સેકન્ડની ઝપકી, મંદિરેથી પાછું ફરતું કુટુંબ વિખેરાયું, વાનમાં 7 લોકો હતા

ટોંકમાં આજે વહેલી સવારે એક ભયાનક માર્ગ અકસ્માત થયો હતો. પાછળથી આવી રહેલી એક વાન રોડ કિનારે ઉભેલી ટ્રક સાથે અથડાઈ હતી. વાનમાં બેઠેલા પરિવારના ત્રણ સભ્યોનું ઘટનાસ્થળે જ મોત નીપજ્યું હતું અને અન્ય એક વ્યક્તિએ હોસ્પિટલમાં દમ તોડ્યો હતો. અત્યારે ત્રણ લોકોને હોસ્પિટલમાં દાખલ કરવામાં આવ્યા છે, તમામની હાલત અત્યંત ગંભીર છે. અકસ્માત એટલો ભયંકર હતો કે ટ્રકની ટક્કર બાદ વાન લોખંડના જંકમાં ફેરવાઈ ગઈ હતી. વાનમાં ફસાયેલા લોકોને વાનના અનેક ભાગો કાપીને જેમ તેમ બહાર નીકળવા પડ્યા હતા. આ દુર્ઘટના આજે સવારે લગભગ 4 વાગ્યે ટોંક જિલ્લાના ઘાડ઼ પોલીસ સ્ટેશન વિસ્તારમાં બની હતી. પોલીસનું કહેવું છે કે, શક્ય છે કે વાન ચાલક ઊંઘી ગયો હતો અને તેણે વાન પરનો કાબૂ ગુમાવ્યો હતો. ત્યાર પછી કાર ટ્રકની અંદર ઘુસી ગઈ હતી.

ઘટનાસ્થળે પહોંચેલા ઘાડ઼ પોલીસ સ્ટેશને જણાવ્યું હતું કે, અકસ્માતમાં પતિ-પત્ની અને પતિના ભાઈ સહિત ડ્રાઈવરનું મૃત્યુ થયું હતું. મળતી માહિતી મુજબ, દેવલીના શ્યામ નગરમાં રહેતા મનીષ શર્મા, તેમની પત્ની ઈશુ દેવી શર્મા, ભાઈ અમિત શર્મા અને તેમના પરિવાર સાથે ખાટુ શ્યામજીના મંદિરના દર્શન કરીને પરત ફરી રહ્યા હતા. અજમેરના નસીરાબાદના રામસર પોલીસ સ્ટેશનના રહેવાસી વાન ડ્રાઈવર રવિને સીકરના રિંગાસમાં સ્થિત ખાટુ મંદિરની યાત્રા કરવા માટે બુક કરવામાં આવ્યો હતો. આ દિવસોમાં રવિ દેવલીમાં જ વાન ચલાવે છે. ગઈકાલે પરિવાર ખાટુ ગયો હતો અને આજે વહેલી સવારે પરત ફરી રહ્યો હતો. લગભગ 30 કિલોમીટર દૂર તેઓ ઘરે પહોંચવાના જ હતા ત્યારે નેશનલ હાઈવે પર અકસ્માત થયો હતો. મનીષ શર્માની પુત્રી દીપાલી પણ વાનમાં હતી, અને સાથે ઘર પાસે રહેતા અંશુલ જૈન અને નિક્કી ઉર્ફે નિકેશ જૈન પણ તેમાં હતા.

દુર્ઘટનાની જાણ થતાં દેવલી ઘાડ઼ અને દૂની પોલીસ ઘટનાસ્થળે પહોંચી હતી અને મૃતદેહોને બહાર કાઢ્યા હતા. પોલીસે જણાવ્યું કે, આ ઘટના સવારે દેવડાવાસ સ્થિત ક્રિષ્ના હોટલ પાસે બની હતી. એવું કહેવામાં આવ્યું હતું કે, વાન સવાર ટોંકથી દેવલી આવી રહ્યા હતા. પોલીસના જણાવ્યા અનુસાર ત્રણ લોકોના ઘટનાસ્થળે જ મોત થયા હતા. જ્યારે એક ઘાયલનું ટોંક હોસ્પિટલમાં સારવાર દરમિયાન મોત થયું હતું. આ લોકો ખાટુ શ્યામજીના દર્શન કરીને પરત ફરી રહ્યા હતા. વાનમાં કુલ 7 લોકો હતા. આ તમામ ટોંક જિલ્લાના દેવલીના હોવાનું જણાવવામાં આવી રહ્યું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.