મમતાએ INDIA ગઠબંધનને આપ્યો મોટો ઝટકો

આખરે મમતા બેનર્જીએ પોતાનું ધાર્યું કરી લીધું છે. પશ્ચિમ બંગાળમાં કોંગ્રેસને એક પણ સીટ આપ્યા વગર મમતાએ બધી 42 બેઠકો પર પોતાના ઉમેદવારોને ઉતારી દીધા છે અને તેમના નામ પણ જાહેર કરી દીધા છે. INDIA ગઠબંધનને મમતાએ મોટો ઝટકો આપ્યો છે. આ પહેલાં પશ્ચિમ બંગાળમાં એક અથવા 2 સીટ કોંગ્રેસને આપવા માટે TMC તૈયાર હતી.

INDIA ગઠબંધનને રવિવારે મોટો ઝટકો લાગ્યો છે. પશ્ચિમ બંગાળમાં સત્તા પર રહેલા તૃણમૂલ કોંગ્રેસના વડા મમતા બેનર્જિએ 'એકલા ચલો'નો નારો આપીને લોકસભાની ચૂંટણી માટે પોતાની શતરંજની ચાલ બિઝાવી છે. TMCએ રાજ્યમાં એકલા હાથે લોકસભા ચૂંટણી લડવાની જાહેરાત કરી છે અને તમામ 42 બેઠકો પર તેના ઉમેદવારોના નામ જાહેર કરી દીધા છે.

પશ્ચિમ બંગાળમાં મમતા બેનર્જિની આ જાહેરાતથી INDIA ગઠબંધનનામ ભવિષ્ય પર ફરી એકવાર વાદળોમાં ઘેરાઈ ગયા છે, પરંતુ એક સમય એવો હતો જ્યારે મમતા બેનર્જિ પોતે વિપક્ષી પાર્ટીઓના નેતાઓને આગળ આવીને સાથે ચાલવાની વાત કરતા હતા.

પશ્ચિમ બંગાળમાં INDIA ગઠબંધન તૂટવા માટે ઘણા કારણો આપવામાં આવી રહ્યા છે. નિષ્ણાતો માને છે કે TMC અને કોંગ્રેસ ગઠબંધન ન કરી શકવા પાછળનું મુખ્ય કારણ કોંગ્રેસના નેતા અધીર રંજન ચૌધરીની નિવેદનબાજી છે. કારણ કે અધીર રંજન ગયા વર્ષ 2023થી સતત મમતા વિરુદ્ધ નિવેદનો આપી રહ્યા છે. આવી સ્થિતિમાં એ સ્પષ્ટ થઈ ગયું છે કે મમતા અધીર સામે કોઈ તક છોડવા માગતી નથી. અને તેથી, અધીરને હરાવવા માટે, પાર્ટીના સૌથી અગ્રણી ચહેરાને મેદાનમાં ઉતારવામાં આવ્યા છે.

રાજકારણના જાણકારોનું કહેવું છે કે, જ્યારે રાહુલ ગાંધી તેમની ભારત જોડો ન્યાય યાત્રા સાથે પશ્ચિમ બંગાળ પહોંચ્યા ત્યારે મમતા બેનર્જિને યાત્રામાં તેમની ભાગીદારી વિશે જાણ કરવામાં આવી ન હતી. ત્યારે રાહુલ ગાંધીનું નામ લીધા વિના મમતાએ કહ્યું કે તેઓ પશ્ચિમ બંગાળની મુલાકાતે જવાના છે. સૌજન્યની બાબત તરીકે પણ, તેમને આ વિશે જાણ કરવામાં આવી ન હતી. જો કે, કોંગ્રેસના નેતાઓએ મમતાના આ દાવાને સંપૂર્ણપણે ફગાવી દીધો હતો અને કહ્યું હતું કે મમતા બેનર્જી સહિત તમામ સહયોગીઓ યાત્રામાં ભાગ લેશે.

ડિસેમ્બર 2023માં આયોજિત INDIA ગઠબંધનની ચોથી બેઠકમાં TMCએ પ્રસ્તાવ મૂક્યો હતો કે કોંગ્રેસે દેશભરમાં લગભગ 300 એવી બેઠકો પર ચૂંટણી લડવી જોઈએ, જ્યાં ભાજપ સાથે સીધી સ્પર્ધા થશે. બાકીની બેઠકો પર પ્રાદેશિક પક્ષોને સમર્થન આપવું જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.