ભાજપ જાતિ આધારિત વસ્તી ગણતરીના સમર્થનમાં છે કે નહીં? જે.પી.નડ્ડાએ જ જણાવ્યું

સત્તાધારી પાર્ટીના પ્રમુખ જે.પી. નડ્ડાએ મધ્ય પ્રદેશના છિંદવાડામાં કહ્યું કે, ભારતીય જનતા પાર્ટી (BJP) જાતિગત વસ્તી ગણતરી વિરુદ્ધ નથી, પરંતુ કોંગ્રેસ સમાજને વિભાજિત કરવાની કવાયદ કરવા માગે છે. જે.પી. નડ્ડાએ ભાર આપ્યો કે, વડાપ્રધાન નરેન્દ્ર મોદીની સરકારનું ધ્યાન 'GYAN' કે ગરીબ, યુવા, અન્નદાતા-ખેડૂત અને નારીશક્તિ (ગરીબ, યુવા, ખેડૂત અને મહિલાઓ)ના શાસક્તિકરણ પર છે, જેમની પ્રગતિ રાષ્ટ્રના વિકાસ માટે મહત્ત્વપૂર્ણ છે.

તેમણે કહ્યું કે, અમે જાતિગત વસ્તી ગણતરી કરાવવા વિરુદ્ધ નથી, પરંતુ કોંગ્રેસ લોકોને વહેચવાની કવાયદ કરવા માગે છે. વિપક્ષી પાર્ટી પરેશાન છે કેમ કે વડાપ્રધાન મોદીએ દેશમાં રાજનીતિ કરવાની રીતો બદલી દીધી છે. અગાઉ એ જાતિ, ધર્મ, ક્ષેત્ર વગેરે પર આધારિત હતી. કોંગ્રેસે ભાઈને ભાઈ વિરુદ્ધ ઊભો કર્યો. મોદીના શાસનમાં વિકાસની રાજનીતિ કેન્દ્રમાં આવી ગઈ છે. લોકો વિકાસ સાથે જોડાવા માગે છે.

રાજનીતિ હવે વોટ બેંક અને તુષ્ટિકરણ પર નહીં, પરંતુ તેમારા રિપોર્ટ કાર્ડ અને જવાબદારીઓને નિભાવવાની ક્ષમતા પર આધારિત છે. મોદીએ જમ્મુ-કાશ્મીરમાં અનુચ્છેદ 370ને રદ્દ કરવા, અયોધ્યામાં રામ મંદિરન નિર્માણ અને પૂર્વ સૈનિકોનાં કલ્યાણ માટે વન રેંક વન પેન્શન (ORP)લાગૂ કરવા જેવા સાહસિક નિર્ણય લીધા છે. જે.પી. નડ્ડાએ કહ્યું કે, 2014 અગાઉ દેશ ભ્રષ્ટાચારથી ત્રસ્ત હતો, પરંતુ હવે ભારત એક કરગરનારું રાષ્ટ્ર નહીં, પરંતુ એક અગ્રણી રાષ્ટ્ર છે.

ભારત હવે દુનિયાની પાંચમી સૌથી મોટી અર્થવ્યવસ્થા છે, જે યુનાઈટેડ કિંગડમથી પણ મોટી છે. જેણે બધા દેશ પર શાસન કર્યું હતું. મોદીના ત્રીજા કાર્યકાળમાં ભારતની અર્થવ્યવસ્થા 2027 સુધી ત્રીજા નંબર પર પહોંચી જશે. ઈલેક્ટ્રોનિક્સનું નિકાસ 6 ગણું વધી ગયું છે. દવા નિકાસ 138 ટકા વધી ગયો છે અને પેટ્રોકેમિકલ નિકાસમાં 108 ટકાનો વધારો થયો છે. મધ્ય પ્રદેશમાં 14 મેડિકલ કૉલેજ સ્થાપિત કરવામાં આવી રહ્યા છે.

રાજ્ય સરાકરની 'લાડલી બહાના' યોજના મહિલાઓને સશક્ત બનાવી રહી છે. મોદી સરકારે મહિલા અનામત બિલ પાસ કર્યું. આગામી ચૂંટણીના નવા અધિનિયમના પ્રાવધાનો હેઠળ આયોજિત કરવામાં આવશે. બીજી તરફ કોંગ્રેસના નેતૃત્વવાળું INDI ગઠબંધન ભ્રષ્ટાચારીઓ અને તેમના પરિવારોને બચાવવા એક સાથે આવ્યું છે. વરિષ્ઠ કોંગ્રેસ નેતા કમલનાથનું ગઢ છિંદવાડા 2019ની લોકસભાની ચૂંટણીમાં મધ્ય પ્રદેશમાં વિપક્ષી પાર્ટી દ્વારા જીતવામાં આવેલી એકમાત્ર સીટ છે. બાકી 28 સીટો ભાજપે જીતી હતી. ત્યાં આ વખત હાલના સાંસદ નકુલનાથનો સામનો ભાજપના વિવેક બંટી સાહૂ સાથે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.