કંચનજંગા એક્સપ્રેસ અકસ્માતમાં મૃતકોની સંખ્યા 15 થઈ, રેલવે બોલ્યું- માલગાડીએ..

પશ્ચિમ બંગાળના ન્યૂ જલપાઈગુડી પાસે મોટો રેલ અકસ્માત થયો છે. આ અકસ્માતમાં કંચનજંગા એક્સપ્રેસ ટ્રેનની માલગાડી સાથે ટક્કર થઈ ગઈ. આ અકસ્માત એટલો ભીષણ હતો કે, કંચનજંગા એક્સપ્રેસનો એક કોચ માલગાડી પર ચડીને આકાશ તરફ ઉઠી ગયો. અત્યાર સુધી મળેલી જાણકારી મુજબ, બંને ટ્રેનો એક જ ટ્રેક પર આવી ગઈ હતી, જેના કારણે આ અકસ્માત થયો છે. અત્યાર સુધી મળતી માહિતી મુજબ, આ અકસ્માતમાં અત્યાર સુધી 15 લોકોના મોત થઈ ગયા છે. એ સિવાય 60 લોકો ગંભીર રૂપે ઇજાગ્રસ્ત થયા છે. આશંકા વ્યક્ત કરવામાં આવી રહી છે કે મૃતકોની સંખ્યા વધી શકે છે.

કટિહાર મંડળના રંગાપાની અને નિજબાડીવાળા સ્ટેશન વચ્ચે સ્ટેશન પર ઊભી કંચનજંગા એક્સપ્રેસને પાછળથી માલગાડીએ ટક્કર મારી દીધી. એક્સપ્રેસના લગભગ 3 ડબ્બા ટ્રેક પરથી ઉતરી ગયા. ધક્કો એટલો તેજ હતો કે એક ડબ્બો બીજા ડબ્બા પર ચઢી ગયો. ઘટનાની જાણકારી મળતા કટિહાર રેલ મંડળમાં અફરાતફરી મચી ગઈ છે. કટિહાર અને NJP એક્સિડેન્ટલ રીલિફ  ટ્રેન અને મેડિકલ વેન લઈને રેલવેના અધિકારી ઘટનાસ્થળ તરફ કુછ કરી ગયા છે. એમ પણ કહેવામાં આવે છે કે ઘટનામાં લગભગ 200 કરતા વધુ લોકો ઇજાગ્રસ્ત થયા છે.

CPROએ જણાવ્યું કે, કંચનજંગા એક્સપ્રેસ અકસ્માતના કારણે 10 અન્ય ટ્રેનોનો વાહનવ્યવહારનો રુટ બદલી દેવામાં આવ્યો છે. ન્યૂ જલપાઈગુડી, સિલિગુડી જંક્શન, બાગડોગરા અને અલુઆબારી રોડ માર્ગથી ઘણી ટ્રેનોનો ડાયવર્ટ રૂપ પરિચાલન કરાવવામાં આવશે. 22301 હાવડા-ન્યૂ જલપાઈગુડી વંદેભારત એક્સપ્રેસ, ટ્રેન નંબર 12346 ગુવાહાટી-હાવડા સરયાઘાટ એક્સપ્રેસ, ટ્રેન નંબર 12505 કામાખ્યા-આનંદ વિહાર નોર્થ ઈસ્ટ, ટ્રેન નંબર 12510 ગુવાહાટી-બેંગ્લોર એક્સપ્રેસ, ટ્રેન નંબર 22302 ન્યૂ જલપાઈગુડી-વંડેભરત એક્સપ્રેસ ટ્રેન, ટ્રેન નંબર 15620 કામાખ્ય-ગયા એક્સપ્રેસ, ટ્રેન નંબર 15962 ડીબ્રૂગઢ-સિયાલદહ કામરુપ એક્સપ્રેસ, 15636 ગુવાહાટી-ઓખા એક્સપ્રેસ, 15930 ન્યૂ તિનસુકિયા તામ્બરમ એક્સપ્રેસ, ટ્રેન નંબર 13148 બામનહાટ-સિયાલદાહ ઉત્તર બંગા એક્સપ્રેસ, ટ્રેન નંબર 22504 ડિબ્રૂગઢ-કન્યાકુમારી એક્સપ્રેસનું પરિચાલન બદલાયેલ રૂટથી કરવામાં આવશે.

રેલ મંત્રી અશ્વિની વૈષ્ણવે અકસ્માત પર ટ્વીટ કરતા લખ્યું કે, NFR ઝોનમાં દુર્ભાગ્યપૂર્ણ ઘટના થઈ છે. બચાવ કાર્ય યુદ્ધસ્તર પર ચાલી રહ્યું છે. રેલવે, NDRF અને SDRF મળીને કામ કરી રહ્યા છે. ઇજાગ્રસ્તોને હૉસ્પિટલ પહોંચાડવામાં આવી રહ્યા છે. વરિષ્ઠ અધિકારી ઘટનાસ્થળ પર પહોંચી ગયા છે. ઇમરજન્સી મેડિકલ ટીમને ઘટનાસ્થળ પર મોકલવામાં આવી છે. 5-6 લોકો ઇજાગ્રસ્ત થવાની સૂચના છે. અત્યાર સુધી કોઈ જાનહાનિ થવાની સૂચના નથી. સ્થાનિક લોકોની મદદથી ભારે વરસાદ વચ્ચે બચાવ અભિયાન ચાલી રહ્યું છે.

રેલવે બોર્ડના ચેરપર્સન અને CEO જયા વર્મા સિંહાએ જણાવ્યું કે, પાછળથી આવી રહેલી માલગાડીએ રોકાવું જોઈતું હતું. છતા ટ્રેન ન રોકાઈ તો એ તપાસનો વિષય છે. આ મામલે પરેશાની એ છે કે માલગાડીના ચાલકનું પણ મોત થઈ ચૂક્યું છે. આ ઘટનાના મામલે એમ લાગે છે કે માનવીય ભૂલ હતી. પ્રાથમિક તપાસમાં જાણકારી મળે છે કે આ મામલો સિગ્નલને નજરઅંદાજ કરીને ટ્રેનને આગળ વધારવાનો છે. આપણે કવચ સિસ્ટમ વધારવી પડશે. જેના કારણે ટ્રેનની ટક્કર ટાળી શકાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.