કોર્ટે એવું કેમ કહેવું પડ્યું કે- લાગે છે કળયુગ આવી ગયો છે

અલ્લાહબાદ હાઇ કોર્ટે વૃદ્ધ દંપતી વચ્ચે ભરણ-પોષણ ભથ્થાને લઈને ચાલતી આવી રહેલી કાયદાકીય લડાઈને લઈને મહત્ત્વની ટિપ્પણી કરી છે. કોર્ટે કહ્યું- લાગે છે કે કળિયુગ આવી ગયો છે અને એવી કાયદાકીય લડાઈ ચિંતાનો વિષય છે. મામલો અલીગઢનો છે. ત્યાં 80 વર્ષના મુનેશ કુમાર ગુપ્તા સ્વાસ્થ્ય વિભાગમાં સુપરવાઇઝરના પદ પરથી રિટાયર થયા છે. તેની પત્ની ગાયત્રી દેવી (76 વર્ષ) વચ્ચે 2018થી સંપત્તિનો વિવાદ ચાલી રહ્યો છે. મામલો પોલીસ વચ્ચે પહોંચશે અને તેને પરિવાર પરામર્શ કેન્દ્રમાં ટ્રાન્સફર કરી દેવામાં આવ્યો. જો કે, વાત ન બની શકી. ત્યારબાદ બંને અલગ રહેવા લાગ્યા.

ગાયત્રી દેવીએ ફેમિલી કોર્ટમાં અરજી દાખલ કરી અને કહ્યું કે, પતિનું પેન્શન લગભગ 35 હજાર રૂપિયા છે. તેમણે આજીવિકા માટે દર મહિને 15 હજાર રૂપિયા આપવાની માગ કરી, પરતું 16 ફેબ્રુઆરીએ પોતાના આદેશમાં 5 હજાર ભરણ-પોષણ ભથ્થું આપવા માટે કહ્યું. પતિએ તેને હાઇકોર્ટમાં પડકાર આપ્યો, જેના પર હવે સુનાવણી ચાલી રહી છે. જસ્ટિસ સૌરભ શ્યામ શામશેરી આ અરજી પર સુનાવણી કરી રહ્યા છે. તેમણે ટિપ્પણી કરતા કહ્યું કે, લાગે છે કળિયુગ આવી ગયો છે અને એવી કાયદાકીય લડાઈ ચિંતાનો વિષય છે.

તેમણે દંપતીને સલાહ આપવાનો પણ પ્રયાસ કર્યો. ગાયત્રી દેવીનું કહેવું હતું કે અમે ભરણ-પોષણ ભથ્થું માગ્યું હતું અને ફેમિલી કોર્ટે અમારા પક્ષમાં નિર્ણય સંભળાવ્યો છે. ત્યારબાદ પતિએ કોર્ટના આદેશને પડકાર આપ્યો. હાલમાં હાઇકોર્ટે ગાયત્રી દેવીને નોટિસ આપી છે અને કહ્યું કે, આશા છે કે આગામી સુનાવણી સુધી તેઓ કોઈ સમજૂતી સુધી પહોંચી જશે. વૃદ્ધ મૂનેશ કુમાર ગુપ્તાએ આ અરજી CRPCની કલમ 125 હેઠળ ફેમિલી કોર્ટના આદેશની કાયદેસરતાના પડકારમાં દાખલ કરી છે.

તો અલ્લાહબાદ હાઇકોર્ટે અન્ય એક કેસને લઈને કહ્યું કે નોકરીના કારણે જો પતિ-પત્ની અલગ રહે છે તો તેને પરિત્યાગ કરવાનું નહીં માની શકાય. આ આધાર પર પતિની છૂટાછેડાની અરજી ફેમિલી કોર્ટ નાગપુર નગર દ્વારા ફગાવવામાં કોઈ ગેર-કાયદેસરતા નથી. આ આદેશ ન્યાયાધીશ એસ.ડી. સિંહ અને ન્યાયાધીશ ડોનાદી રમેશની ખંડપીઠે અરવિંદ સિંહ સેનગર વર્સિસ પ્રભા સિંહની અપિલને ફગાવતા આપ્યો છે.

અરજી મુજબ બંનેના લગ્ન 1999માં થયા હતા. વર્ષ 2000માં એક બાળકનો જન્મ પણ થયો. પતિ ઝાંસીમાં લોકો પાયલટ છે અને પત્ની ઐરૈયામાં સહાયક શિક્ષિકા છે. પતિએ વર્ષ 2004માં વૈવાહિક પ્રતિસ્થાપન અરજી આપી અને એકપક્ષીય આદેશ લઈ લીધો. પરંતુ પત્નીની અરજી સ્વીકારતા કોર્ટે 2006માં એકપક્ષીય આદેશ રદ્દ કરી દીધો, ત્યારબાદ પતિએ અરજી પરત લઈ લીધી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.