કંઈ નથી. જો કે રાજકારણમાં ક્યારે શું થઇ જશે તેની કોઈને ખબર નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.