ISRO ચીફ બનતા રોકવા માટે સિવાને કર્યો પ્રયાસ, સોમનાથે આત્મકથામાં કર્યો ખુલાસો

ઇન્ડિયન સ્પેસ રિસર્ચ ઓર્ગેનાઇઝેશન (ISRO)ના અધ્યક્ષ એસ. સોમનાથના ખુલાસાથી હાહાકાર મચી ગયો છે. તેમણે પોતાના પુસ્તકમાં ખુલાસો કર્યો છે કે ISROના પૂર્વ પ્રમુખ કે સિવાને તેમને અંતરીક્ષ એજન્સીના અધ્યક્ષ બનતા રોકવાનો પ્રયાસ કર્યો હતો. દક્ષિણ ભારતની મીડિયા સંસ્થા મનોરમાએ સોમનાથના પુસ્તકના સંદર્ભે રિપોર્ટ લખ્યું છે. તેમાં કહેવામાં આવ્યું છે કે સોમનાથે પોતાની આત્મકથા ‘નિલાવું કૂદિચા સિંહાંગલ’માં આ સનસનીખેજ આરોપ લગાવ્યા છે.

તેમણે પુસ્તકમાં કહ્યું કે, ચંદ્રયાન-2 નિષ્ફળ રહ્યું કેમ કે તેને આવશ્યક પરીક્ષણ કર્યા વિના ઉતાવળમાં લોન્ચ કરવામાં આવ્યું હતું. સોમનાથે કહ્યું કે, તેમણે અને સિવાન, જેઓ 60 વર્ષ બાદ વિસ્તાર પર સેવામાં બન્યા રહ્યા. તેમણે વર્ષ 2018માં એ.એસ. કિરણ કુમારના પદ પરથી સેવાનિવૃત્ત થયા બાદ ISROના અધ્યક્ષ પદ માટે શોર્ટલિસ્ટ કરવામાં આવ્યા હતા. જો કે, ISROના અધ્યક્ષ બન્યા બાદ પણ સિવાને વિક્રમ સારાભાઈ અંતરીક્ષ કેન્દ્ર (VSSC)ના ડિરેક્ટરના રૂપમાં પોતાનું પદ છોડ્યું નહોતું.

જ્યારે સોમનાથે સિવાન પાસે એ પદની માગ કરી, જે ઉચિત રૂપે તેમનું હતું તો સિવાને કોઈ જવાબ આપ્યા વિના ટાળ્યો. ISROના પૂર્વ ડિરેક્ટર ડૉ. બી.એન. સુરેશના હસ્તક્ષેપ પછી 6 મહિના બાદ અંતે સોમનાથની વિક્રમ સારાભાઈ અંતરીક્ષ કેન્દ્રના ડિરેક્ટરના રૂપમાં નિમણૂક કરવામાં આવી. સોમનાથનો એવો પણ આરોપ છે કે ISRO અધ્યક્ષના રૂપમાં 3 વર્ષની સેવા બાદ રિટાયર થવાની જગ્યાએ સિવાને પોતાનો કાર્યકાળ વધારાવવાનો પ્રયાસ કર્યો હતો. સોમનાથે કહ્યું કે મને લાગે છે કે યુ.આર. રાવ અંતરીક્ષ કેન્દ્રના ડિરેક્ટરને અંતરીક્ષ આયોગમાં ત્યારે લેવામાં આવ્યા હતા, જ્યારે ISROના નવા અધ્યક્ષની પસંદગી કરવાનો સમય હતો, જેથી હું અધ્યક્ષ ન બની શકું.

સોમનાથે દાવો કર્યો કે, જે દિવસે ચંદ્રયાન-2 ચંદ્રમા પર ઉતરવાનું હતું, એ દિવસે જ્યારે વડાપ્રધાન નરેન્દ્ર મોદી આવ્યા હતા તો તેમને તેમના સ્વાગત માટે આવેલા લોકોના ગ્રુપથી દૂર રાખવામાં આવ્યા હતા. ચેરમેને એ સત્ય બતાવવાની જગ્યાએ કે સોફ્ટવેરમાં એક ત્રુટિ હતી, જેના કારણે ચંદ્રયાન-2ની લેન્ડિંગમાં નિષ્ફળતા મળી, તેમણે જાહેરાત કરી કે લેન્ડર સાથે સંપર્ક સ્થાપિત ન કરી શક્યુ. સોમનાથે પોતાના પુસ્તકમાં કહ્યું કે સિવાને ચંદ્રયાન-2 મિશનમાં ઘણા બદલાવ કર્યા, જે ત્યારે શરૂ થયા, જ્યારે કિરણ કુમાર અધ્યક્ષ હતા.

અત્યધિક પ્રચાર-પ્રસારે પણ ચંદ્રયાન-2 મિશન પર પ્રતિકૂળ પ્રભાવ નાખ્યો. તેમની સૌથી મોટી સંતુષ્ટિ એ હતી કે જ્યારે ચંદ્રયાન-3 મિશન સફળ થયું તો વડાપ્રધાન નરેન્દ્ર મોદી વ્યક્તિગત રૂપે શુભેચ્છા આપવા પહોંચ્યા હતા. દક્ષિણ ભારતની મીડિયા સંસ્થામાં આ આર્ટિકલ સામે આવ્યા બાદ દેશભરમાં હોબાળો મચી ગયો છે. ત્યારબાદ PTIને આપેલા નિવેદનમાં ISRO ચીફ સોમનાથે સફાઇ આપી કે તેમની ટિપ્પણી કોઈ વિશેષ વિરુદ્ધ નહોતી.

તેમણે કહ્યું કે, કોઈ સંસ્થામાં ઉચ્ચ પદ સુધી પહોંચવાની યાત્રા દરમિયાન દરેક વ્યક્તિને કોઈક ને કોઈક પ્રકારના પડકારમાંથી પસાર થવું પડે છે અને તેમણે પણ જીવનમાં એવી મુશ્કેલીઓનો સામનો કર્યો છે. તેમણે અંતરીક્ષ એજન્સીમાં પોતાની દશકો લાંબી યાત્રા દરમિયાન જે કેટલાક પડકારોનો સામનો કર્યો તેનો ઉલ્લેખ પોતાની આગામી આત્મકથા ‘નિલાવુ કૂદિચા સિંહાંગલ’માં કર્યો છે, પરંતુ એ કોઈ વ્યક્તિ વિશેષ વિરુદ્ધ નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.