સાળીની બનેવી સાથે લગ્ન કરવાની જીદ,પત્ની ઝેર લઈ પોલીસ સ્ટેશન પહોંચી,પોલીસ પરેશાન

મેરઠમાં પોતાના બનેવી સાથે ભાગી ગયેલી સાળી લગ્નની જીદ પર અડી ગઈ છે. પોલીસે બનેવી અને સાળીને ઝડપી લઈને કસ્ટડીમાં લીધા હતા, જ્યારે ઝેરનું પેકેટ લઈને પોલીસ સ્ટેશન પહોંચેલી ગર્ભવતી પત્નીએ ઝેર પી લેવાની ધમકી આપી હતી. પોલીસ અને પરિવાર બંને ચિંતામાં પડી ગયા છે.

પોલીસ (મેરઠ પોલીસ)ને ક્યારેક ક્યારેક અનોખી સમસ્યાઓનો સામનો કરવો પડે છે. આવું જ કંઈક મેરઠ પોલીસ સાથે થયું. સોમવારે મોડી સાંજે મેરઠના સરુરપુર પોલીસ સ્ટેશનમાં બે બહેનોના લગ્નને લઈને હાઈવોલ્ટેજ ડ્રામા ચાલ્યો હતો. મોટી બહેન પોતાના જ બનેવી સાથે લગ્ન કરવાની જીદ પર અડી ગઈ હતી. જ્યારે, ગર્ભવતી પત્ની ઝેરનું પેકેટ લઈને પોલીસ સ્ટેશન પહોંચી અને કહ્યું કે જો બંનેના લગ્ન થશે તો તે ઝેર ખાઈને આત્મહત્યા કરી લેશે. પોલીસે બનેવી અને સાળીને કસ્ટડીમાં લીધા છે. હવે તે પરિવારને મનાવવામાં વ્યસ્ત છે.

મેરઠના સરુરપુર પોલીસ સ્ટેશન વિસ્તારના હર્રા નગરની રહેવાસી યુવતી ત્રણ દિવસ પહેલા તેના બનેવી સાથે ભાગી ગઈ હતી. પોલીસે સોમવારે તેમને ઝડપી લીધા હતા. પોલીસ સ્ટેશનમાં સાળી, બનેવી સાથે લગ્ન કરવાની જીદ પર અડી ગઈ હતી . પરિવારજનો અને પોલીસની સમજાવટ પછી પણ યુવતી રાજી ન થઈ. જ્યારે, યુવકની પત્ની પણ ઝેરનું પેકેટ લઈને પોલીસ સ્ટેશન પહોંચી હતી અને તેના પતિ સાથે લગ્ન કરવાની જીદ પર અડી ગયેલી તેની બહેનને કહ્યું હતું કે, જો તમે બંને લગ્ન કરી લેશો તો તે ઝેર ખાઈ જશે. પોલીસ અને પરિવારજનોએ સાળીને ખુબ સમજાવી છતાં તેણે કોઈનું સાંભળ્યું નહીં. તેની પરિણીત બહેનના વિરોધ કરવા છતાં પણ યુવતી તેના બનેવી સાથે લગ્ન કરી અને તેની સાથે જવાની જીદ પર અડી ગઈ હતી. પોલીસે યુવક અને તેની સાળીની અટકાયત કરી છે.

પીડિત પત્નીએ જણાવ્યું કે, ત્રણ વર્ષ પહેલા તેણે તેના પતિની સાથે ભાગી જઈને તેની સાથે લગ્ન કર્યા હતા. પરંતુ હવે આ યુવકે તેની સાળીને પોતાના પ્રેમજાળમાં ફસાવી તેની સાથે પણ ભાગી ગયો હતો. પોલીસે સોમવારે તેમને ઝડપી લીધા હતા.

પરિવારજનોએ પોલીસને જણાવ્યું કે, લગ્ન કરવાની જીદ પર અડી ગયેલી સાળી બે બહેનોમાં મોટી હતી. ત્રણ વર્ષ પહેલાં નાની દીકરી ભાગીને પરણી ગઈ હતી, મોટી બહેન કુંવારી રહી ગઈ હતી. પરંતુ હવે આ યુવકે મોટી દીકરીને પણ પોતાના પ્રેમ જાળમાં ફસાવી તેને ભગાવીને લઇ ગયો હતો, જે પોલીસના હાથે ઝડપાઈ ગયા છે.

પરિવારજનોએ જણાવ્યું કે, આરોપી યુવકને એક વર્ષની પુત્રી છે અને તેની પત્ની ગર્ભવતી છે, તેમ છતાં તે તેની મોટી સાળી સાથે લગ્ન કરવાની જીદ લઈને બેઠો છે. પોલીસે સાળીને તેના પરિવારને સોંપી દીધી છે અને તેને સમજાવવા જણાવ્યું છે અને આરોપી યુવક હજુ પણ પોલીસ કસ્ટડીમાં છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.