મદરસાના હાફિઝને 8 વર્ષની બાળકી પર રેપ બદલ આજીવન કેદ, 40 દિવસમાં ચુકાદો

આઠ વર્ષની બાળકી પર બળાત્કાર ગુજારનાર મદરેસાના હાફિઝને આજીવન કેદ. કોર્ટે 40 દિવસમાં સુનાવણી પૂરી કરી અને 13 દિવસમાં ચાર્જશીટ આપી. પીડિતાને સાત દિવસ સુધી મેરઠની મેડિકલ કોલેજમાં દાખલ કરવામાં આવી હતી. કેસ નોંધ્યા પછી, પોલીસે આરોપીની ધરપકડ કરી અને તપાસ પૂર્ણ કર્યા પછી, 6 ઓક્ટોબર, 2023ના રોજ કોર્ટમાં ચાર્જશીટ દાખલ કરી.

સ્પેશિયલ જજ પોક્સો એક્ટની કોર્ટે આઠ વર્ષની બાળકી પર બળાત્કારના દોષિત મદરેસાના હાફિઝને આજીવન કેદની સજા ફટકારી છે. કોર્ટે માત્ર 40 દિવસમાં જ પોતાનો ચુકાદો સંભળાવ્યો છે. કોર્ટે ગુનેગાર પર 50 હજાર રૂપિયાનો દંડ પણ ફટકાર્યો છે. દંડની રકમ પીડિતાને વળતર તરીકે ચૂકવવામાં આવશે.

વિશેષ સરકારી વકીલ દિનેશ કુમાર શર્મા અને મનમોહન વર્માએ જણાવ્યું કે, 23 સપ્ટેમ્બર, 2023ના રોજ બુઢાના પોલીસ સ્ટેશન વિસ્તાર હેઠળના એક ગામમાં આઠ વર્ષની બાળકી પર બળાત્કાર થયો હતો. પીડિતાની માતાએ આ મામલામાં બવાના પોલીસ સ્ટેશન બુઢાના નિવાસી મદરેસાના હાફિઝ ઈરફાન, પિતાનું નામ કાલુ, વિરુદ્ધ કેસ દાખલ કર્યો હતો.

તેના પર એવો આરોપ હતો કે હાફિઝ ઈરફાને તેની આઠ વર્ષની પુત્રીને રૂમની સાફ સફાઈ કરવાના બહાને ત્યાં બોલાવી હતી અને તેના પર બળાત્કાર ગુજાર્યો હતો. બળાત્કાર થયા પછી બાળકીની તબિયત બગડી ગઈ હતી. બાળકીને જિલ્લા હોસ્પિટલમાં લાવવામાં આવી હતી, જ્યાંથી તેને ઉચ્ચ કેન્દ્ર મેરઠમાં રેફર કરવામાં આવી હતી.

આ કેસની સુનાવણી એડિશનલ ડિસ્ટ્રિક્ટ એન્ડ સેશન જજ (સ્પેશિયલ જજ પોક્સો એક્ટ) બાબુરામ દ્વારા કરવામાં આવી હતી. ગત 11 ઑક્ટોબર, 2023ના રોજ, કોર્ટે આ કેસની નોંધ લીધી હતી. કેસની સુનાવણી માત્ર 40 દિવસમાં પૂરી કરીને કોર્ટે સોમવારે હાફિઝ ઈરફાનને દોષિત જાહેર કર્યો હતો. સ્પેશિયલ પબ્લિક પ્રોસિક્યુટર્સ દિનેશ કુમાર શર્મા અને મનમોહન વર્માએ કહ્યું કે, મંગળવારે કોર્ટમાં સજાના પ્રશ્નની સુનાવણી થઈ. બંને પક્ષોની દલીલો સાંભળ્યા પછી કોર્ટે આરોપીને આજીવન કેદની સજા ફટકારી છે.

રેપ કેસમાં સજા સંભળાવતી વખતે કોર્ટે દોષિત મદરેસા હાફિઝ પર આકરી ટીપ્પણી કરી હતી. ન્યાયાધીશે કહ્યું કે, જો કોઈ શિક્ષક સંસ્થામાં ભણતી વિદ્યાર્થીની સાથે આવું વર્તન કરે છે, તો સામાન્ય માણસ છોકરીઓને શૈક્ષણિક સંસ્થામાં ભણવા માટે નહીં મોકલે. શિક્ષકમાં અવિશ્વાસ ઉત્પન્ન થઇ જશે. જો આવા આરોપીઓ પ્રત્યે ઉદાર અભિગમ અપનાવવામાં આવે તો તેનાથી સમાજમાં ખોટો સંદેશ જઈ શકે એમ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.