97 વર્ષના વિદ્યા દેવી પંચાયત ચૂંટણી જીત્યા, બન્યા સરપંચ
રાજસ્થાનના સીકર જિલ્લામાં નીમકાથાના સબ-ડીવિઝનના પુરાણાવાસ ગ્રામ પંચાયતની ચૂંટણીમાં 97 વર્ષીય મહિલાએ પંચાયત ચૂંટણી જીતી લીધી છે. પંચાયત ચૂંટણી જીતનારા 97 વર્ષીય વિદ્યા દેવીએ તેમના હરીફ આરતી મીણાને 207 મતના અંતરથી માત આપી છે.
અધિકારીઓએ જણાવ્યું કે, સરપંચના પદ માટે ચૂંટાલેયા વિદ્યા દેવીને 843 મત મળ્યા, જ્યારે તેમના હરીફ આરતી મીણાને 636 મત મળ્યા. ગ્રામ પંચાયતમાં કુલ 4200 મતદાતાઓ માંથી 2856 મતદારોએ મત આપ્યા. ગ્રામ પંચાયતમાં કુલ 11 ઉમેદવારો ચૂંટણી મેદાનમાં હતા. વિદ્યાદેવીના પતિ પણ 1990 પહેલા સતત 25 વર્ષો સુધી સરપંચ રહી ચૂક્યા છે.
પંચાયતના પહેલા ચરણની ચૂંટણીમાં 87 પંચાયત સમિતીઓની 2726 ગ્રામ પંચાયતોના 26,800 વોર્ડ માટે મતદાન ખતમ થયું. સરપંચ પદો માટે શુક્રવારના રોજ જ મતગણતરી કરવામાં આવી.
Sikar: 97 year old Vidya Devi won panchayat polls, elected Sarpanch of Puranabas village in Neem Ka Thana sub division, yesterday #Rajasthan pic.twitter.com/C6iEGY27yB
— ANI (@ANI) January 18, 2020
આ 87 પંચાયત સમિતી ક્ષેત્રોમાં કુલ 93,20,684 મતદારો છે. સરપંચ પદ માટે 17,242 અને પંચના પદ માટે 42,704 ઉમેદવારો મેદાનમાં છે. રાજસ્થાનમાં 36 સરપંચ અને 11035 પંચ બિનહરીફ પસંદ કરી લેવામાં આવ્યા છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp