રૂ.10ની ઉચાપત! નાની ભૂલ અધિકારીને પડી મોંઘી, મેજિસ્ટ્રેટ કરશે તપાસ
![](https://khabarchhe.com/uploads/mc_path/171256450538.jpg)
માહિતી અધિકાર કાયદા હેઠળ માહિતી ન આપવી એ સરકારી અધિકારી માટે મોંઘી સાબિત થઈ શકે છે. ફિરોઝાબાદમાં આવા જ એક કેસમાં કોર્ટે સિટી મેજિસ્ટ્રેટને BSA વિરુદ્ધ તપાસ કરવાનો આદેશ આપ્યો હતો. આ કેસમાં 22મી એપ્રિલ સુધીમાં તપાસ રિપોર્ટ રજૂ કરવા આદેશ આપ્યો છે.
UPના ફિરોઝાબાદમાં માહિતી અધિકાર કાયદા એટલે કે RTI સંબંધિત એક રસપ્રદ મામલો પ્રકાશમાં આવ્યો છે. અહીં એક વ્યક્તિએ RTI એક્ટ હેઠળ માહિતી માંગી હતી. જ્યારે માહિતી મળી ન હતી, ત્યારે વ્યક્તિએ BSA પર 10 રૂપિયાની ઉચાપતનો આરોપ લગાવ્યો હતો. આટલું જ નહીં, મામલો CJM કોર્ટમાં પહોંચ્યો અને કોર્ટે સિટી મેજિસ્ટ્રેટને BSA વિરુદ્ધ તપાસ કરવાનો આદેશ આપ્યો છે. કોર્ટના આદેશથી BSA વિભાગમાં ગભરાટનો માહોલ છે.
ફિરોઝાબાદના ફરીદા ગામમાં રહેતા RTI કાર્યકર્તા વિપિન કુમારે મીડિયા સૂત્રને જણાવ્યું કે 18 ડિસેમ્બર, 2023ના રોજ, તેમણે માહિતી અધિકાર અધિનિયમ 6(1) હેઠળ મૂળભૂત શિક્ષણ અધિકારી પાસેથી કેટલાક મુદ્દાઓ પર જરૂરી માહિતી માંગી હતી. પરંતુ BSA સાચી માહિતી ન આપીને તેમને ગેરમાર્ગે દોર્યા. તે પછી તેણે A.D. બેઝિક આગ્રાને આ બાબતે જાણ કરવામાં આવી હતી.
વિપિને જણાવ્યું કે, આગ્રા ઓફિસ તરફથી BSA ફિરોઝાબાદને સંબંધિત માહિતી આપવા માટે આદેશ પણ આપવામાં આવ્યા હતા. પરંતુ વિભાગ દ્વારા કોઈ માહિતી આપવામાં આવી ન હતી. આ પછી તે આ મામલાને ફિરોઝાબાદ CJM કોર્ટમાં લઈ ગયો. જ્યાં તેણે માહિતી ન આપવા અને 10 રૂપિયાની ઉચાપત કરવાનો આરોપ મૂક્યો હતો. આ સાંભળીને કોર્ટે સિટી મેજિસ્ટ્રેટને તપાસ કરવાનો આદેશ આપ્યો છે.
વિપિન કુમારે મીડિયા સૂત્રને જણાવ્યું કે, RTI એક્ટ હેઠળ, કોઈપણ વિભાગ પાસેથી રૂ. 10નો પોસ્ટલ ઓર્ડર મોકલીને કોઈપણ માહિતી માંગી શકાય છે. પોસ્ટલ ઓર્ડરના આ રૂ. 10 સંબંધિત વિભાગ અથવા માહિતી અધિકારી દ્વારા સરકારી તિજોરીમાં જમા કરવામાં આવે છે, પરંતુ BSA વિભાગમાં આવું થયું નથી. રૂ. 10 અન્ય હેતુ માટે ખર્ચવામાં આવ્યા હતા અને સરકારી તિજોરીમાં જમા કરવામાં આવ્યા ન હતા. ચીફ જ્યુડિશિયલ મેજિસ્ટ્રેટ મીનાક્ષી સિન્હાએ વિપિન કુમારના કેસની સુનાવણી કરતા સિટી મેજિસ્ટ્રેટને 22 એપ્રિલ સુધીમાં કેસમાં રિપોર્ટ સોંપવા કહ્યું છે. જ્યારે બેઝિક શિક્ષણાધિકારી આ મામલે કંઈ પણ કહેવાનું ટાળી રહ્યા છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp