CM કેજરીવાલ 28 તારીખે જણાવશે કે દારૂ કૌભાંડના પૈસા ક્યાં ગયા, પુરાવા આપશે:સુનીતા

દિલ્હીના CM અરવિંદ કેજરીવાલની પત્ની સુનીતા કેજરીવાલે ફરી એકવાર વીડિયો નિવેદન બહાર પાડ્યું છે. આ દરમિયાન તેમણે કહ્યું કે, CM કેજરીવાલ દિલ્હીના લોકો માટે ચિંતિત છે, તેઓ સાચા દેશભક્ત છે. દિલ્હી લિકર પોલિસી કેસમાં EDની કાર્યવાહી બાદ CM કેજરીવાલ જેલમાં છે. સુનીતા કેજરીવાલે કહ્યું કે, 28મી માર્ચ એટલે કે આવતીકાલે CM કેજરીવાલ કોર્ટની સામે મોટો ખુલાસો કરશે.

દિલ્હીના CM અરવિંદ કેજરીવાલની પત્ની સુનીતા કેજરીવાલે કહ્યું, 'બે દિવસ પહેલા CM અરવિંદ કેજરીવાલે દિલ્હીમાં પાણી અને ગટરની સમસ્યાને લઈને જળ મંત્રી આતિષીને પત્ર મોકલ્યો હતો. કેન્દ્ર સરકારે તેમની સામે કેસ નોંધ્યો હતો. શું તેઓ દિલ્હીને નષ્ટ કરવા માગે છે? શું તેઓ ઈચ્છે છે કે લોકો દુઃખી રહે? આનાથી CM અરવિંદ કેજરીવાલ ખૂબ જ દુખી છે. કહેવાતા દારૂના કૌભાંડમાં EDએ 250થી વધુ દરોડા પાડ્યા છે પરંતુ તેમને હજુ સુધી કંઈ મળ્યું નથી. CM અરવિંદ કેજરીવાલે કહ્યું છે કે, તેઓ 28 માર્ચે કોર્ટમાં બધુ જ જણાવશે. તે કહેશે કે દારૂના કૌભાંડના પૈસા ક્યાં છે, તે પુરાવા પણ આપશે.'

સુનીતા કેજરીવાલે આગળ કહ્યું, 'હું ગઈ કાલે તેમને જેલમાં મળી હતી, તેમને ડાયાબિટીસ છે અને તેમનું શુગર લેવલ ડિસ્ટર્બ છે, પરંતુ તેઓ પોતાના સંકલ્પ પર અડગ છે.' સુનીતા કેજરીવાલે કહ્યું કે, EDને અમારા ઘરેથી માત્ર 73 હજાર રૂપિયા જ મળી શક્યા. CM અરવિંદ જી સત્યવાદી, સાચા દેશભક્ત, નીડર અને હિંમતવાન વ્યક્તિ છે. તેણે કહ્યું છે કે, મારું શરીર જેલમાં છે, પણ મારો આત્મા તમારી વચ્ચે છે. તમારી આંખો બંધ કરો અને તમે મને તમારી આસપાસ અનુભવશો. સુનીતા કેજરીવાલે ફરી એકવાર પતિની ખુરશી પર બેસીને આ સંબોધન કર્યું.

#WATCH | Delhi: Delhi CM Arvind Kejriwal's wife, Sunita Kejriwal says, "...Two days ago, Arvind Kejriwal sent a letter to Water Minister Atishi regarding the water and sewer problems in Delhi... The central government filed a case against him. Do they want to destroy Delhi? Do… pic.twitter.com/jTdOdHfGqX

— ANI (@ANI) March 27, 2024

દિલ્હી વિધાનસભા ગૃહની કાર્યવાહી શરૂ થતાની સાથે જ સ્થગિત કરી દેવામાં આવી હતી. AAPના ધારાસભ્યોએ ગૃહના વેલમાં આવીને CM અરવિંદ કેજરીવાલના સમર્થનમાં અને મોદી સરકાર વિરુદ્ધ સૂત્રોચ્ચાર કર્યા હતા. ત્યાર પછી સ્પીકરે ગૃહની કાર્યવાહી 15 મિનિટ માટે સ્થગિત કરી દીધી હતી. વિરોધ દરમિયાન, AAP મંત્રી ગોપાલ રાયે કહ્યું, 'અમે દિલ્હીમાં પ્રદૂષણને કારણે શ્વસન સંબંધી સમસ્યાઓ અંગે ચર્ચા કરવા જઈ રહ્યા છીએ. તેની ધરપકડ પછી આ પ્રથમ સત્ર છે. સમગ્ર વિશ્વમાં આનો વિરોધ થઈ રહ્યો છે. અમે આ ધરપકડ સામે વિધાનસભામાં પણ અવાજ ઉઠાવીશું.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.