અયોધ્યાના ઐતિહાસિક ચૂકાદા પર આંતરરાષ્ટ્રીય મીડિયાએ આપી આવી પ્રતિક્રિયાઓ

અયોધ્યામાં વિવાદિત જમીન અંગે સુપ્રીમ કોર્ટે પોતાનો ઐતિહાસિક ચુકાદો આપ્યો હતો. સુપ્રીમ કોર્ટે વિવાદિત જમીન રામલલા વિરાજમાનને આપી છે. મસ્જિદ માટે અલગ જમીન આપવા જણાવ્યું છે. સુપ્રીમ કોર્ટે નિર્મોહી અખાડાના દાવાને ફગાવી દીધો છે. સુપ્રીમ કોર્ટના ઐતિહાસિક ચુકાદો શનિવારે દુનિયાભરના અખબારોમાં હેડલાઇન બની હતી. આ ચુકાદાને વિશ્વના ઘણા મુખ્ય અખબારો અને ન્યૂઝ ચેનલો દ્વારા અગ્રતા આપવામાં આવી હતી. કોર્ટના ચુકાદો અને વિવાદ વિશે વિસ્તૃત માહિતી આપતાં તેમણે ચુકાદા અંગે પોતાનું વલણ સ્પષ્ટ કર્યું હતું.

પાકિસ્તાનની વાત કરીએ, તો આ ચુકાદો પર સવાલો ઉભા થયા હતા. તે નેતાઓ હોય કે ત્યાંના મીડિયા. પાકિસ્તાની નેતાઓના નિવેદનના જવાબમાં ભારતે કહ્યું કે તેને ભારતના આંતરિક બાબતો પર કોઈ ટિપ્પણી કરવાની જરૂર નથી. પાકિસ્તાની ચેનલ જિઓ ટીવીએ લખ્યું છે કે, ભારતના સુપ્રીમ કોર્ટે બાબરી મસ્જિદની જમીન મંદિરને આપી. મુસ્લિમ પક્ષને અન્યત્ર જમીન આપવા જણાવ્યું છે.

અમેરિકન અખબાર ન્યુ યોર્ક ટાઇમ્સે લખ્યું છે કે, ભારતીય અદાલતે અયોધ્યા વિવાદમાં હિન્દુઓની તરફેણમાં ચુકાદો આપ્યો. વોશિંગ્ટન પોસ્ટે લખ્યું છે કે, સુપ્રીમ કોર્ટે ભારતમાં વિવાદિત જમીન પર મંદિર બનાવવાનો માર્ગ સાફ કરી દીધો. વોશિંગ્ટન પોસ્ટે લખ્યું છે કે, 'ભારતીય સુપ્રીમ કોર્ટે ઐતિહાસિક ચુકાદો આપ્યો છે, જેમાં વિવાદિત જમીન પર મંદિર નિર્માણનો માર્ગ ખોલવામાં આવ્યો છે. મુસ્લિમ પક્ષ માટે અલગ પાંચ એકર જમીન પણ આપવા આદેશ અપાયો છે.

ધ ગાર્ડિયને લખ્યું છે કે, અયોધ્યાનો ચુકાદો: વિવાદીત જમીન પર હિન્દુ પક્ષનો વિજય. યુએઈના અખબાર ગલ્ફ ન્યૂઝે લખ્યું છે કે, હિન્દુઓને વિવાદીત અને મુસ્લિમો માટે વૈકલ્પિક જમીન. આ સિવાય સુપ્રીમ કોર્ટની પાંચ સભ્યોની બેંચ દ્વારા ચુકાદાના તમામ મુખ્ય મુદ્દાઓ પણ હાઇલાઇટ કરવામાં આવ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.