કોણ છે કર્પૂરી ઠાકુર જેમને ભારત સરકાર ભારત રત્ન આપવાની છે, અખિલેશે ઉઠાવ્યો સવાલ

કેન્દ્ર સરકારે બિહારના પૂર્વ મુખ્યમંત્રી અને સમાજવાદી નેતા કર્પૂરી ઠાકુરને મરણોપરાંત ભારતરત્ન આપવાની જાહેરાત કરી છે. આ સંબંધમાં રાષ્ટ્રપતિ ભવન તરફથી નિવેદન જાહેર કરીને આ જાણકારી આપવામાં આવી છે. કર્પૂરી ઠાકુરની બુધવારે થનારી 100મી જન્મ જયંતી અગાઉ તેમને મરણોપરાંત ભારતરત્નથી સન્માનિત કરવાની જાહેરાત કરવામાં આવી છે. જનનાયક કર્પૂરી ઠાકુરને ભારતરત્ન આપવા પર સમાજવાદી પાર્ટીના રાષ્ટ્રીય અધ્યક્ષ અને પૂર્વ મુખ્યમમંત્રી અખિલેશ યાદવની પ્રતિક્રિયા સામે આવી છે. અખિલેશ યાદવે કહ્યું કે, આ સામાજિક ન્યાયના આંદોલનની જીત છે.

અખિલેશ યાદવે સોશિયલ મીડિયા પ્લેટફોર્મ X પર લખ્યું 'જનનાયક કર્પૂરી ઠાકુરજીને મરણોપરાંત જાહેર ભારતરત્ન હકીકતમાં સામાજિક ન્યાયના આંદોલનની જીત છે. જે દર્શાવે છે કે સામાજિક ન્યાય અને અનામતના પરંપરાગત વિરોધીઓને પણ મન મારીને હવે PDAના 90 ટકા લોકોની એજૂથતા આગળ ઝૂકવું પડી રહ્યું છે. PDAની એકતા ફળીભૂત થઈ રહી છે.'

जननायक कर्पूरी ठाकुर जी को मरणोपरांत घोषित भारत रत्न दरअसल ‘सामाजिक न्याय’ के आंदोलन की जीत है, जो दर्शाती है कि सामाजिक न्याय व आरक्षण के परंपरागत विरोधियों को भी मन मारकर अब पीडीए के 90% लोगों की एकजुटता के आगे झुकना पड़ रहा है।

PDA की एकता फलीभूत हो रही है। #PDA_हराएगा_NDA pic.twitter.com/C4BjxfBXCv

— Akhilesh Yadav (@yadavakhilesh) January 23, 2024

તો સમાજવાદી પાર્ટીના નેતા સ્વામીપ્રાસદ મૌર્યએ X પર લખ્યું કે, 'જનનાયક કર્પૂરી ઠાકુરજીને જન્મ શતાબ્દીના અવસર પર મરણોપરાંત ભારતરત્ન આપવાની જાહેરાત, સામાજિક ન્યાયની જીત છે તેમજ કર્પૂરી ઠાકુરજીના વિરાટ વ્યક્તિત્વને અનુરૂપી પણ. સાથે સાથે આ સન્માન દેશના ગરીબો, આદિવાસીઓ, દલિતો, પછાત અને મહિલાઓને સન્માન અપાવવા, ગેર બરાબરી સમાપ્ત કરીને ક્ષમતા મૂલક સમાજ બનાવવા, જાત-પાત, અસ્પૃશ્યતા, ઊંચ-નીચ સમાપ્ત કરવાના હેતુથી કરવામાં આવેલા કર્પૂરી ઠાકુરજીના પ્રયાસો અને સંઘર્ષોની પણ જીત છે, જેનું અમે સ્વાગત કરીએ છીએ.'  

जननायक कर्पूरी ठाकुर जी को जन्म शताब्दी के अवसर पर मरणोंपरांत भारतरत्न दिये जाने की घोषणा, सामाजिक न्याय की जीत है तथा कर्पूरी ठाकुर जी के विराट व्यक्तित्व के अनुरूप भी। साथ ही साथ यह सम्मान इस देश के गरीबों, आदिवासियों, दलितों, पिछडो व महिलाओ को सम्मान दिलाने, गैर बराबरी खत्म कर… pic.twitter.com/QSse9Zr8uX

— Swami Prasad Maurya (@SwamiPMaurya) January 23, 2024

એ સિવાય વડાપ્રધાન નરેન્દ્ર મોદીએ X પર લખ્યું કે, 'મને ખુશી છે કે ભારત સરકારે સામાજિક ન્યાયના પ્રતિક, મહાન જનનાયક કર્પૂરી ઠાકુરને ભારત રત્નથી સન્માનિત કરવાનો નિર્ણય લીધો છે અને એ પણ એવા સમયમાં જ્યારે આપણે તેમની જન્મ શતાબ્દી મનાવી રહ્યા છીએ.'  

मुझे इस बात की बहुत प्रसन्नता हो रही है कि भारत सरकार ने समाजिक न्याय के पुरोधा महान जननायक कर्पूरी ठाकुर जी को भारत रत्न से सम्मानित करने का निर्णय लिया है। उनकी जन्म-शताब्दी के अवसर पर यह निर्णय देशवासियों को गौरवान्वित करने वाला है। पिछड़ों और वंचितों के उत्थान के लिए कर्पूरी… pic.twitter.com/hRkhAjfNH3

— Narendra Modi (@narendramodi) January 23, 2024

JDUએ કર્પૂરી ઠાકુરને ભારત રત્ન આપવાની માગ કરી હતી. આ જાહેરાત બાદ JDUએ મોદી સરકારનો આભાર માન્યો છે. કર્પૂરી ઠાકુરના પુત્ર રામનાથ ઠાકુરે કહ્યું કે, અમને 36 વર્ષની તપસ્યાનું ફળ મળ્યું છે. હું પોતાના પરિવાર અને બિહારના 15 કરોડ લોકો તરફથી સરકારને ધન્યવાદ આપવા માગું છું. ઉલ્લેખનીય છે કે, 'જનનાયક'ના રૂપમાં પ્રખ્યાત સમાજવાદી નેતા કર્પૂરી ઠાકુર ડિસેમ્બર 1970 થી જૂન 1971 સુધી અને ડિસેમ્બર 1977 થી 1979 સુધી બિહારના મુખ્યમંત્રી રહ્યા. 17 ફેબ્રુઆરી 1988ના રોજ તેમનું નિધન થઈ ગયું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.