ભાજપના આ મંત્રીએ કર્યો જાહેરમાં પેશાબ, ફોટો થયા વાયરલ

ભાજપના મંત્રી જેવા હોદ્દા પર બિરાજમાન વ્યક્તિ દ્વારા પીએમ મોદીના સ્વચ્છતા અભિયાનના ઘજાગરા ઉડાડવામાં આવતા હોય તો પછી સામાન્ય જનતા શું કરે. ભાજપ સરકારના મંત્રીના ફોટો સોશિયલ મીડિયા પર વાયરલ થતા ભારે શરમજનક સ્થિતિ ઉભી થઈ છે.

રાજસ્થાનના મંત્રી કાલીચરણ સરાફના ફોટો વાયરલ થયા છે. ઝાલાના બાયપાસ નજીક મંત્રીએ કારના કાફલાને અટકાવી જાહેરમાં પેશાબ કર્યો હતો. કાલીચરણ સરાફ ચિકત્સા મંત્રી છે. કાલીચરણ સરાફના ફોટો અંગે વિપક્ષના નેતા ગોવિંદ ડોટાસરાએ કહ્યું કે મંત્રીએ સ્વચ્છતાની મજાક ઉડાવી છે. તેમણે પ્રશ્ન કર્યો કે હવે વહીવટી તંત્ર તેમને જાહેરમાં પેશાબ કરવા બદલ દંડ ફટાકારે છે કે કેમ તે જોવાનું રહે છે.

મામલો વિવાદી બનતા કાલીચરણે સ્પષ્ટતા કરી હતી કે સરકારની યોજનાનો પ્રચાર કરવા રાજ્યભરમાં ફરી રહ્યા છે. જેના કારણે માંદા થઈ ગયા હતા. બાથરુમ ન મળવાના કારણે તેમણે જાહેરમાં પેશાબ કર્યો હતો.

ફોટો એવા સમયે વાયરલ થયા છે કે જયપુર નગરપાલિકા દ્વારા શહેરને સ્વચ્છ ભારત અભિયાનને લઈ નંબર વનની પોઝીશન પર લાવવાની કોશીશ કરવામાં આવી રહી છે. કાયદામાં જોગવાઈ છે કે કોઈ વ્યક્તિ જાહેરમાં રસ્તા પર પેશાબ કરતા પકડાશે તો તેને 200 રૂપિયાનો દંડ કરવામાં આવશે,

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.