જે દલિતના ઘરે મંત્રીએ કર્યું હતું ભોજન,તેને 24 કલાકમાં સિલિન્ડર-રાશન કાર્ડ મળ્યુ

ઉત્તર પ્રદેશના મંત્રી નંદ ગોપાલ નંદીએ તાજેતરમાં મિર્ઝાપુરમાં એક દલિતના ઘરે ભોજન સમારંભનું આયોજન કર્યું હતું. હવે આને લઈને રાજકારણ શરૂ થઈ ગયું છે. SPના વડા અખિલેશ યાદવે આરોપ લગાવ્યો કે, દલિતના ઘરે જે ખાવાનું ખાવામાં આવ્યું તેમાં શાક, ઘી વગેરે બહારથી લાવવામાં આવ્યું હતું. ખાવાનું પણ ગેસના ચૂલા પર રાંધવામાં આવ્યું હતું. તેમણે એમ પણ કહ્યું કે, દલિત પરિવારની પાસે  રેશનકાર્ડ પણ નથી. આવી સ્થિતિમાં અખિલેશના આરોપો પછી હવે જિલ્લા વહીવટીતંત્ર એક્શનમાં આવ્યું છે.

ભારે ઉતાવળમાં પ્રશાસને દલિત મહિલા ગંગાજલી દેવીને ગેસ સિલિન્ડર પણ આપી દીધું. એટલું જ નહીં તેનું રેશનકાર્ડ પણ બની ગયું છે. સાથે જ અધિકારીઓએ તેમને અન્ય સરકારી સુવિધાઓનો લાભ આપવાની પણ ખાતરી આપી છે. એક તસવીર સામે આવી છે જેમાં ગંગાજલી દેવી સિલિન્ડર અને રાશન કાર્ડ હાથમાં પકડેલું દેખાય છે. કહેવામાં આવી રહ્યું છે કે, પરિવાર સાથે બહાર રહેવાના કારણે ગંગાજલીને સરકારી સુવિધાઓનો લાભ મળી શક્યો નથી.

હકીકતમાં, 20 નવેમ્બરના રોજ મંત્રી નંદ ગોપાલ નંદીએ શાહપુર ગામમાં એક દલિત પરિવારના ઘરે ભોજન સમારંભનું આયોજન કર્યું હતું. તેમની સાથે BJPના ધારાસભ્ય, જિલ્લાના DM, SP સહિત અનેક લોકો હાજર હતા. ભોજનમાં અનેક પ્રકારની વાનગીઓ પીરસવામાં આવી હતી. ભોજન પછી મંત્રીએ દલિત મહિલાને 21 હજાર રૂપિયા પણ આપ્યા.

જ્યારે ભોજન કર્યાનો ફોટો સામે આવ્યો, ત્યારે અખિલેશ યાદવે આરોપ લગાવ્યો કે શાક (પનીર) અને ઘી વગેરે દલિતના ઘરે બહારથી મંગાવવામાં આવ્યા હતા. મંત્રી માત્ર ફોટોશૂટ કરાવી રહ્યા છે. તેમને ગરીબોની સમસ્યાઓની કોઈ ચિંતા નથી.

જેના પર મંત્રી નંદીએ પલટવાર કરતા કહ્યું કે, અખિલેશજીએ આવી નાની-નાની પ્રવૃત્તિઓથી દૂર રહેવું જોઈએ. ગરીબ અને દલિતના આતિથ્યની મજાક ઉડાવવી એ અક્ષમ્ય છે. તેણે ટ્વિટર (X) પર લાંબી પોસ્ટ કરીને SP ચીફ પર પ્રહારો કર્યા.

SPના વડા અખિલેશ યાદવે સોશિયલ મીડિયા પર લખ્યું હતું, 'BJPના મંત્રી મતની શોધમાં, દલિતના ઘરે ખાલી દંભ ખાતર ભોજન કરતા છે. જેઓ બહારથી મંગાવેલા શાકભાજી, ઘી વગેરે લાવીને ખોટો 'દલિત પ્રેમ' બતાવે છે અને તેમના ફોટા પડાવે છે. BJPના મંત્રીએ આશાઓથી ભરેલી ફરિયાદો પાછળ છોડી દીધી છે. મંત્રી ઓછામાં ઓછું તે ગરીબ પરિવાર માટે રેશનકાર્ડ બનાવી શક્યા હોત.'

આ સાથે અખિલેશે એમ પણ કહ્યું, 'ચાલો તેને બનાવવા માટે એક મહિનાનો સમય આપીએ, નહીં તો SP કાર્યકર્તાઓ આ કામ કરાવશે અને વચન છે કે, જ્યારે રેશન કાર્ડ બની જશે ત્યારે તેનો ફોટો ચોક્કસ અહીં મુકવામાં આવશે.'

