નિઠારી કાંડઃ કોર્ટે સુરેન્દ્રની 12 કેસમાં,મનીન્દરની બે કેસમાં ફાંસીની સજા રદ કરી

અલ્હાબાદ હાઈકોર્ટે નોઈડાના ચર્ચિત નિઠારી કેસમાં દોષિત સુરેન્દ્ર કોલીની 12 કેસમાં અને મનીન્દર સિંહ પંઢેરની બે કેસમાં ફાંસીની સજા રદ કરી છે. કોર્ટે આ મામલામાં સુરેન્દ્ર કોલી અને મનિન્દર સિંહ બંનેને નિર્દોષ જાહેર કર્યા છે.

હકીકતમાં, CBIએ નિઠારી કેસમાં 16 કેસ નોંધ્યા હતા. જેમાંથી સુરેન્દ્ર કોલીને 14 કેસમાં ફાંસીની સજા ફટકારવામાં આવી છે. જ્યારે મનિન્દર સિંહ પંઢેર સામે 6 કેસ નોંધાયા હતા, જેમાંથી 3 કેસમાં મૃત્યુદંડની સજા સંભળાવવામાં આવી હતી. બે કેસમાં તો તે પહેલા જ નિર્દોષ છૂટી ગયો હતો.

2005 થી 2006 દરમિયાન નોઈડામાં બનેલા નિઠારી કેસમાં CBIએ સુરેન્દ્ર કોલીને હત્યા, અપહરણ, બળાત્કાર અને પુરાવાનો નાશ કરવાના કેસમાં આરોપી બનાવ્યો હતો. જ્યારે મનિન્દર સિંહ પંઢેર પર માનવ તસ્કરીનો પણ આરોપ હતો.

બંને આરોપીઓએ તેમની ફાંસીની સજાને અલ્હાબાદ હાઈકોર્ટમાં પડકારી હતી. આરોપીઓએ કોર્ટમાં કહ્યું હતું કે, આ ઘટનાઓમાં કોઈ સાક્ષી નથી. તેને આ સજા માત્ર વૈજ્ઞાનિક અને સંજોગોવશાત્ પુરાવાના આધારે સંભળાવવામાં આવી છે. જસ્ટિસ અશ્વની કુમાર મિશ્રા અને જસ્ટિસ SHA રિઝવીની ખંડપીઠે આ કેસમાં બંનેને નિર્દોષ જાહેર કર્યા હતા.

7 મે 2006ના રોજ પંઢેરે નિઠારીની એક યુવતીને નોકરી અપાવવાના બહાને બોલાવી હતી. આ પછી યુવતી ઘરે પરત ફરી ન હતી. યુવતીના પિતાએ નોઈડાના સેક્ટર 20 પોલીસ સ્ટેશનમાં ગુમ થવાનો કેસ નોંધાવ્યો હતો. આ પછી, 29 ડિસેમ્બર, 2006ના રોજ, પોલીસને નિઠારીમાં મોનિંદર સિંહ પંઢેરના ઘરની પાછળની ગટરમાંથી 19 બાળકો અને મહિલાઓના હાડપિંજર મળ્યા. પોલીસે મોનિન્દર સિંહ પંઢેર અને તેના નોકર સુરેન્દ્ર કોલીની ધરપકડ કરી હતી, ત્યાર પછી નિઠારી ઘટના સાથે જોડાયેલા તમામ કેસ CBiને ટ્રાન્સફર કરવામાં આવ્યા હતા.

સુરેન્દ્ર કોલી ઉત્તરાખંડના અલ્મોડાના એક ગામનો રહેવાસી છે. તે 2000માં દિલ્હી આવ્યો હતો. દિલ્હીમાં કોળી બ્રિગેડિયરના ઘરે રસોઈયા તરીકે કામ કરતો હતો. એવું કહેવાય છે કે તે ખૂબ જ સ્વાદિષ્ટ ભોજન બનાવે છે. સુરેન્દ્ર કોલી વર્ષ 2003માં પંઢેરના સંપર્કમાં આવ્યો હતો. તેના કહેવા પર તેણે નોઈડા સેક્ટર-31ની ડી-5 કોઠીમાં કામ કરવાનું શરૂ કર્યું. 2004માં પંઢેરનો પરિવાર પંજાબ ગયો હતો. આ પછી તે અને કોલી ઘરમાં સાથે રહેવા લાગ્યા. પંઢેરના ઘરે કોલ ગર્લ્સ અવારનવાર આવતી હતી. આ દરમિયાન તે ઘરના ગેટ પર નજર રાખતો હતો.

આરોપ છે કે, તે ઘર પાસેથી પસાર થતા બાળકોને પકડી લેતો, તેમની સાથે બળાત્કાર કરતો અને પછી તેમની હત્યા કરતો. જોકે, નિઠારી ગામના લોકોનું કહેવું છે કે, પંઢેરના ઘરેથી શરીરના અંગોનો વેપાર થતો હતો. તેઓ કહે છે કે, તેઓ બાળકોને મારીને તેમના શરીરના અંગો કાઢી લેતા હતા. અને તેને વિદેશમાં વેચી દેતો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.