બહેનને નકલ કરાવવા માટે બન્યો નકલી પોલીસકર્મી, પરીક્ષા કેન્દ્ર પર પહોંચ્યો અને..

મહારાષ્ટ્રના અકોલામાં ચોંકાવનારી ઘટના સામે આવી છે. અહી ધોરણ 12ની પરીક્ષામાં બહેનને નકલ કરાવવા માટે એક યુવક નકલી પોલીસ બની ગયો. પરીક્ષા કેન્દ્ર પર જ્યારે તેણે અધિકારીઓને સેલ્યૂટ કરી તો સેલ્યૂટ કરવાની રીતથી તે પકડાઈ ગયો. બહેનને નકલ કરાવવા માટે નકલી પોલીસકર્મી બનીને પક્ષી કેન્દ્ર પર પહોંચવાની ઘટના ચર્ચામાં આવી ગઈ છે. મીડિયા રિપોર્ટ મુજબ, અકોલાના પાતુર શહેરમાં શાહબાબૂ ઉર્દૂ હાઇસ્કૂલમાં ધોરણ 12ની પરીક્ષા થવાની હતી.

અહી એક યુવક પરીક્ષા દરમિયાન પોલીસની વર્દી પહેરીને સેન્ટર પહોંચ્યો. પરીક્ષા કેન્દ્ર પર જ્યારે સીનિયર અધિકારી પહોંચ્યા, તો તેણે સેલ્યૂટ કરી. સેલ્યૂટ કરવાની રીત સારી ન હોવાના કારણે તે પકડાઈ ગયો. અધિકારીઓએ જણાવ્યું કે, પકડાઈ ગયેલા આરોપીનું નામ 24 વર્ષિય અનુપમ મદન ખંડારે છે. તે પાંગરા બાંદીનો રહેવાસી છે. પાતુરની શાહબાબૂ હાઇસ્કૂલમાં તેની બહેનની પરીક્ષા હતી. અનુપમ ખંડારે આ પરીક્ષા કેન્દ્ર પર પોલીસની વર્દી પહેરીને પહોંચી ગયો. આરોપી યુવક પોતાની બહેનને નકલ કરાવવાના ચક્કરમાં પરીક્ષા કેન્દ્રની આસપાસ ફરવા લાગ્યો.

એ સમયે સુરક્ષા માટે પાતુર પોલીસ સ્ટેશનના પોલીસ ઇન્સ્પેક્ટર કિશોર શેલકે પોતાની ટીમ સાથે પરીક્ષા કેન્દ્ર પર પહોંચ્યા. વરિષ્ઠ પોલીસ અધિકારીઓને જોઈને અનુપમે તેમને સલામ કરી, પરંતુ પોલીસને તેની સલામી જોઈને શંકા ગઈ. આરોપી યુવકે જે વર્દી પહેરી હતી, તેના પર નેમ પ્લેટ પણ ખોટી હતી. આ બધુ સામે આવ્યા બાદ પોલીસે તેની તપાસ કરી. ત્યારબાદ તેની પૂછપરછ કરીને તપાસ કરવામાં આવી તો તેના ખિસ્સામાંથી અંગ્રેજીની નકલની કોપી મળી. ત્યારબાદ પોલીસે તેની વિરુદ્ધ અલગ અલગ કલમો હેઠળ કેસ નોંધીને ધરપકડ કરી લીધી.

તો હાલમાં જ ઉત્તર પ્રદેશમાં પોતાની બહેનની જગ્યાએ બીજી બહેન પરીક્ષા આપી રહેલી બહેનની ધરપકડ કરવામાં આવી. પોલીસ ભારતીના બીજા દિવસે રવિવારે એક સૉલ્વર અને બહેનની જગ્યાએ બીજી બહેનને પરીક્ષા આપતા આંતરિક દળે પકડી. સૂચના પર પહોંચેલી પોલીસે બંનેની ધરપકડ કરી લીધી. કેન્દ્ર વ્યવસ્થાપકની ફરિયાદ પર પોલીસે આ મામલે આગામી કાયદાકીય કાર્યવાહી શરૂ કરી દીધી હતી. પોલીસ પરીક્ષાના બીજા દિવસે સાંજે પાલીમાં બીજાની જગ્યાએ પરીક્ષા આપતા એક યુવક અને છોકરીને આંતરિક દળે પકડી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.