વકીલ કોર્ટમાં જીન્સ પહેરીને આવ્યો, જજે પોલીસ બોલાવી બહાર કાઢી મુક્યો, કહ્યું...

ગૌહાટી હાઈકોર્ટમાંથી વકીલને હાંકી કાઢતી વખતે ન્યાયાધીશે ટિપ્પણી કરી હતી કે, જો જીન્સની મંજૂરી આપવામાં આવશે તો આગલી વખતે કોઈ પાયજામો પહેરીને આવશે. આની સામે વકીલે અરજી કરી હતી.

ગુહાટી હાઈકોર્ટે કોર્ટમાં જીન્સ પહેરવા સંબંધિત એક કેસમાં વકીલને ફટકાર લગાવી. જસ્ટિસ કલ્યાણ રાય સુરાનાએ કહ્યું કે જો કોર્ટમાં જીન્સ પહેરવાની પરવાનગી આપવામાં આવશે તો પછી ફાટેલા અને ઝાંખા જીન્સ, પ્રિન્ટેડ પેચવાળા જીન્સ કે પાયજામા પહેરવાની માંગ થઈ શકે છે. કારણ કે ગૌહાટી હાઈકોર્ટના નિયમોએ તેમને ખાસ બાકાત રાખ્યા નથી. આ મામલો ગત વર્ષની એક ઘટના સાથે જોડાયેલો છે.

કોર્ટે કહ્યું કે કોર્ટ બાર કાઉન્સિલ ઑફ ઈન્ડિયા, બાર કાઉન્સિલ ઑફ આસામ, નાગાલેન્ડ વગેરે તેમજ આ કોર્ટ જેવા યોગ્ય અને જરૂરી પક્ષકારોને નોટિસ આપ્યા વિના આ મુદ્દા પર નિર્ણાયક રીતે નિર્ણય લેવાનું ટાળે છે.

બાર અને બેંચના રિપોર્ટ અનુસાર, 27 જાન્યુઆરી, 2023ના રોજ વકીલ બિજન કુમાર મહાજન જામીન કેસમાં જીન્સ પહેરીને કોર્ટ પહોંચ્યા હતા. આ પછી જસ્ટિસ સુરાનાએ પોલીસને તેને હાઈકોર્ટની બહાર નીકાળી દેવાનો આદેશ આપ્યો. આ પછી મહાજને કોર્ટમાં અરજી દાખલ કરી હતી. તેમણે કહ્યું કે, જીન્સને સ્પષ્ટપણે ગૌહાટી હાઈકોર્ટના નિયમોની બહાર રાખવામાં આવ્યા નથી. જોકે, બાર કાઉન્સિલ ઓફ ઈન્ડિયાની ગાઈડલાઈન હેઠળ જીન્સને કોર્ટ ડ્રેસ કોડની બહાર રાખવામાં આવી છે.

મહાજને એમ પણ કહ્યું હતું કે, કોર્ટે તેમને કોર્ટમાંથી હટાવવા માટે પોલીસને બોલાવવી જોઈતી ન હતી. કારણ કે તે સુરક્ષા માટે ખતરો નહોતો. તેણે કોર્ટના ગયા વર્ષના આદેશમાં સુધારો કરવાની માંગ કરી હતી.

જસ્ટિસ સુરાનાએ કહ્યું કે, અરજદારો એ વાતની પણ માંગ કરી શકે છે કે, શા માટે તેમને કાળા ટ્રેક પેન્ટ અથવા કાળા પાયજામામાં આવવાની મંજૂરી ન આપવી જોઈએ, કારણ કે ગૌહાટી હાઈકોર્ટના નિયમો ખાસ કરીને તેને ડ્રેસ કોડમાંથી બાકાત રાખ્યા નથી.

જો કે, કોર્ટે ગૌહાટી હાઇકોર્ટના નિયમો 2010 BCI નિયમોને ઓવરરાઇડ કરશે કે કેમ તે ધ્યાનમાં લેવાનો ઇનકાર કર્યો હતો. કોર્ટે આ પ્રશ્ન ખુલ્લો છોડી દીધો હતો. કહ્યું કે આ અંગે વધુ યોગ્ય કાર્યવાહીમાં નિર્ણય લેવામાં આવી શકે છે.

તેમણે વધુમાં કહ્યું કે, કોર્ટનો એ 'અબાધિત' અધિકાર છે કે, જો તમે જીન્સ પહેરીને કોર્ટમાં આવો છો, તો તમે વકીલની વાત સાંભળવાની ના પાડી શકો છો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.