રાજસ્થાનમાં 23 નવેમ્બરે ચૂંટણી, મોટી સંખ્યામાં લોકો વોટિંગ નહીં કરી શકે,જાણો કેમ

રાજસ્થાન વિધાનસભા ચૂંટણીની તારીખ 23 નવેમ્બર જાહેર કરવામાં આવી છે. આ તારીખે દેશભરમાં દેવઉઠી એકાદશીનો તહેવાર ઉજવવામાં આવશે. રાજસ્થાનમાં આ પ્રસંગે હજારો લગ્નો થાય છે. આવી સ્થિતિમાં, મોટી સંખ્યામાં લોકો લગ્નમાં વ્યસ્ત હશે અને તેથી મતદાન કરી શકશે નહીં.

રાજસ્થાન વિધાનસભા ચૂંટણીની તારીખો જાહેર થઈ ગઈ છે. ચૂંટણી પંચે જાહેરાત કરી હતી કે, આ વખતે રાજ્યમાં 23 નવેમ્બરે ચૂંટણી માટે મતદાન થશે. ત્યાર પછી 3 ડિસેમ્બરે પરિણામ પણ જાહેર થશે. પરંતુ ચૂંટણી પંચ દ્વારા બહાર પાડવામાં આવેલી આ તારીખને લઈને અનેક સવાલો ઉભા થાય તેમ લાગે છે. આ વખતે 23મી નવેમ્બરે દેશમાં દેવઉઠી એકાદશી છે, આ દિવસે વણકહ્યું મુહર્ત હોય છે. આ દિવસે રાજ્યમાં હજારો લગ્નો થાય છે. આ દિવસે લોકો લગ્ન કાર્યમાં વ્યસ્ત હોવાના કારણે મતદાન પ્રક્રિયામાં ભાગ લઈ શકશે નહીં, જેના કારણે રાજ્યમાં ઓછું મતદાન થવાની સંભાવના છે.

સોશિયલ સાઈટ X પર એક યુઝરે (@naveens97751284) લખ્યું છે કે, 'ચૂંટણી પંચને કોઈ વ્યવહારુ જ્ઞાન નથી. 23મી નવેમ્બરે, દેવઉઠી એકાદશીનું ખુબ મોટું મુહર્ત (રાજસ્થાનમાં લગ્ન માટેનો કોઈ પણ સમય) હોય છે.... અડધા લોકો મતદાન કરી શકશે નહીં. ચૂંટણી પંચે પુનર્વિચાર કરવો જોઈએ. મતદારોની ભાગીદારી ઓછી થવાનો ઈતિહાસ બની જશે.' X (@AbhiJain800360) પર અન્ય એક યુઝરે લખ્યું છે કે, 'ચૂંટણી પંચ રાજસ્થાનમાં 23મી નવેમ્બરે એક તબક્કામાં ચૂંટણી યોજશે, જે દિવસે દેવઉઠી એકાદશી પણ છે. હિન્દુ ધર્મની માન્યતા અનુસાર આ એકાદશીથી ભગવાનના શુભ કાર્યોની શરૂઆત થાય છે.'

ભારતના ચૂંટણી પંચ દ્વારા ચૂંટણીની જાહેરાત થતાની સાથે જ લોકો તેના પર વિવિધ ટિપ્પણીઓ કરી રહ્યા છે. જ્યારે ભારતના ચૂંટણી પંચે સોશિયલ મીડિયા પ્લેટફોર્મ X પર આ માહિતી શેર કરી, ત્યારે લોકોએ ટિપ્પણી બોક્સમાં તેમના પ્રતિસાદ સાથે તેને ભરી દીધી હતી. આ પોસ્ટ પર પોતાની પ્રતિક્રિયા આપતા એક યુઝરે કહ્યું કે, 'દેવઉઠી એકાદશી 23 નવેમ્બરે છે, તે શ્રી શ્યામ બાબાનો જન્મદિવસ છે અને ઘણા લગ્નો અને સગાઇ થશે, દરેક વ્યક્તિ વ્યસ્ત હશે અને પ્રદેશની બહાર પણ હોય શકે, તેથી ચૂંટણી પંચે એકવાર વિચારવું જોઈએ.' રાજસ્થાનમાં ચૂંટણીની તારીખની જાહેરાત થતાની સાથે જ આચારસંહિતા લાગુ કરી દેવામાં આવી છે. આચારસંહિતામાં ઘણા નિયમોનું પાલન કરવું જરૂરી છે, જે નીચે મુજબ છે.

આચારસંહિતામાં નીચે મુજબના નિયંત્રણો રહેશેઃ સરકારની નવી જાહેરાતો પર પ્રતિબંધ રહેશે, સરકારી વેબસાઈટ પરથી CM, મંત્રીઓ અને અન્ય નેતાઓના પોસ્ટરો હટાવવામાં આવશે, નેતાઓ હવે સરકારી વાહનોનો ઉપયોગ કરી શકશે નહીં, કોઈપણ નવા પ્રોજેક્ટનો શિલાન્યાસ અને ઉદ્ઘાટન થશે નહીં, હવે નવા જિલ્લાઓ અંગે નવી સરકાર જ નિર્ણય લેશે, નવા જિલ્લાઓ વિશેની સૂચના આપવામાં આવી નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.