કાશ્મીરનું કેસર, તામિલનાડુનું મોતી...જાણો PM મોદીએ બિલ ગેટ્સને બીજું શું આપ્યું

PM નરેન્દ્ર મોદીએ માઈક્રોસોફ્ટના સ્થાપક બિલ ગેટ્સ સાથે મુલાકાત કરી હતી. આ દરમિયાન તેમણે બિલ ગેટ્સને વોકલ ફોર લોકલનું ગિફ્ટ હેમ્પર આપ્યું, જેમાં વિવિધ રાજ્યોની પ્રોડક્ટ્સ હતી. PM નરેન્દ્ર મોદીએ પહેલા બિલ ગેટ્સને ન્યુટ્રિશન બુક્સ આપી અને પછી તમિલનાડુના માછીમારોએ બનાવેલા મોતી ભેટમાં આપ્યા. PM નરેન્દ્ર મોદીએ બિલ ગેટ્સને તમિલનાડુની પ્રખ્યાત આર્ટ ટેરાકોટા ભેટમાં આપી હતી. આ દરમિયાન PM નરેન્દ્ર મોદીએ માઈક્રોસોફ્ટના સ્થાપક બિલ ગેટ્સને ટેરાકોટાની વિશેષતા વિશે જણાવ્યું અને કહ્યું કે, તે ખૂબ જ લોકપ્રિય કલા છે, જે વિદેશોમાં પણ પ્રખ્યાત છે. લોકો તેમના ઘરો અને મંદિરોમાં પણ આવી કળા સ્થાપિત કરે છે.

PM નરેન્દ્ર મોદીએ બિલ ગેટ્સને કાશ્મીરની પશ્મિના શાલ આપી અને પછી તેમને કાશ્મીરથી લાવેલું કેસર પણ ભેટમાં આપ્યું. PM નરેન્દ્ર મોદીએ બિલ ગેટ્સને કહ્યું કે, હાલમાં તેઓ દેશમાં વોકલ ફોર લોકલ એન્ડ વન ડિસ્ટ્રિક્ટ-વન પ્રોડક્ટ મૂવમેન્ટ ચલાવી રહ્યા છે. PM નરેન્દ્ર મોદીએ છેલ્લે બિલ ગેટ્સને દાર્જિલિંગ અને નીલગિરી ચાની પત્તી પણ આપી અને કહ્યું કે, મેં તમને ચા પર ચર્ચા કરતા જોયા છે.

PM નરેન્દ્ર મોદીએ શુક્રવારે કહ્યું હતું કે, કૃષિ, આરોગ્ય અને શિક્ષણ એ ત્રણ ક્ષેત્ર છે જેમાં ટેક્નોલોજી મોટી ભૂમિકા ભજવી શકે છે. માઇક્રોસોફ્ટના સહ-સંસ્થાપક અને વિવિધ પરોપકારી કાર્યો સાથે સંકળાયેલા બિલ ગેટ્સ સાથેની વાતચીતમાં PM નરેન્દ્ર મોદીએ કહ્યું કે, તેઓ વિશ્વમાં ડિજિટલ વિભાજન વિશે સાંભળતા હતા અને તેમણે નિર્ણય કર્યો છે કે, તેઓ ભારતમાં આવું થવા દેશે નહીં. તેમણે કહ્યું, 'હું ડિજિટલ વિભાજન થવા દઈશ નહીં, અમે ડિજિટલ ઈન્ફ્રાસ્ટ્રક્ચરને ગામડાઓમાં સુધી લઈ જઈશું.'

PM નરેન્દ્ર મોદીએ કહ્યું કે, તેઓ વોકલ ફોર લોકલ એન્ડ વન ડિસ્ટ્રિક્ટ પ્રોડક્ટ અભિયાન ચલાવી રહ્યા છે. તે દેશમાં બનેલી વસ્તુઓને પ્રમોટ કરવા માંગે છે. તેથી, જ્યારે પણ કોઈ મહેમાન ભારતની મુલાકાતે આવે છે, ત્યારે અમે તેને ભારતના અમુક જિલ્લામાં બનેલો સામાન ભેટ આપીએ છીએ. જેનાથી જે તે જિલ્લાના લોકો ગર્વ અનુભવી શકે છે.

#WATCH | After their interaction, Bill Gates presents a few nutrition books to PM Modi as gifts.

PM Modi gifts him 'Vocal for Local' gift hampers. pic.twitter.com/JYGj10BzU1

— ANI (@ANI) March 29, 2024

PM નરેન્દ્ર મોદીએ જણાવ્યું હતું કે, તેમની સરકાર સર્વાઇકલ કેન્સર માટે ઓછી કિંમતની રસી વિકસાવવા સ્થાનિક સ્તરે સંશોધન માટે વૈજ્ઞાનિકોને ભંડોળ ફાળવવા માંગે છે અને 'મારી નવી સરકાર ખાસ કરીને તમામ છોકરીઓને રસી આપવા માટે કામ કરશે.' PM નરેન્દ્ર મોદી છેલ્લા ઘણા દિવસોથી તેમના સંબોધનમાં વિશ્વાસ વ્યક્ત કરી રહ્યા છે કે, તેઓ આગામી લોકસભા ચૂંટણી પછી ત્રીજી વખત સરકાર બનાવશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.