'અરે બહેન, શેની ઉજવણી છે...?' પ્રિયંકાએ સીમા પર કર્યો કટાક્ષ,CAA પર સ્પષ્ટતા કરી

શિવસેના (ઉદ્ધવ બાળાસાહેબ ઠાકરે) સાંસદ પ્રિયંકા ચતુર્વેદીએ પાકિસ્તાની નાગરિક સીમા હૈદર અને આફ્રિકન-અમેરિકન ગાયિકા મેરી મિલબેન પર કટાક્ષ કર્યો છે. હકીકતમાં, બંનેએ ભારતમાં નાગરિકતા (સુધારા) અધિનિયમ (CAA)ના અમલીકરણ પર ખુશી વ્યક્ત કરી હતી. આના પર ચતુર્વેદીએ આશ્ચર્ય વ્યક્ત કર્યું કે, સીમા હૈદર શેની ઉજવણી કરી રહી છે, જ્યારે તે પાકિસ્તાનમાં અન્યાય સહન કરતા લઘુમતી જૂથ સાથે સંબંધિત નથી અને તેમને આ નવા નાગરિકતા કાયદાનો કોઈ લાભ નથી મળવાનો.

સચિન મીણાના પ્રેમમાં પાકિસ્તાનથી ગેરકાયદેસર રીતે ભારત આવેલી સીમા હૈદરે સોમવારે સાંજે CAAના અમલ પર ખુશી વ્યક્ત કરતા ફટાકડા ફોડ્યા હતા. મીડિયા સાથે વાત કરતાં તેમણે કહ્યું હતું કે, 'PM મોદીજીએ આજે નાગરિકતા કાયદો લાગુ કર્યો છે. આ માટે હું જીવનભર PM મોદીજીની ઋણી રહીશ. આ કાયદાના કારણે અમારી નાગરિકતાના અવરોધો પણ જલ્દી દૂર થઈ જશે.'

બીજી તરફ, અમેરિકન અભિનેત્રી-ગાયિકા મેરી મિલબેને પણ PM નરેન્દ્ર મોદીને તેમના 'દયાળુ નેતૃત્વ' માટે આભાર માન્યો હતો અને સોમવારે નાગરિકતા સંશોધન અધિનિયમ (CAA)ના અમલીકરણની પ્રશંસા કરી હતી, તેને 'લોકશાહીનું સાચું કાર્ય અને શાંતિનો માર્ગ' તરીકે ઓળખાવ્યું હતું. મિલબેને સોશિયલ મીડિયા પ્લેટફોર્મ 'X' પર શેર કરેલી પોસ્ટમાં કહ્યું, 'આ શાંતિ તરફનો માર્ગ છે. આ લોકશાહીનું સાચું કામ છે.'

શિવસેના (UBT)ના સાંસદ પ્રિયંકા ચતુર્વેદીએ CAA પર ખુશી વ્યક્ત કરતા આ બંને પર કટાક્ષ કર્યો. તેણે X પર લખ્યું, 'ઠીક છે... પણ તે ખરેખર શેની ઉજવણી કરી રહી છે? કારણ કે ન તો તે ડિસેમ્બર 2014 પહેલા ભારત આવી છે અને ન તો તે પાકિસ્તાનમાં અન્યાય સહન કરનાર લઘુમતી છે.' મેરી મિલબેન પર કટાક્ષ કરતા ચતુર્વેદીએ લખ્યું, 'અને, બહેન મિલબેન, એક અમેરિકન નાગરિક, અમેરિકામાં ઉજવણી કરી રહી છે. અમેઝિંગ!'

અહીં તમને જણાવી દઈએ કે, નાગરિકતા સંશોધન કાયદા હેઠળ પાકિસ્તાન, બાંગ્લાદેશ અને અફઘાનિસ્તાનથી આવનારા બિન-મુસ્લિમોને ભારતીય નાગરિકતા આપવામાં આવશે. CAA હેઠળ, આ દેશોમાંથી આવતા હિન્દુ, ખ્રિસ્તી, શીખ, જૈન, બૌદ્ધ અને પારસી સમુદાયના લોકોને ભારતીય નાગરિકતા આપવાની જોગવાઈ છે.

Okay. So what exactly is she celebrating? Since neither has she come to India before December 2014 nor is she persecuted minority from Pakistan.
Also, US citizen, behen Mary Miliben is celebrating as well in America…. Gazab! https://t.co/03SoB1DfCK

— Priyanka Chaturvedi🇮🇳 (@priyankac19) March 11, 2024

CAA 11 ડિસેમ્બર, 2019ના રોજ સંસદના બંને ગૃહો દ્વારા પસાર કરવામાં આવ્યું હતું. એક દિવસ પછી તેને રાષ્ટ્રપતિ દ્વારા મંજૂરી આપવામાં આવી. આ કાયદો એવા લોકો પર લાગુ થશે જેઓ 31 ડિસેમ્બર 2014 પહેલા ભારત આવ્યા હતા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.