90 વર્ષના દાદીએ બધાને હરાવી ચૂંટણી જીતીને બનાવ્યો રેકોર્ડ

જમુઈમાં એક 90 વર્ષની મહિલા પંચાયતની પ્રમુખ બની ગઈ. પેટાચૂંટણીના પરિણામે સૌને ચોંકાવી દીધા હતા. ડાઢા પંચાયતમાં 90 વર્ષીય મહિલા પ્રમુખની ચૂંટણી જીતી. હકીકતમાં સુનીતા દેવીએ પુત્રવધૂના અવસાન પછી મુખિયા પદ માટે ચૂંટણી લડી હતી. અહીંના મતદારોએ પણ તેમને સંપૂર્ણ સમર્થન આપ્યું હતું.

બિહારના જમુઈમાં અદ્ભુત ઘટના બની. 90 વર્ષની દાદીએ બધાને હરાવ્યા. ડાઢા ગામના લોકો ફટાકડા ફોડી રહ્યા છે. દાદી પ્રમુખની ચૂંટણી જીત્યા. હવે દાદી પ્રમુખ બની ગયા. જ્યારે દાદીએ ઉમેદવારી નોંધાવી ત્યારે પંચાયતના લોકોએ તેની મજાક ઉડાવી હતી. વિરોધી પાર્ટીએ તેને ભાવ પણ આપ્યો ન હતો. પણ દાદીએ બધાની બોલતી બંધ કરી દીધી. ભાગ્યે જ એવું કોઈ ઘર હશે જ્યાં જઈને આ વૃદ્ધ મહિલાએ મત માંગ્યો ન હોય.

ચૂંટણી જીત્યા પછી વૃદ્ધ મહિલા સુનિતા દેવીએ મીડિયાને કહ્યું કે, તે માત્ર મજાકમાં જ જ્યારે તેના પુત્રએ તેને ચૂંટણી લડવા માટે કહ્યું ત્યારે તેણે હા પાડી દીધી. આ પછી, તે ઘરે-ઘરે જઈને લોકોને મળી, તેમની સાથે વાત કરી અને તેમને મત આપવા માટે કહ્યું. પરિણામ એ આવ્યું કે 90 વર્ષની સુનીતા દેવીએ તેમના નજીકના હરીફ યુવાન લલિતા દેવીને 140 મતોથી હરાવ્યા. જમુઈની સૌથી વૃદ્ધ મહિલા પ્રમુખ દાદી બની ગયા.

90 વર્ષની સુનીતા દેવીનો પરિવાર મોટો છે. તેમને ચાર પુત્રો છે. પૌત્રો પૌત્રીઓ પણ છે. કહેવામાં આવી રહ્યું છે કે, સુનીતા દેવીના 10 પૌત્રો પૌત્રીઓ છે. માતાની ઈચ્છા પૂરી કરવા પુત્રોએ પણ પૂરો સાથ આપ્યો. ગામના લોકો દાદીમાના જુસ્સાને માન આપ્યું. સાથ એવો આપ્યો હતો કે તેમની છેલ્લી ઈચ્છા પૂરી થઈ. સુનીતા દેવીના પુત્ર વિજય યાદવે મીડિયાને જણાવ્યું કે, માતાની જીતથી સમગ્ર પરિવારમાં ખુશીનો માહોલ છે.

હકીકતમાં, 90 વર્ષીય મહિલા સુનીતા દેવીએ જમુઈ જિલ્લાના બરહાટ બ્લોકની ડાઢા પંચાયતમાં પ્રમુખ પદ માટે નોમિનેશન ફોર્મ ભર્યું હતું. આ પહેલા તેમની પુત્રવધૂ પંચાયતના પ્રમુખ હતા. તેમના મૃત્યુ પછી પંચાયતમાં પેટાચૂંટણી યોજાઈ હતી. તેના પછી પુત્રવધૂની ગેરહાજરીમાં લોકોએ સાસુની ઉમેદવારી પર વિશ્વાસ વ્યક્ત કર્યો હતો. સુનીતા દેવીને 1 હજાર 728 વોટ મળ્યા, જ્યારે તેમના પ્રતિસ્પર્ધી લલિતા દેવીને 1 હજાર 588 વોટ મળ્યા. જો કે, બેઠકો મહિલાઓ માટે અનામત હોવાથી કોઈપણ મહિલા ચૂંટણી લડી શકતી હતી. આથી પુત્રવધૂની ગેરહાજરી સાથે સાસુનું સપનું પૂરું થયું.

પ્રમુખ બનનાર સુનીતા દેવીએ જણાવ્યું કે, પુત્રવધૂના અવસાન પછી ગામવાસીઓ અને સમર્થકોના દબાણને કારણે તેમણે ચૂંટણી લડવી પડી, હવે તેઓ પ્રમુખ બની ગયા છે. પંચાયત અને ગામના વિકાસ માટે કામ કરશે. ચૂંટણી જીત્યા પછી, પ્રમાણપત્ર લઈને, માતા-પુત્ર ગામના દુર્ગા મંદિર પહોંચ્યા અને ત્યાં પ્રાર્થના કરી અને ત્યાંથી શોભાયાત્રા કાઢી, જ્યાં સમર્થકો DJની ધૂન પર નાચતા જોવા મળ્યા. અહીં તમને જણાવી દઈએ કે, સુનીતા દેવીના પુત્ર વિજય યાદવ પણ ત્રણ વખત આ પંચાયતના પ્રમુખ રહી ચૂક્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.