‘સીનિયર વકીલ દલીલ નહીં કરે..’, સુપ્રીમ કોર્ટના જજે કેમ કહી આ વાત?

હાલના દિવસોમાં સુપ્રીમ કોર્ટની વેકેશન બેન્ચ કેસની સુનાવણી કરી રહી છે. એવા જ એક કેસની સુનાવણી 10 જૂને થઈ. તેમાં સુનાવણી દરમિયાન જજે ફરી કહ્યું કે, વેકેશનના સમયમાં કોઈ સીનિયર વકીલ દલીલ નહીં કરે. જજે સીનિયર વકીલોને પોતાની કોર્ટમાં દલીલ કરવાની મંજૂરી આપવાનો ઇનકાર કરી દીધો. 10 જૂને જસ્ટિસ વિક્રમ નાથની અધ્યક્ષતાવાળી બેન્ચ એક કેસની સુનાવણી કરી રહી હતી. આ દરમિયાન તેમણે આ વાત કહી. કોર્ટમાં સુનાવણી દરમિયાન અભિષેક મનુ સિંધવી ઉપસ્થિત રહ્યા હતા.

સિંધવીએ પેરવી દરમિયાન કોર્ટ સામે દલીલની મંજૂરી માગી. તેના પર જસ્ટિસ વિક્રમે મંજૂરી આપવાનો ઇનકાર કરી દીધો. તેમણે કહ્યું કે, ગયા વર્ષે પણ સ્પષ્ટ કરી દીધું હતું કે વેકેશન પીરિયડ દરમિયાન કોઈ પણ સીનિયર વકીલ દલીલ નહીં કરે. મારી કોર્ટમાં સીનિયર વકીલોને દલીલની મંજૂરી નથી. મેં સ્પષ્ટ કરી દીધું હતું કે વેકેશન દરમિયાન કોઈ પણ સીનિયર વકીલ દલીલ નહીં કરે. હું પોતાની કોર્ટનો મુખિયા છું. હું કોર્ટને કંટ્રોલ કરી શકતો નથી.

મીડિયા રિપોર્ટ મુજબ, એક બીજા કેસમાં પણ બંને પક્ષો તરફથી દલીલ કરવા સીનિયર વકીલ પહોંચ્યા હતા. એ દરમિયાન પણ જસ્ટિસ નાથે તેમના પોતાના સહયોગીઓ (જુનિયર્સ)ને દલીલ કરવા દેવા કહ્યું હતું. જસ્ટિસ વિક્રમે સીનિયર વકીલોને કહ્યું કે, તમે બંને સીટ લઈ લો અને પોતાના જુનિયર્સને દલીલ કરવા દો. ત્યારબાદ જસ્ટિસ વિક્રમ મજાકવાળા અંદાજમાં પણ નજરે પડ્યા. હલકા ફૂલકા અંદાજમાં તેમણે કહ્યું કે, તેઓ (જુનિયર વકીલ) સુનાવણી માટે પોતાના સીનિયરોનો ન ઉપયોગ કરે.

જસ્ટિસ વિક્રમે કહ્યું કે, પોતાના સીનિયરોને ફીસ ન આપતા. ઠીક છે. જો તમે આપી છે, તો તેણે પાછા લઈ લો. 20 મેના રોજ સુપ્રીમ કોર્ટે જુનિયર્સને અવસર આપવાને લઈને વાત કરી હતી. કોર્ટમાં પી.એસ. નરસિંહા અને સંજય કારોલની બેન્ચ આ કેસની સુનાવણી કરી રહી હતી. આ દરમિયાન કોર્ટે કહ્યું હતું કે, બારના યુવા સભ્યોને છુટ્ટી દરમિયાન દલીલ કરવાનો અવસર આપવામાં આવે. ત્યારે સીનિયર વકીલ અભિષેક મની સિંધવીએ પણ દૃઢતાથી તેનું સમર્થન કર્યું હતું. સિંધવીએ કહ્યું હતું કે કોર્ટને તેના પર સમાન નિયમ બનાવવો જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.