CAAને સુપ્રીમ કોર્ટમાં પડકારવામાં આવ્યો છે, જાણો આ કાયદો રદ થઈ શકે છે કે નહીં

ગૃહ મંત્રાલયે સોમવારે (11 માર્ચ)ના રોજ નાગરિકતા સંશોધન અધિનિયમ (CAA)ના નિયમોની સૂચના બહાર પાડી છે. સરકારે નોટિફિકેશન બહાર પાડતાની સાથે જ દેશભરમાં કાયદો અમલમાં આવી ગયો.

2019-20ના શિયાળામાં આ કાયદા સામે વ્યાપક વિરોધ જોવા મળ્યો હતો. આ કાયદાને સુપ્રીમ કોર્ટમાં પણ પડકારવામાં આવ્યો છે. ચાલો જાણીએ કે CAAને લઈને શું વિવાદ છે અને તેના અમલ પછી શું બદલાવ આવશે?

ડિસેમ્બર 2019માં, સંસદે 31 ડિસેમ્બર, 2014 પહેલા પાકિસ્તાન, અફઘાનિસ્તાન અને બાંગ્લાદેશથી ભારતમાં આવેલા હિન્દુ, શીખ, બૌદ્ધ, જૈન, પારસી અથવા ખ્રિસ્તી સમુદાયોના વસાહતીઓને નાગરિકતા આપવા માટે નાગરિકતા અધિનિયમ, 1955માં સુધારો પસાર કર્યો હતો. જોગવાઈનો સમાવેશ કરવામાં આવ્યો હતો. ધ્યાનમાં રાખો કે, આમાં મુસ્લિમોના નામ સામેલ નથી.

સોમવારે E-ગેઝેટમાં સૂચિત કરાયેલા 39-પાનાના નિયમો ભારતીય નાગરિકતા માટે અરજી કરવા પાત્ર વ્યક્તિઓ માટેની પ્રક્રિયા દર્શાવે છે. નાગરિકતાના દાવાને સબમિટ કરવા અને ધ્યાનમાં લેવા માટે કયા દસ્તાવેજો અને કાગળની જરૂર છે તે નિયમો સ્પષ્ટ કરે છે.

2020માં ઈન્ડિયન યુનિયન મુસ્લિમ લીગ (IUML) દ્વારા આ સુધારાને સુપ્રીમ કોર્ટમાં પડકારવામાં આવ્યો હતો. ત્યારથી 200થી વધુ અરજીઓ દાખલ કરવામાં આવી છે અને IUMLના પડકાર સાથે ટેગ કરવામાં આવી છે. આમાં રાજકારણીઓ અસદુદ્દીન ઓવૈસી, જયરામ રમેશ, રમેશ ચેન્નીથલા અને મહુઆ મોઇત્રા અને રાજકીય સંગઠનો જેમ કે આસામ પ્રદેશ કોંગ્રેસ સમિતિ, આસામ ગણ પરિષદ (AGP), નેશનલ પીપલ્સ પાર્ટી (આસામ), મુસ્લિમ સ્ટુડન્ટ્સ ફેડરેશન (આસામ), અને દ્રવિડ મુનેત્ર કઝગમ (DMK)ની પિટિશનનો પણ સમાવેશ થાય છે.

ઑક્ટોબર 2022માં, ભારતના તત્કાલિન ચીફ જસ્ટિસ U. U. લલિત અને જસ્ટિસ રવિન્દ્ર ભટ અને હિમા કોહલીની બનેલી બેન્ચે એક આદેશ પસાર કર્યો હતો, જેમાં જણાવ્યું હતું કે CJI લલિતની નિવૃત્તિ પછી ડિસેમ્બર 2022માં અંતિમ સુનાવણી શરૂ થશે. જોકે ત્યારપછી આ કેસની સુનાવણી થઈ નથી.

સુપ્રીમ કોર્ટની વેબસાઈટ અનુસાર, આ કેસ હાલમાં જસ્ટિસ પંકજ મિત્તલની અધ્યક્ષતાવાળી બેંચ સમક્ષ સૂચિબદ્ધ છે.

CAAને એ આધાર પર પડકારવામાં આવ્યો છે કે, તે બંધારણના અનુચ્છેદ 14નું ઉલ્લંઘન કરે છે, જે કહે છે કે 'રાજ્ય તેના પ્રદેશની અંદર કોઈપણ વ્યક્તિને કાયદા સમક્ષ સમાનતા અથવા કાયદાના સમાન રક્ષણનો ઇનકાર કરશે નહીં.' અરજદારોની દલીલ છે કે, કોઈ લાયકાત અથવા ફિલ્ટર તરીકે ધર્મનો ઉપયોગ સમાનતાના મૂળભૂત અધિકારનું ઉલ્લંઘન કરે છે.

અરજદારોએ દલીલ કરી છે કે, આસામમાં નેશનલ રજિસ્ટર ઑફ સિટિઝન્સ (NRC) મુસ્લિમોને નિશાન બનાવવા માટે CAAની સાથે ગેરકાયદેસર ઇમિગ્રન્ટ્સને ઓળખવા માટે લાવવામાં આવ્યું છે.

અદાલતે એ જોવાનું રહેશે કે ,શું ત્રણ મુસ્લિમ બહુમતી ધરાવતા પડોશી દેશોમાંથી કહેવાતા 'અત્યાચારથી પ્રભાવિત લઘુમતીઓ' માટે કરવામાં આવેલી વિશેષ વ્યવસ્થા માત્ર નાગરિકત્વ આપવા માટે કલમ 14 હેઠળ વાજબી વર્ગીકરણ છે કે પછી રાજ્ય મુસ્લિમોની સાથે ભેદભાવ કરવામાં આવે છે.

સરકારે કહ્યું છે કે મુસ્લિમોને 'સતામણી કરાયેલ લઘુમતીઓ'ના જૂથમાંથી એટલા માટે બાકાત રાખવામાં આવ્યા છે કે, પાકિસ્તાન, અફઘાનિસ્તાન અને બાંગ્લાદેશ ઇસ્લામિક દેશો છે, જ્યાં મુસ્લિમો બહુમતીમાં છે. જો કે, સુનાવણી દરમિયાન એના પર ચર્ચા થવાની છે કે, શું મુસ્લિમોને દૂર રાખવા માટે આ ત્રણ દેશોને જાણી જોઈને પસંદ કરવામાં આવ્યા હતા, કારણ કે તે શ્રીલંકામાં તમિલ હિન્દુઓ, મ્યાનમારમાં રોહિંગ્યા અથવા અહમદી અને હજારા જેવા લઘુમતી મુસ્લિમ સંપ્રદાયો છે. ત્યાં પણ અત્યાચારથી પ્રભાવિત લઘુમતીઓ છે.

જો કોઈપણ વર્ગીકરણ મનસ્વી જણાય તો સુપ્રીમ કોર્ટ તેને રદ કરી શકે છે. અદાલતે તાજેતરમાં જ ચૂંટણી બોન્ડ સ્કીમને આ આધાર પર રદ્દ કરી દીધો હતો કે તે 'સ્પષ્ટપણે મનસ્વી' એટલે કે 'અતાર્કિક, તરંગી અથવા સ્થાયી સિદ્ધાંતની વિરુદ્ધ.'

આનો સૌથી મોટો મુદ્દો એ છે કે, શું ધર્મને નાગરિકતા માટેની લાયકાતનો આધાર બનાવવાથી ધર્મનિરપેક્ષતાનું ઉલ્લંઘન થાય છે, જે બંધારણની મૂળભૂત વિશેષતા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.