ગરીબોને 300 કમિશન આપીને 2000ની નોટો બદલાવાઈ રહી હતી, પોલીસ આવી તો વેપારીઓ..

કાનપુરમાં મહિલાઓને રિઝર્વ બેંક તરફથી 2000 રૂપિયાની નોટ બદલવા માટે 300 રૂપિયા આપવામાં આવી રહ્યા હતા. સમાચાર મળતા જ પોલીસ ઘટના સ્થળે પહોંચી ગઈ હતી. આ દરમિયાન વેપારીઓ ભાગી ગયા હતા. પોલીસે મહિલાઓ અને અન્ય લોકોને કસ્ટડીમાં લીધા છે અને તેમની પૂછપરછ શરૂ કરી છે.

ઉત્તર પ્રદેશના કાનપુરમાં રિઝર્વ બેંક તરફથી મહિલાઓને રૂ. 2,000ની નોટ બદલવા માટે 300 રૂપિયા આપવામાં આવી રહ્યા છે. પોલીસને આ મામલાની માહિતી મળતા જ તાત્કાલિક દરોડો પાડવામાં આવ્યો હતો. આ દરમિયાન પૈસા આપનાર વેપારીઓ ભાગી ગયા હતા, પરંતુ મહિલાઓ અને અન્ય લોકોને પોલીસે પકડીને પોલીસ સ્ટેશન લઈ ગયા હતા. પોલીસે આ સમગ્ર મામલે તપાસ શરૂ કરી છે.

સરકારે કાળા નાણાથી બચવા માટે રિઝર્વ બેંકમાં 2000 રૂપિયાની નોટો બદલવાની વાત કરી હતી. જ્યારે, કાનપુરની રિઝર્વ બેંકમાં નોટો બદલાવી આપવાને લઈને એક અલગ રમત ચાલી રહી હતી.

અહીં કેટલાક વ્હાઇટ કોલર બિઝનેસમેન મહિલાઓને રૂ. 300 આપીને રૂ. 2000ની નોટ બદલવા માટે આપતા હતા. આ અંગેની માહિતી મળતા જ પોલીસે દરોડો પાડ્યો હતો. વેપારીઓ તો ભાગી ગયા હતા, પરંતુ પોલીસે કેટલીક મહિલાઓની અટકાયત કરી છે. પોલીસનું કહેવું છે કે, મહિલાઓ પાસેથી 20 હજાર રૂપિયા મળી આવ્યા છે. પોલીસે તમામને પોલીસ સ્ટેશન લઈ જઈ પૂછપરછ શરૂ કરી હતી.

પોલીસ સ્ટેશન લઈ જવામાં આવેલી મહિલાઓએ કહ્યું કે, તેમને નોટ બદલવા માટે 300 રૂપિયા આપવામાં આવ્યા હતા, તેથી જ અમે અહીં આવ્યા છીએ. પોલીસ સ્ટેશનમાં પૂછપરછ માટે લાવેલી મહિલાઓએ જણાવ્યું કે, પૈસા બદલવાની રમત ઘણા મહિનાઓથી ચાલી રહી છે, જેમાં મહિલાઓને રોજના 300-300 રૂપિયા આપીને બોલાવવામાં આવતી હતી.

આ મામલે ACP અર્ચના સિંહનું કહેવું છે કે, કેટલીક મહિલાઓને નોટ બદલવા માટે લાવવામાં આવી છે, તેમની તપાસ કરવામાં આવી રહી છે. હજુ સુધી કોઈ કેસ નોંધાયો નથી. ACPએ કહ્યું કે, કેટલીક મહિલાઓને રિઝર્વ બેંકમાં 2000 રૂપિયાની નોટ બદલવા માટે પૈસા અપાતા હોવાની માહિતી મળી હતી. પોલીસ કેટલાક લોકોની અટકાયત કરી રહી છે અને તેમની પૂછપરછ કરી રહી છે. પોલીસે મહિલાઓને મુક્ત કરી છે. અત્યાર સુધીમાં છ લોકોની અટકાયત કરીને પૂછપરછ કરવામાં આવી છે.

અહીં તમને જણાવી દઈએ કે, આ તમામ લોકોનો ઉપયોગ રૂ. 2000ની નોટ બદલવાની પ્રક્રિયામાં કરવામાં આવી રહ્યો હતો અને નક્કી કરવામાં આવ્યું હતું કે, દરેકને રૂ. 300 કમિશન મળશે. પૂછપરછ દરમિયાન, પોલીસને જાણવા મળ્યું કે, મોટાભાગના લોકો ગરીબ જરૂરિયાતમંદ લોકો છે, જેમની પાસેથી અમુક ગેંગ નોટો બદલાવવાનું કામ કરાવી રહી છે. પોલીસ દ્વારા પૂછપરછ દરમિયાન લોકોએ જણાવ્યું કે, તેમને રિઝર્વ બેંક પાસે એક વ્યક્તિ મળી, જે તેમને 2000 રૂપિયા આપે છે અને ત્યાર પછી તેમની પાસેથી સિક્કા લે છે અને તેના બદલામાં તેમને 300 રૂપિયા આપવામાં આવે છે. પરંતુ આજે પોલીસ દ્વારા રિઝર્વ બેંકની બહાર જે મોટી સંખ્યામાં લોકો ઝડપાયા છે, તેના પરથી અંદાજ લગાવવામાં આવી રહ્યો છે કે, કરન્સી એક્સચેન્જની આ પ્રક્રિયા પાછળ કોઈ મોટી ગેંગ કામ કરી રહી છે.

કતારમાં ઉભેલા મોટાભાગના લોકો લાચાર અને વૃદ્ધ લોકો હતા, જેમના આધાર કાર્ડ પર ટોળકી 2000 રૂપિયાની નોટો બદલવાનું કામ કરતી હતી. કતારમાં ઉભેલી બે વૃદ્ધ મહિલાઓએ કહ્યું કે, ઘરમાં કોઈ નથી, તેમની એક દીકરી છે, જે બીમાર છે અને તેઓ તેની સારવાર માટે પૈસાની આપ-લે કરવા અહીં આવી છે. આ નોટ ક્યાંથી આવી તેવું તે બતાવી શકી નહીં, તેણે માત્ર એટલું જ કહ્યું કે, તેને આ નોટના બદલામાં સિક્કા મળશે અને તે પરત કરવા પર તેને રૂ. 300 મળશે. ACP અર્ચના સિંહે કહ્યું કે, માહિતીના આધારે સમગ્ર મામલાની તપાસ કરવામાં આવી રહી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.