મંચ પર નારાજ થયા સિંધિયા, કલેક્ટરને બોલ્યા-જાવ SPને બોલાવી લાવો

ભાજપની જન આભાર સભામાં કેન્દ્રીય મંત્રી જ્યોતિરાદિત્ય સિંધિયાએ પૂર્વ સચિવ ઇકબાલ સિંહ બેંસના પુત્ર અને ગુનાના કલેક્ટર અમનબીર સિંહ બેંસ અને SP સંજીવ સિંહાને ફટકાર લગાવી દીધી. કાર્યક્રમ વચ્ચે મંચ પરથી ઉતરી રહેલા કલેક્ટરને જોઈને સિંધિયા ગુસ્સે થઈ ગયા અને કહ્યું કે, આમ મંચ પર રહો, નીચે ન જવાનું, SP ક્યાં છે. કેન્દ્રીય મંત્રી જ્યોતિરાદિત્ય સિંધિયા એક જનસભાને સંબોધિત કરવા ગુના પહોંચ્યા હતા.

મંચ પર પહોંચ્યા બાદ જેવો જ જ્યોતિરાદિત્ય સિંધિયાએ માઇક પકડ્યો, કલેક્ટર અને SPને ફટકાર લગાવી દીધી. કલેક્ટરને કહ્યું કે, 'મંચ પર જ ઊભા રહેવાનું. ત્યારબાદ કલેક્ટર અમનવીર સિંહ બેંસ તરફ ઈશારો કરતકહ્યું કે, જાવ જઈને SPને બોલાવી લાવો. મંચ પર ઊભા રહો બધા.’ જ્યોતિરાદિત્ય સિંધિયાની વાત સાંભળીને કલેક્ટર ગભરાઈ ગયા અને દોડતા દોડતા મંચથી નીચે ઊભા SP સંજીવ કુમાર સિંહાને બોલાવી લાવ્યા.

કલેક્ટર અમનબીર સિંહ બેંસ શિવરાજ સિંહ ચૌહાણ ના મુખ્યમંત્રીના કાર્યકાળમાં રાજ્યના મુખ્ય સચિવ રહેલા ઇકબાલ સિંહ બેંસના મોટા પુત્ર છે. 2013 બેન્ચના IAS અધિકારી છે. ગત ડિસેમ્બરમાં ગુના બસ અકસ્માત બાદ તરુણ રાઠીને હટાવીને અમનવીર સિંહ બેંસને જિલ્લાના કલેક્ટર બનાવવામાં આવ્યા હતા. ઉલ્લેખનીય છે કે વડાપ્રધાનની મહત્ત્વાકાંક્ષી 'ભારત વિકસિત યાત્રા'ને લઈને મધ્ય પ્રદેશના મોટા ભાગના વિસ્તારોમાં પ્રશાસનની ઉદાસીનતા જોવા મળી રહી છે.

ગુનામાં કેન્દ્રીય મંત્રી જ્યોતિરાદિત્ય સિંધિયાની હાજરીમાં પણ પ્રશાસનિક ધીરજ જોવા મળી. તેને જોઈને જ્યોતિરાદિત્ય સિંધિયા નારાજ થઈ ગયા હતા. જ્યોતિરાદિત્ય સિંધિયાએ કલેક્ટર-SP સહિત પ્રશાસનિક અધિકારીઓને સખત સલાહ આપતા કહ્યું કે, ભારત વિકસિત યાત્રામાં પ્રશાસનિક ટીમ ગાડી સાથે જ ચાલશે. આ પ્રચારની ગાડી નથી, પરંતુ વડાપ્રધાન મોદીનો સંકલ્પ છે કે યોજનાઓનો લાભ મળે.

સિંધિયાએ કોંગ્રેસ શાસનની યાદ અપાવતા કહ્યું કે, છેલ્લા 65 વર્ષોમાં જનતા પ્રશાસનની આસપાસ ફરતી હતી, પરંતુ જ્યારથી વડાપ્રધાન મોદીએ દેશનું નેતૃત્વ કર્યું છે, જનતાએ ચક્કર લગાવવા પડતા નથી. પ્રશાસન ઘર ઘર જઈને દસ્તક દે છે. મંચ પરથી જ્યોતિરાદિત્ય સિંધિયાએ જય શ્રી રામના નારા પણ લગાવ્યા. જ્યારે પત્રકારોએ સિંધિયાને સવાલ કર્યો કે શું ગુના સભાની સીટથી ચૂંટણી લડશો? તો તેમણે કહ્યું કે, તેનો જવાબ અમારી પાસે નથી. તો રાહુલ ગાંધીની ભારત જોડો ન્યાય યાત્રાને લઈને જ્યોતિરાદિત્ય સિંધિયાએ કહ્યું કે, ગ્વાલિયર-ચંબલ વિભાગમાં રાહુલ મહેમાનની જેમ આવશે. મહેમાનની જેમ સ્વાગત બાદ તેમની રવાનગી કરી દેશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.