FB પર દોસ્તી પ્રેમ થયો,ખુશ્બુ બાનોએ બરેલી પહોંચી ધર્મ બદલી વિશાલ સાથે લગ્ન કર્યા

સંત રવિદાસ નગરની ખુશ્બુ બાનોએ પ્રેમ માટે પોતાનું ઘર છોડી દીધું અને બરેલી આવી અને પોતાના પ્રેમી સાથે લગ્ન કર્યા. બંને ચાર વર્ષ પહેલા ફેસબુક પર મિત્રો બન્યા હતા. પોતાના ઘરેથી લગભગ 520 Kmનું અંતર કાપીને ખુશ્બૂ બુધવારે બરેલી પહોંચી અને તેના પ્રેમી સાથે લગ્ન કર્યા હતા.

સંત રવિદાસ નગરની મુસ્લિમ યુવતી ખુશ્બુ બાનોએ પોતાનો ધર્મ બદલીને બરેલીના ભોજીપુરા વિસ્તારના વિશાલ કુમાર સાથે લગ્ન કર્યા. ખુશ્બુ અને વિશાલ ચાર વર્ષ પહેલા ફેસબુક દ્વારા મિત્ર બન્યા હતા. ખુશ્બુ વિશાલ કરતા લગભગ ત્રણ વર્ષ મોટી પણ છે. પંડિત KK શંખધરે બંનેના લગ્ન મઢીનાથના એક આશ્રમમાં કરાવ્યા હતા.

ખુશ્બુ બાનોએ જણાવ્યું કે ફેસબુક પર પીપલસાણા, ભોજીપુરામાં રહેતા વિશાલ સાથે તેની મિત્રતા થઈ હતી. થોડા સમય પછી બંનેએ એકબીજાના મોબાઈલ નંબર લીધા અને પછી કલાકો સુધી વાતો કરવા લાગ્યા. ધીરે ધીરે મિત્રતા પ્રેમમાં બદલાઈ ગઈ.

બે અલગ ધર્મની વાત હોવાથી પરિવારની સંમતિથી લગ્ન થવાની આશા નહોતી. આથી ખુશ્બુ ઘરેથી બરેલી આવી ગઈ હતી. આચાર્ય KK શંખધરે ગંગા જળ અને ગૌમૂત્રથી શુદ્ધિકરણ કર્યું અને આ પછી મંદિરમાં સાત ફેરા ફેરવીને લગ્ન કરાવ્યા હતા. આચાર્યએ જણાવ્યું કે, ધર્મ પરિવર્તન કર્યા પછી પણ ખુશ્બૂ બાનોનું મૂળ નામ ખુશ્બૂ જ રહેશે.

લગ્ન દરમિયાન હિન્દુ સંગઠનોના ઘણા અધિકારીઓ પણ હાજર રહ્યા હતા. ખુશ્બુએ જણાવ્યું કે વિશાલ સાથે તેના લગ્ન વિશે જાણ થયા પછી તેના પરિવારના સભ્યો તેના દુશ્મન બની ગયા છે. તેને એવી આશંકા છે કે મારા પરિવારના સભ્યો તેની અને તેના પતિની હત્યા કરી શકે છે. લગ્ન કર્યા પછી નવા યુગલે SSP ઓફિસને પત્ર લખીને સુરક્ષા આપવાની માંગ કરી છે.

ખુશ્બૂએ કહ્યું કે, તેને શરૂઆતથી જ હિન્દુ દેવી-દેવતાઓમાં શ્રદ્ધા છે. તેમના પૂર્વજોએ મુઘલ કાળ દરમિયાન ઇસ્લામ અંગીકાર કર્યો હતો. ખુશ્બુએ કહ્યું કે, ઈસ્લામ ધર્મમાં મહિલાઓનું કોઈ સન્માન નથી. ટ્રિપલ તલાક, હલાલા જેવી દુષ્ટ પ્રથાઓ છે. હું સ્વેચ્છાએ ધર્મ પરિવર્તન કરી રહી છું અને હિંદુ ધર્મ અપનાવી રહી છું.

હિંદુ શેર સેનાના રાષ્ટ્રીય અધ્યક્ષ વિકાસ હિંદુએ કહ્યું કે, તે અને તેમનું સંગઠન હંમેશા પોતાની મરજીથી ઘરે પરત ફરનારા લોકો માટે તૈયાર રહેશે. તેમણે નવા યુગલને સુરક્ષા આપવા માટે DGP ઉત્તર પ્રદેશને પત્ર લખવાની ખાતરી પણ આપી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.