અત્રે ઉલ્લેખનીય છે કે, અખિલેશ યાદવના આ ટ્વીટ પછી જિલ્લા વહીવટીતંત્ર જાગી ગયું અને તેણે તરત જ ગંગા જલી દેવીને સિલિન્ડર આપ્યા. રેશનકાર્ડ પણ બનાવ્યું. હવે એવું કહેવામાં આવી રહ્યું છે કે અન્ય સુવિધાઓ પણ ઉપલબ્ધ કરાવવામાં આવશે.

મીડિયા સૂત્રો સાથે વાત કરતા ગંગા જલી દેવીએ જણાવ્યું કે, મે મારા હાથે મંત્રી માટે ઘરે ભોજન બનાવ્યું હતું. પ્રધાનના ઘરેથી માત્ર દાળ અને ચોખા જ આવ્યા હતા. અમારું બાળક બીમાર હતું એટલે અમે પ્રધાનને કહ્યું હતું. મંત્રી અને અન્ય લોકોએ મારા ઘરે જ બેસીને રાત્રિભોજન કર્યું. જો કે, ગંગા જલીએ ચોક્કસપણે કહ્યું કે, તેની પાસે રેશન કાર્ડ નથી. કોઈ પણ સરકારી યોજનાનો તેને લાભ મળ્યો નથી.

જ્યારે, ગંગા જલી દેવીના પતિ ઉમા શંકરે કહ્યું કે, આ મામલે બિનજરૂરી વિવાદ ઉભો કરવામાં આવી રહ્યો છે. આના પર કોઈ રાજનીતિ ન થવી જોઈએ. મંત્રી અમારા ઘરે આવ્યા અને ભોજન લીધું. અમે અમારા પોતાના હાથે તેમના માટે ભોજન તૈયાર કર્યું અને તેમને ખવડાવ્યું. બાજરીનો રોટલો માટીના ચૂલા પર બનાવવામાં આવ્યો હતો. નજીકમાં રાખેલ ગેસ સિલિન્ડર સંબંધીના ઘરેથી મંગાવવામાં આવ્યો હતો.

નંદ ગોપાલ નંદીએ પોતાની પોસ્ટમાં લખ્યું, 'અખિલેશ જી, હું તમને આવા નાના-નાના કામોથી દૂર રહેવાની સલાહ આપું છું. ગરીબ અને દલિતના આતિથ્યની મજાક ઉડાવવી એ અક્ષમ્ય છે. કહેવાય છે કે, જેવી નજર હોય, તેવી જ દુનિયા દેખાય છે. તમારી વિશ્વસનીયતા અને ગંભીરતાનું થર્મોમીટર પપ્પુ/રાહુલ કરતા દિવસે દિવસે નીચું જઈ રહ્યું છે.'

अखिलेश जी मेरी आपको सलाह है कि इस तरह कि छोटी और ओछी हरकतों से बाज आइये! एक गरीब व दलित के आतिथ्य का मजाक उड़ाना अक्षम्य है!कहा जाता है कि जैसी दृष्टि होती है वैसी ही सृष्टि दिखती है! आपकी विश्वसनीयता और गंभीरता का थर्मामीटर दिन ब दिन पप्पू / राहुल से भी नीचे गिरता जा रहा है!… https://t.co/UdHFCXX0Hi

— Nand Gopal Gupta 'Nandi' 🇮🇳 (@NandiGuptaBJP) November 23, 2023

મંત્રી નંદી આગળ લખે છે, 'જ્યારે મનમાં શૂન્યાવકાશ અને વિકૃત દ્રષ્ટિ હોય છે, ત્યારે વ્યક્તિ ચૂલા પર શેકતી બાજરીની રોટલી અને ખૂબ જ પ્રેમથી તૈયાર કરેલ સરસવના શાકને જોઈ શકતો નથી. ગંગાજલી દેવીજીએ જે પ્રેમ અને આત્મીયતાથી ધારાસભ્યોને, મેજિસ્ટ્રેટ અને પોલીસ અધિક્ષકને ખાવાનું ખવડાવ્યું તેની તમે કલ્પના પણ કરી શકતા નથી. તમારી કુશળતા ACમાં બેસીને વ્યર્થ, અનિયંત્રિત, બિન-ગંભીર અને તથ્ય વિનાની ટ્વિટ કરવાની છે.'

મંત્રી આટલેથી જ અટક્યા નહીં. તેમણે આગળ કહ્યું, 'કોણ ભૂલી શકે કે 2012માં તમે શપથ પણ લીધા ન હતા, માત્ર ટ્રેન્ડ આવ્યા હતા અને SP કાર્યકર્તાઓએ દલિતોની ઘણી વસાહતોને સળગાવી દીધી હતી. જ્યારે તમે તમારી સરકારમાં ક્યારેય ગરીબો અને દલિતોની પરવા કરી નથી, તો હવે તમે મગરના આંસુ વહાવી રહ્યા છો. ભ્રમિત ન થાઓ. બધા જાણે છે કે SPના કાર્યકરો માત્ર જમીન પચાવી પાડવાનું, ગુંડાગીરી અને હપ્તા ઉઘરાવવાનું કરી જાણે છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.