ભીડે કોંગ્રેસની યાત્રાને અટકાવી,મોદી મોદીના નારા લગાવ્યા, રાહુલે જુઓ શું કર્યું

કોંગ્રેસની ભારત જોડો ન્યાય યાત્રા આસામમાંથી પસાર થઇ રહી હતી ત્યારે ટોળાંએ બસને અટકાવીને મોદી મોદીના નારા લગાવ્યા હતા. આ બધાને જોઇને રાહુલ ગાંધીએ બસમાંથી બેઠા બેઠા ફલાઇંગ કિસ આપી હતી.

કોંગ્રેસ સાંસદ રાહુલ ગાંધીના નેતૃત્વમાં ભારત જોડો ન્યાય યાત્રા કાઢવામાં આવી રહી છે. આ દિવસોમાં યાત્રા આસામમાંથી પસાર થઈ રહી છે. રાજ્યના સોનિતપુર જિલ્લામાં ટોળાએ રાહુલ ગાંધીની બસ રોકી ત્યારે કોંગ્રેસના નેતા બસમાંથી નીચે ઉતરી ગયા. જો કે, તેની સુરક્ષા માટે તૈનાત સૈનિકોએ રાહુલને બસમાં પાછા બેસવા કહ્યું. આ દરમિયાન ભીડમાં હાજર લોકો મોદી-મોદીના નારા લગાવતા જોવા મળ્યા હતા.

રાહુલ ગાંધીએ સોશિયલ મીડિયા પ્લેટફોર્મ X પર પોસ્ટ કર્યું કે પ્રેમની દુકાન દરેક માટે ખુલ્લી છે. ભારત જોડાશે, ભારત જીતશે. તેમણે એક વીડિયો પણ શેર કર્યો છે. રાહુલની બસની સાથે ભીડ પણ આગળ વધી રહી હોય તેવું દેખાઈ રહ્યું છે. દરમિયાન રાહુલ બસમાંથી નીચે ઉતર્યા હતા, જોકે, સિક્યુરિટી ગાર્ડ દ્વારા તેમને બસમાં પાછા બેસી જવા કહ્યું હતું.

ભીડમાં સામેલ લોકો પણ ભાજપના ઝંડા પકડેલા જોવા મળ્યા હતા. ભીડમાં કેટલાક લોકો રાહુલ ગાંધીની બસની સામે પણ આવી ગયા હતા. આ પછી રાહુલે બસમાંથી નીચે ઉતરવાનું નક્કી કર્યું. તેણે કહ્યું બસ થોભો. આ પછી તે બસમાંથી ઉતરી ગયા હતા.

કોંગ્રેસ નેતાએ દાવો કર્યો હતો કે યાત્રાને આવરી લેતા બ્લોગરનો કેમેરા, બેજ અને અન્ય સાધનો છીનવી લેવામાં આવ્યા હતા. પાર્ટીની સોશિયલ મીડિયા ટીમના સભ્યો પર પણ હુમલો કરવામાં આવ્યો હતો. તેમણે કહ્યું કે અમે પોલીસને જાણ કરી અને અધિક પોલીસ અધિક્ષક હાલ ઘટનાસ્થળે છે.

सबके लिए खुली है मोहब्बत की दुकान,
जुड़ेगा भारत, जीतेगा हिंदुस्तान।🇮🇳 pic.twitter.com/Bqae0HCB8f

— Rahul Gandhi (@RahulGandhi) January 21, 2024

બીજી તરફ કોંગ્રેસે દાવો કર્યો હતો કે સોનિતપુરમાં પાર્ટીના વરિષ્ઠ નેતા જયરામ રમેશની કાર અને ભારત જોડો ન્યાય યાત્રાના કેમેરા ક્રૂ પર હુમલો કરવામાં આવ્યો છે. જયરામ રમેશે એમ પણ કહ્યું હતું કે તેમની કાર પર સોનિતપુરના જુમુગુરીઘાટ ખાતે ભાજપના કાર્યકરોના બેકાબૂ ટોળાએ હુમલો કર્યો હતો અને વિન્ડશિલ્ડ પરના ભારત જોડો ન્યાય યાત્રાના સ્ટીકરો પણ ફાડી નાખ્યા હતા.

જયરામ રમેશે કહ્યું કે,તેઓએ પાણી ફેંક્યું અને ભારત જોડો ન્યાય યાત્રા વિરુદ્ધ સૂત્રોચ્ચાર કર્યા, પરંતુ અમે અમારું સંયમ જાળવી રાખ્યું. અને ઝડપથી આગળ વધ્યા હતા.. આસામના CM પર આરોપ લગાવતા તેમણે કહ્યું કે બેશક આસામના CM હિમંતા બિસ્વા સરમા જ આ બધું કરાવી રહ્યા છે. તેમણે કહ્યું કે અમે ડરવાના નથી, અમે લડતા રહીશું

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.