'જાનેમન, તું કેમ મારી પાછળ પડી ગયો છે...' વિવેકે સંદિપને આપ્યો આ રીતે જવાબ

યુટ્યુબર સંદીપ મહેશ્વરી અને વિવેક બિન્દ્રા વચ્ચે ચાલી રહેલ શબ્દયુદ્ધ અટકવાનું નામ નથી લઈ રહ્યું. હવે વિવેક બિન્દ્રાએ મહેશ્વરી માટે રિપ્લાય વીડિયો બનાવ્યો છે. જેમાં તે વારંવાર તેને જાનેમન કહે છે. અહીં તમને જણાવી દઈએ કે, યુટ્યુબર અને મોટિવેશન સ્પીકર સંદીપ મહેશ્વરીએ આઠ દિવસ પહેલા પોતાની યુટ્યુબ ચેનલ પર એક વીડિયો અપલોડ કર્યો હતો. જેમાં તે બે છોકરાઓ સાથે વાત કરતો જોવા મળે છે. તે બંને જણાવે છે કે બિઝનેસ શીખવા માટે તેમણે એક મોટા યુટ્યુબર પાસેથી 50 હજાર અને 35 હજાર રૂપિયામાં કોર્સ ખરીદ્યા હતા. પરંતુ આનો તેમને કોઈ લાભ મળ્યો નથી.

આમાંથી એક છોકરો કહે છે કે 'વેપારીઓને બદલે અમને સેલ્સમેન બનાવી રહ્યા છે.' તે કહે છે કે કોર્સ ખરીદ્યા પછી, તેને અન્ય લોકોને ઉત્પાદન તરીકે આગળ વેચવા માટે કહેવામાં આવે છે. આ અંગે સંદીપ મહેશ્વરીએ આશ્ચર્ય વ્યક્ત કરતાં કહ્યું કે આ કૌભાંડ બંધ થવું જોઈએ.

ત્યારપછી તેણે યુટ્યુબ કોમ્યુનિટી પર પોસ્ટ કર્યું. અહીં તેણે કહ્યું કે તેના પર વીડિયો હટાવવા માટે દબાણ કરવામાં આવી રહ્યું છે. કેટલાક લોકો તેમના ઘરે પણ આવ્યા હતા. આ પછી વિવેક બિન્દ્રાએ સમગ્ર મામલામાં એન્ટ્રી કરી. તેણે યુટ્યુબ કોમ્યુનિટી પર પોસ્ટ કરીને સંદીપ મહેશ્વરીને ખુલ્લો પડકાર આપ્યો હતો.

ત્યારબાદ મહેશ્વરીએ વિવેક બિન્દ્રાને લઈને એક પછી એક અનેક પોસ્ટ કરી. આ બધાના જવાબમાં બિન્દ્રાએ હવે એક વીડિયો અપલોડ કર્યો છે. જેમાં તે સંદીપ મહેશ્વરીને વારંવાર જાનેમન કહેતો જોવા મળે છે. તે કહે છે કે મહેશ્વરી તેની પાછળ જ પડી ગયો છે.

આ વીડિયોમાં વિવેક બિન્દ્રા કહે છે, 'તમે સ્કેમ બોલ્યા, હું તમને જવાબ આપું છું. તમે બીજી બાજુ પૂછ્યું નહીં. લોકો તમને ખૂબ પ્રેમ કરે છે, તમે તેનો લાભ કોઈ પણ રીતે લઇ લેશો? તમે તેને કૌભાંડ કહી રહ્યા છો, તમારે બીજી તરફ તો પૂછવું જોઈએ, જાનેમન.

આ હું તમને કહું છું. તમારી જગ્યાએ, તમારી ટીમ મને પ્રશ્નો પૂછી શકે છે. તમારા લોકો, હું એકલો હોઈશ, તમે પ્રશ્નો પૂછશો. હું તમને જવાબ આપીશ.' આ પછી બિન્દ્રા હાથ જોડીને કહે છે, 'ભાઈ, મારે તમારી પાસેથી એક વિનંતી છે. એવું કામ ક્યારેય ન કરો જેનાથી ઘણા લોકોની આજીવિકા અસુરક્ષિત થઇ જાય.

અમારી મારી પાસે સેવા માટે અહીં એક વિશાળ ટીમ છે. હું ક્યાંક ભાગી ગયો છું? હું અહીં ઉભો છું. તમે જે બાબતની ફરિયાદ કરી રહ્યા છો, તેને મેં મે મહિનામાં જ અટકાવી દીધી હતી. કારણ કે જો થોડા પણ લોકોને દુઃખ થયું હોય, તો તેને મે-જૂનમાં બધું બંધ કરી દીધું હતું. આજે ઉત્પાદન પર કામ કરી રહ્યો છું. જો જાનેમન કૌભાંડ જ હોતે તો, શું એમ જ 12 વર્લ્ડ રેકોર્ડ શક્ય બની જાતે?

તેણે વધુમાં આરોપ લગાવ્યો કે, મારા વખાણ થયા પણ તમે બધું એડિટ કરીને કાઢી નાખ્યું. તમારો કોઈ પણ બિઝનેસ માસ્ટરી વીડિયો રૂ. 2 લાખથી ઉપર જઈ રહ્યો ન હતો. એટલા માટે તમે આ કૌભાંડ મૂક્યું, તો તે બિઝનેસ 50 લાખનો થઈ ગયો.

તે કહે, 'ભાઈ કેમ? એકવાર તમે સવાલ તો પૂછી લેતે. તમે કેમ મારી પાછળ પડી ગયા છો? જો કોઈએ તમને કહ્યું કે તેને કોર્સ પસંદ નથી આવ્યો, તો શું તમે તેને પૂછ્યું નથી કે, તેણે કેટલા કોર્સમાં હાજરી આપી હતી? મારે તારી સાથે કોઈ ઝઘડો નથી.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.