શું સોનિયા ગાંધી લોકસભા ચૂંટણી નહીં લડે? સીધા આવી રીતે બનશે સાંસદ

રાજસ્થાનમાં ત્રણ બેઠકો પર યોજાનારી રાજ્યસભાની ચૂંટણીની તૈયારીમાં BJP અને કોંગ્રેસ વ્યસ્ત છે. એક તરફ BJP વતી હાઈકમાન્ડ નિર્ણય લેશે. આ વખતે કોંગ્રેસનું એક નામ બધાને ચોંકાવી શકે છે. એવી ચર્ચા છે કે પાર્ટીના પૂર્વ અધ્યક્ષ સોનિયા ગાંધી પાર્ટીના ઉમેદવાર બની શકે છે અથવા તેમના સિવાય અન્ય કોઈ દિગ્ગજ નેતા રાજસ્થાનથી ઉપલા ગૃહમાં જશે.

હકીકતમાં, રાજસ્થાનથી રાજ્યસભા સાંસદ તરીકે 92 વર્ષીય પૂર્વ PM ડૉ. મનમોહન સિંહનો કાર્યકાળ સમાપ્ત થઈ રહ્યો છે. કોંગ્રેસના સૂત્રોના જણાવ્યા અનુસાર, સ્વાસ્થ્યના કારણોનો ઉલ્લેખ કરીને તેમણે કોંગ્રેસ નેતૃત્વ સમક્ષ રાજ્યસભાની ચૂંટણીમાં ફરીથી ઉમેદવાર ન બનાવવાની ઈચ્છા વ્યક્ત કરી છે. પાર્ટી ખાલી પડેલી સીટ પર દિગ્ગજ નેતાને ઉપલા ગૃહમાં મોકલવાનું વિચારી રહી છે.

સૂત્રોનું માનીએ તો, આ યાદીમાં સોનિયા ગાંધીનું નામ સૌથી આગળ છે. પાર્ટી રાજકીય સમીકરણોના આધારે નક્કી કરવાનો પ્રયાસ કરી રહી છે કે, સોનિયા ગાંધીને હિમાચલ પ્રદેશ કે રાજસ્થાનમાંથી ઉમેદવાર બનાવવામાં આવે. UPની રાયબરેલી સીટ પરથી પ્રિયંકા ગાંધીને મેદાનમાં ઉતારવાની તૈયારીઓ ચાલી રહી છે. સોનિયા ગાંધીના સ્વાસ્થ્યના કારણોને ધ્યાનમાં રાખીને પાર્ટીએ તેમને લોકસભા ચૂંટણીમાં મેદાનમાં ઉતારવાને બદલે રાજ્યસભાની ચૂંટણી દ્વારા સાંસદ તરીકે જાળવી રાખવાની ઈચ્છા વ્યક્ત કરી છે.

એક તરફ, તેલંગાણાના CM રેવંત રેડ્ડીએ તાજેતરમાં સોનિયા ગાંધીને લઈને નિવેદન આપ્યું હતું કે, તેઓ તેલંગાણાથી લોકસભા ચૂંટણી લડશે. રેડ્ડીના આ નિવેદન પહેલા તેલંગાણા કોંગ્રેસ કમિટીએ પણ સોનિયા ગાંધીને તેલંગાણાથી લોકસભા ચૂંટણી લડવા વિનંતી કરી હતી.

સોનિયા ઉપરાંત પાર્ટી પૂર્વ કેન્દ્રીય મંત્રી અજય માકનને પણ રાજ્યસભામાં મોકલવા પર વિચાર કરી રહી છે. માકન વર્ષ 2022માં રાજ્યસભાની ચૂંટણીમાં હરિયાણાથી કોંગ્રેસના ઉમેદવાર હતા, પરંતુ તેઓ ચૂંટણી હારી ગયા હતા. માકનના ભૂતપૂર્વ CM અશોક ગેહલોત સાથે સારા સંબંધો છે, જો કે નવેમ્બર 2022માં વિધાનસભા પક્ષની બેઠકને મંજૂરી ન આપવાની ઘટના પછી તેમના સંબંધોમાં થોડી ખટાશ હોવાના અહેવાલો હતા. સૂત્રોના જણાવ્યા અનુસાર, આખરી નિર્ણય કોંગ્રેસ હાઈકમાન્ડ દ્વારા લેવામાં આવશે, જે પણ નામ નક્કી થશે તે અંગે અશોક ગેહલોત સાથે ચોક્કસ ચર્ચા કરવામાં આવશે. રાજ્યસભાની ચૂંટણી દરમિયાન, ફ્લોર મેનેજમેન્ટ પ્રભાવશાળી નેતાને જ આપવામાં આવશે, જેથી ક્રોસ વોટિંગ ન થાય.

BJPમાં પણ ભૂપેન્દ્ર યાદવનો કાર્યકાળ પૂરો થવાને કારણે આ બેઠક ખાલી થવા જઈ રહી છે. કિરોડી લાલ મીણાના વિધાનસભા ચૂંટણી જીત્યા પછી એક સીટ ખાલી પડી છે. રાજેન્દ્ર રાઠોડ BJPમાં આશ્ચર્યજનક નામ બની શકે છે. જો કે સંઘ દ્વારા સતીશ પુનિયાનું નામ સૂચવવામાં આવ્યું છે. જ્યારે, પાર્ટીના રાષ્ટ્રીય સચિવ અને દિલ્હીના સહ-પ્રભારી અલકા ગુર્જરનું નામ પણ ચર્ચામાં છે. પાર્ટીના સૂત્રોના જણાવ્યા પ્રમાણે, ભૂપેન્દ્ર યાદવને અલવર લોકસભા સીટ પરથી ઉમેદવાર બનાવવા પર વિચારણા ચાલી રહી છે. યાદવ ત્યાંના સામાજિક સમીકરણમાં પણ બંધ બેસે છે. બાબા બાલકનાથના વિધાનસભા ચૂંટણી લડવાના કારણે લોકસભા સીટ ખાલી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.