BJPને પોતાના સહયોગીઓએ 3 ઝટકા આપ્યા, UP, બિહાર-રાજસ્થાનથી આવી મુશ્કેલી

લોકસભા ચૂંટણી 2024માં બહુમતી ન મેળવી શકયા પછી, BJPને તેના વિરોધીઓ તેમજ તેના પોતાના લોકોના ઘણા હુમલાઓનો સામનો કરવો પડી રહ્યો છે. મહારાષ્ટ્ર અને UP પછી તાજેતરનો ફટકો રાજસ્થાન અને બિહારમાંથી આવ્યો છે. રાજસ્થાનમાં કિરોરી લાલ મીણાએ BJP સરકારમાંથી રાજીનામું આપી દીધું છે, જ્યારે બિહારમાં સાથી પક્ષ CM નીતિશ કુમારના મંત્રીએ કહ્યું છે કે, જો JDUએ BJPને સમર્થન ન આપ્યું હોત તો તે લોકસભા ચૂંટણીમાં એક પણ બેઠક જીતી શકી ન હોત.

બિહારના વરિષ્ઠ BJPના નેતા અશ્વિની ચૌબેએ તાજેતરમાં કહ્યું હતું કે, તેમનું સપનું બિહારમાં એકલા BJPની બહુમતી સાથે NDA સરકાર બનાવવાનું છે. તેમણે કહ્યું કે, તેમણે આ ઈચ્છા કેન્દ્રીય નેતૃત્વ સમક્ષ પણ વ્યક્ત કરી છે.

નીતિશ સરકારમાં પ્રતિબંધ, ઉત્પાદન અને નોંધણી વિભાગના પ્રધાન રત્નેશ સાડાએ 3 જુલાઈએ જમુઈમાં કહ્યું હતું કે, જો BJP એકલા હાથે લોકસભા ચૂંટણી લડી હોત તો તે એક પણ બેઠક જીતી શકી ન હોત. અને, ચૌબે જે કહી રહ્યા છે તે તેમની ઘમંડ છે. તેમના આ ઘમંડથી જ BJPએ તેમને સાઇડલાઇન કર્યા છે.

અહીં તમને જણાવી દઈએ કે, ચૌબે 2024ની ચૂંટણી પહેલા મોદી સરકારમાં મંત્રી હતા, પરંતુ આ વખતે તેમને લોકસભાની ટિકિટ આપવામાં આવી નથી.

બીજી તરફ રાજસ્થાનમાં છ વખત ધારાસભ્ય અને બે વખત મંત્રી રહી ચૂકેલા કિરોડી લાલ મીણાએ 4 જુલાઈએ મંત્રી પદેથી રાજીનામું આપવાની જાહેરાત કરી છે. તેઓ રાજ્યની BJP સરકારમાં કૃષિ અને આપત્તિ રાહત મંત્રી હતા. તેમનું કહેવું છે કે, તેઓ કોઈની સાથે નારાજગીના કારણે રાજીનામું નથી આપી રહ્યા, તેઓ માત્ર પોતાનું વચન નિભાવી રહ્યા છે.

મીણાએ કહ્યું હતું કે, જો BJP રાજસ્થાનની જે બેઠકો માટે તેમને લોકસભાની ચૂંટણીમાં જવાબદારી સોંપવામાં આવી છે તે બેઠકો જીતવામાં સફળ નહીં થાય તો તેઓ મંત્રી પદ પરથી રાજીનામું આપી દેશે.

4 જૂને મતગણતરી વખતે, જ્યારે ટ્રેન્ડમાં BJP 11 લોકસભા બેઠકો પર હારી ગયું હતું, ત્યારે મીણાએ સોશિયલ મીડિયા પર લખ્યું હતું, 'રઘુકુલ રીત સદા ચલી આઈ, પ્રાણ જાય પર વચન ન જાય', બરાબર એક મહિના પછી, તેમના રાજીનામાના સમાચાર સાર્વજનિક કર્યા પછી પણ, તેમણે તેમના X એકાઉન્ટ પર તે જ લખ્યું.

रघुकुल रीति सदा चलि आई।
प्राण जाई पर बचन न जाई।।

(श्रीरामचरितमानस)

— Dr.Kirodi Lal Meena (@DrKirodilalBJP) July 4, 2024

આ પહેલા અને પછી પણ મીણા પોતાની જ BJP સરકાર માટે સતત મુશ્કેલી ઉભી કરી રહ્યા છે. તેમણે ભ્રષ્ટાચારનો મુદ્દો ઉઠાવ્યો હતો અને અધિકારીઓની બદલી અંગે સહયોગી મંત્રી સાથે વિવાદ પણ કર્યો હતો.

લોકસભા ચૂંટણીમાં BJPએ 63 બેઠકો ગુમાવ્યા પછી વિવિધ સ્થળોએથી નેતાઓએ આંતરિક વિખવાદના આક્ષેપો કર્યા હતા અને નેતૃત્વના નિર્ણયો પર સવાલો ઉઠાવ્યા હતા. સૌથી વધુ બેઠકો ગુમાવનાર રાજ્ય ઉત્તર પ્રદેશમાં ઘણા નેતાઓએ ખુલ્લેઆમ આંતરકલહનો આરોપ લગાવ્યો હતો.

ઉત્તર પ્રદેશમાં BJPના સહયોગી અનુપ્રિયા પટેલ (અપના દલના નેતા અને કેન્દ્રીય મંત્રી)એ એક અઠવાડિયામાં રાજ્યની યોગી સરકારને બે વાર ભીંસમાં મૂકી. તેમણે રાજ્ય સરકાર પર અનામત વર્ગના ઉમેદવારોને નોકરીમાંથી દૂર રાખવાનો આરોપ લગાવ્યો હતો. ઉપરાંત, 2 જુલાઈએ સ્પષ્ટપણે કહેવામાં આવ્યું હતું કે, ઉત્તર પ્રદેશમાં 69000 શિક્ષકોની નિમણૂક રાજ્ય સરકારના કારણે થઈ રહી નથી.

મહારાષ્ટ્રમાં પણ BJPના એક નેતાએ NCP સાથે ગઠબંધનનો વિરોધ કર્યો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.