AC કોચમાં 8 સીટ બુક હતી,પણ રિઝર્વેશન વગરના લોકોએ કોચ કબજે કરી લીધેલો, જુઓ વીડિયો

ઘણા રેલવે મુસાફરો ભારતીય રેલવેની સેવાને લઈને સોશિયલ મીડિયા પર વીડિયો પોસ્ટ કરતા રહે છે. આ વખતે 'બ્રહ્મપુત્ર એક્સપ્રેસ' ટ્રેનનો એક વીડિયો ઝડપથી વાયરલ થઈ રહ્યો છે. આમાં ટિકિટ વિનાના મુસાફરોની ભીડ AC કોચમાં ચઢી ગઈ હતી, જેના કારણે ટ્રેન ખીચોખીચ ભરાઈ ગઈ હતી.

તાજેતરમાં, સોશિયલ મીડિયા પર આવા ઘણા વીડિયો સામે આવ્યા છે, જેમાં ટ્રેનના AC કોચ મુસાફરોથી ભરેલા જોવા મળ્યા હતા, જેઓ કાં તો ટિકિટ વિના મુસાફરી કરી રહ્યા હતા અથવા તો જનરલ ક્લાસની ટિકિટ લઈને AC કોચમાં પ્રવેશ્યા હતા. ફરી એકવાર આવો જ એક વીડિયો ઝડપથી વાયરલ થઈ રહ્યો છે. એક વ્યક્તિએ 'બ્રહ્મપુત્ર એક્સપ્રેસ'ના 'AC-3 કોચ'માં ટિકિટ વિના મુસાફરોની ભીડનો વીડિયો શેર કર્યો છે.

વિજય કુમાર એક વ્યક્તિએ 'X' (અગાઉ ટ્વિટર) પર ટ્રેનની ક્લિપ શેર કરી અને લખ્યું કે 'કોઈને નિયમોની પરવા નથી.' આઠ સેકન્ડના આ વીડિયોમાં ટ્રેનનો AC કોચ સામાન્ય ડબ્બાની જેમ ભરેલો દેખાય છે. ભીડે આવવા જવાની જગ્યાને સંપૂર્ણપણે બ્લોક કરી દીધી હતી, જેના કારણે લોકોને તેમની રિઝર્વ બેઠકો સુધી પહોંચવામાં ઘણી મુશ્કેલીઓનો સામનો કરવો પડ્યો હતો.

વિજય કુમારે વીડિયોના કેપ્શનમાં લખ્યું, 'આ પટના જંક્શન પર '15658 બ્રહ્મપુત્ર એક્સપ્રેસ'નું 'AC-3' છે. મારે અને મારા પરિવારને ટ્રેનમાં ચઢવા અને પછી અમારી કન્ફર્મ સીટ મેળવવા માટે સંઘર્ષ કરવો પડ્યો. AC-3 કોચમાં જનરલ પેસેન્જરનો કબજો થઇ ગયો છે. કોઈને કોઈની ચિંતા નથી.'

વિજયે કહ્યું કે, તેણે તેના પરિવાર માટે આઠ સીટો બુક કરાવી હતી, પરંતુ તે માત્ર છ સુધી પહોંચી શક્યો હતો, કારણ કે ટિકિટ વગરના મુસાફરોએ પહેલાથી જ તે સીટો પર કબજો જમાવી લીધો હતો. 'મેં મારા પરિવાર માટે 8 બેઠકો બુક કરાવી હતી, પરંતુ અમે ફક્ત 6 સુધી જ પહોંચી શક્યા. કેમ કે જનરલ મુસાફરોએ ટ્રેનના આ AC કોચમાં કબજો કરી લીધો હતો, સામાન્ય ટિકિટ ધરાવનારાઓ પણ AC-3માં છે અને ટિકિટ વિનાના લોકો પણ AC-3માં છે. કેટલાક લોકો સાથે વાત કરતી વખતે મને ખબર પડી કે પરીક્ષાઓ ચાલી રહી છે.'

This is AC-3 at 15658 BRAHMAPUTRA EXP at Patna Junction. My family and I had to fight to get into the train & then to get our confirmed seat. AC-3 has been taken over by general passengers. No one cares for any rule @RailMinIndia @AshwiniVaishnaw @narendramodi @NWRailways pic.twitter.com/sVmp2bWNFV

— Vijay Kumar (@_VIJAY_KUMAR) May 24, 2024

આ વીડિયો ઈન્ટરનેટ પર ઝડપથી વાયરલ થઈ રહ્યો છે અને અત્યાર સુધીમાં તેને 7.8 લાખથી વધુ વખત જોવામાં આવ્યો છે. ટિપ્પણીઓમાં, નેટીઝન્સ પોતાની સાથે થયેલા આ પ્રકારના અનુભવો શેર કરી રહ્યા છે. પરંતુ હાલ, આ પોસ્ટ પર 'ભારતીય રેલ્વે' તરફથી હજુ સુધી કોઈ પ્રતિક્રિયા આપવામાં આવી નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.