પનોતીવાળા નિવેદન પર શાહનો વાર,જ્યારે પણ PM વિરુદ્ધ વિવાદિત નિવેદન અપાયુ,ત્યારે..

આજે કેન્દ્રીય ગૃહ મંત્રી અમિત શાહે હૈદરાબાદમાં પ્રેસ કોન્ફરન્સ કરતા તેલંગાણાની KCR સરકાર પર જોરદાર પ્રહાર કર્યો. તેમણે કહ્યું કે, આ ચૂંટણી તેલંગાણા અને રાજ્યના લોકો માટે મહત્ત્વપૂર્ણ છે. રાજ્યની રચના એક લાંબા સંઘર્ષ બાદ થઈ. તેલંગાણા ગૌરવ એક મહત્ત્વનો મુદ્દો હતો અને 10 વર્ષ બાદ જો તમે પાછળ ફરીને જોશો તો તેની રેવેન્યૂ સરપ્લાસમાં હતી અને હવે તે દેવામાં ડૂબ્યું છે. રાહુલ ગાંધીના પનૌતીવાળા નિવેદન પર ગૃહ મંત્રી અમિત શાહે કહ્યું કે, જ્યારે પણ વડાપ્રધાન નરેન્દ્ર મોદી વિરુદ્ધ ઓછી ટિપ્પણી કરી છે તો લોકોએ એક ખાસ રીતે પ્રતિક્રિયા આપી છે.

તેલંગાણામાં ભાજપ સરકાર બન્યા બાદ તેલંગાણામાં બધા ભ્રષ્ટાચાર, કૌભાંડોની તપાસ કરવામાં આવશે. ચૂંટણીના દિવસે કોંગ્રેસના નેતા મંદિર જઈ રહ્યા છે? આ સવાલ પર અમિત શાહે કહ્યું કે, આરી વાત છે, મોડેથી જ પરંતુ ખબર તો પડી. મુખ્યમંત્રી KCR પર નિશાનો સાધતા તેમણે કહ્યું કે, એક લાખ નોકરીઓનો વાયદો કર્યો હતો, પરંતુ પેપર લીક થઈ ગયું. KCRની પાર્ટી ભારત રાષ્ટ્ર સમિતિ (BRS)એ 10 વર્ષમાં ભ્રષ્ટાચાર સિવાય કંઇ નથી કર્યું અને ઘણા કૌભાંડ કર્યા છે.

Press Conference in Hyderabad. Watch Live…
https://t.co/1Od4TyQERs

— Amit Shah (@AmitShah) November 25, 2023

તો ભાજપે વાયદા પૂર્ણ કર્યા છે, જેમાંથી તીન તલાક, રામ મંદિર, અનુચ્છેદ 370 જેવા વાયદા સામેલ છે. તો KCR માત્ર તુષ્ટિકરણની રાજનીતિ કરે છે. અમિત શાહે કહ્યું કે, KCR દ્વારા 4 ટકા ધાર્મિક અનામત આપવામાં આવે છે જે સંવિધાન વિરુદ્ધ છે. અમે મુસ્લિમ અનામત સમાપ્ત કરીશું અને તે SC, ST અને OBCને આપવામાં આવશે. મુખ્યમંત્રી KCR પર મોટો હુમલો કરતા અમિત શાહે કહ્યું કે, KCRએ મીડિયાને કહ્યું કે, જો મુસ્લિમ આરોપી સાંપ્રદાયિક હિંસામાં પકડાય છે તો તેનું નામ પ્રકાશિત ન કરો.

તેલંગાણામાં ભાજપની સરકાર બની તો પેટ્રોલ સસ્તું થઈ જશે. અમે રામ મંદિર અને કાશીની યાત્રાની વ્યવસ્થા કરાવીશું. જો તમે ઓવૈસીને વોટ આપશો તો એ KCRને જશે. દરેક વખત જ્યારે ઓવૈસીના ધારાસભ્ય જીતે છે તો તેઓ KCRનું સમર્થન કરે છે. કોંગ્રેસ સાથે પણ એવું જ છે. કોંગ્રેસના વોટ KCRનએ વોટ છે. કોંગ્રેસના ધારાસભ્ય જઈને BRSમાં સામેલ થઈ સામેલ થઈ ગયા. દરેક વખત જ્યારે ઓવૈસીના ધારાસભ્ય જીતે છે તો તેઓ KCRને સમર્થન કરે છે. ભાજપનું વોટ ભાજપ માટે છે. ભાજપ અને BRS ક્યારેય એક સાથે નહીં હોય શકે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.