રાજસ્થાનમાં કોંગ્રેસ જીતી તો અશોક ગેહલોત સાથે આ વ્યક્તિનું પણ કદ વધી જશે

આજથી લગભગ 7 મહિના અગાઉ 13 મે 2023ના રોજ જ્યારે કર્ણાટક વિધાનસભાની ચૂંટણીના પરિણામ આવ્યા હતા, ત્યારે કોંગ્રેસની જીત સાથે એક ચૂંટણી રણનીતિકારના નામની તેજ ચર્ચા થઈ હતી. એ નામ હતું નરેશ અરોડા. તેમની કંપની ‘DesingnBoxed’ને કર્ણાટકમાં કોંગ્રેસે પોતાના ચૂંટણી અભિયાનની બાગડોર સોંપી હતી અને ચૂંટણી પરિણામ કોંગ્રેસના પક્ષમાં આવ્યા. નરેશ અરોડા ત્યારથી રાજસ્થાન વિધાનસભાની ચૂંટણી માટે પણ લાગી ગયા હતા. તેમણે મુખ્યમંત્રી અશોક ગેહલોતના ચૂંટણી અભિયાનને તૈયાર કરવામાં મહત્ત્વની ભૂમિકા ભજવી છે.

હવે સવાલ એ છે કે શું કર્ણાટકની જેમ જ રાજસ્થાનમાં પણ કોંગ્રેસને પોતાના આ સલાહકારની ચૂંટણી પ્લાનિંગનો ફાયદો પણ મળશે? નરેશ અરોડાએ તો કોંગ્રેસની જીતવાની પૂરી આશા વ્યક્ત કરી છે. તેમણે કહ્યું કે, ‘અશોક ગેહલોત ચોથી વખત મુખ્યમંત્રી બનશે. તેમની સામાજિક સુરક્ષાના દૃષ્ટિકોણનો આખો દેશ સ્ટડી કરશે. જે આજે રાજસ્થાન કરી રહ્યું છે, કાલે આખો દેશ કરશે.’

કોણ છે નરેશ અરોડા

નરેશ અરોડા DesingnBoxedના કો-ફાઉન્ડર અને ડિરેક્ટર છે. આ એક ચૂંટણી કેમ્પેઇન મેનેજમેન્ટ કંપની છે. DesingnBoxedને વર્ષ 2011માં બનાવી હતી. ત્યારે તેને ડિજિટલ મેનેજમેન્ટ કંપની તરીકે શરૂ કરી હતી. કોન્ટેન્ટ ડેવલપમેન્ટ અને ડિજિટલ માર્કેટિંગની ફિલ્ડમાં નરેશ અરોડાએ ઘણા નેશનલ અને ઇન્ટરનેશનલ ક્લાઇન્ટના પ્રોજેક્ટ પર કામ કર્યું છે, પરંતુ અંતે તેમની કંપની રાજનીતિક કેમ્પેઇનના મેનેજમેન્ટમાં ઉતરી અને રાજનીતિક રણનીતિકાર તરીકે નરેશ અરોડાની સફર વર્ષ 2016માં શરૂ થયું, વર્ષ 2017ની પંજાબ વિધાનસભાની ચૂંટણી માટે. ત્યારે તેમને કેટલાક મતવિસ્તારના ચૂંટણી અભિયાન ચલાવવા આપવામાં આવ્યું હતું.

નરેશ અરોડા મુજબ, જેમણે જે ક્ષેત્રોમાં ચૂંટણી અભિયાન પર કામ કર્યું હતું એ બધી સીટો પર કોંગ્રેસને જીત મળી હતી. એક રિપોર્ટ મુજબ, DesingnBoxedએ પંજાબ વિધાનસભાની ચૂંટણી વર્ષ 2017માં 22 કોંગ્રેસ ઉમેદવારોના સોશિયલ મીડિયા કેમ્પેઇન મેનેજ કર્યું હતું. ત્યારબાદ ગુરુદાસપુર લોકસભાની પેટાચૂંટણીનું પ્રચાર અભિયાન સંભાળ્યું, જેમાં કોંગ્રેસે રેકોર્ડ તોડી જીત નોંધાવી લીધી હતી. કોંગ્રેસે હિમાચલ વિધાનસભાની ચૂંટણી વર્ષ 2017નું પણ 4 સીટોનું ચૂંટણી અભિયાન મેનેજ કર્યું હતું.

આ પ્રકારે નરેશ અરોડાની કંપની પર કોંગ્રેસનો ભરોસો વધતો ગયો છે. તેમને ઘણી ચૂંટણી કેમ્પેઇનની જવાબદારી સોંપવા લાગી. પોલિટિકલ કેમ્પેઇન સિવાય નરેશ અરોડા અને તેમની કંપની પંજાબ પોલીસ સાથે મળીને નશા પ્રત્યે જાગૃતિ વધારવાનું પણ કામ કરી ચૂકી છે. તો ચૂંટણી પ્રચાર અભિયાનમાં નરેશ અરોડાએ અત્યાર સુધી માત્ર કોંગ્રેસ પાર્ટી માટે જ કામ કર્યું છે. કર્ણાટક માટે નક્કી ચૂંટણી અભિયાન મેનેજમેન્ટમાં કર્ણાટક તેમનું 10મુ રાજ્ય હતું અને રાજસ્થાન 11મુ રાજ્ય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.