કર્ણાટકમાં લિંગાયતોના એક મોટા સંતએ વધારી દીધી ભાજપની ચિંતા

કર્ણાટકની રાજનીતિમાં લિંગાયત સમુદાયના વોટ મહત્ત્વના રહ્યા છે. કોઈ પણ ચૂંટણીમાં આ સમુદાયની ભૂમિકા નિર્ણયક રહી છે અને માનવામાં આવે છે કે તેનું સમર્થન ભાજપને જ મળતું રહ્યું છે, પરંતુ આ વખત લોકસભાની ચૂંટણીમાં તસવીર બદલાતી દેખાઈ રહી છે. મોદી સરકારના મંત્રી પ્રહલાદ જોશી વિરુદ્ધ લિંગાયત સમુદાયના મોટા સંત જગદગુરુ ફકીરા દિંગલેશ્વર મહાસ્વામીએ ચૂંટણી લડવાની જાહેરાત કરી છે. તેને ભાજપ માટે એક પડકારના રૂપમાં જોવામાં આવી રહ્યું છે અને તેની અસર કેટલીક લિંગાયત બહુધા વસ્તીવાળી સીટ અસર પડી શકે છે.

સંત જગદગુરુ ફકીરા દિંગલેશ્વર મહાસ્વામીએ ધારવાડ લોકસભા ક્ષેત્રથી એક અપક્ષ ઉમેદવારના રૂપમાં ચૂંટણી લડવાના નિર્ણય કર્યો. સ્વતંત્ર રૂપે ચૂંટણી લડવાના વિકલ્પને પસંદ કરનારા મહાસ્વામીએ કહ્યું કે, તેમનું લક્ષ્ય ક્ષેત્રમાં પારંપારિક રાજનીતિક પાર્ટીઓના પ્રભુત્વને પડકાર આપતા મતદાતાઓને એક વિકલ્પ પ્રદાન કરવાનું છે. મહાસ્વામીનો આ નિર્ણય રાજ્યના રાજકારણ માટે મહત્ત્વનો છે. કોંગ્રેસ અને ભાજપની રાજનીતિથી વિરુદ્ધ એક વૈકલ્પિક મંચ તૈયાર કરવાના પ્રયાસ તરીકે તેને જોવામાં આવી રહ્યો છે.

તેમણે ચૂંટણી લડવાની જાહેરાત કરતા કહ્યું કે, મેં ધારવાડ લોકસભા ક્ષેત્રથી ક્ષેત્રથી એક સ્વતંત્ર ઉમેદવારના રૂપમાં ચૂંટણી લડવાના નિર્ણય કર્યો છે. બંને રાષ્ટ્રીય પાર્ટીઓએ ચૂંટણી માટે આ ક્ષેત્રથી પોતાના ઉમેદવાર ઉતાર્યા છે. તેમણે પાર્ટીની ટિકિટ વિતરણ નીતિઓ પર અસંતોષ વ્યક્ત કરતા કર્ણાટકમાં ભાજપની ઉપસ્થિતિને આકાર આપવામાં લિંગાયત સમુદાયની મહત્ત્વપૂર્ણ ભૂમિકા તરફ ઈશારો પણ કર્યો. તેમણે કહ્યું કે, લિંગાયતમાં ભાજપનું નિર્માણ અને વિકાસ કર્યો. ટિકિટ વિતરણમાં ભાજપમાં કોઈ સામાજિક ન્યાય નથી.

તેમણે કહ્યું કે, ગત લોકસભાની ચૂંટણીમાં આપણાં રાજ્યથી 9 વીરશૈવ લિંગાયત સમુદાયના નેતા સંસદમાં પહોંચ્યા, પરંતુ તેમાંથી કોઈને પણ મંત્રી પદ આપવામાં ન આવ્યું. કોંગ્રેસ પાર્ટીમાં પણ લિંગાયતને કોઈ માન્યતા નથી. કેન્દ્રીય મંત્રી પ્રહલાદ જોશીની નિંદા કરતા મહાસ્વામીએ પ્રમુખ રાજનીતિક હસ્તીઓ તરફથી સમુદાયની જરૂરિયાતો ઉપર ઉપેક્ષા કે અપર્યાપ્ત ધ્યાન આપવાના સંબંધમાં ચિંતાઓ લોકસભા ક્ષેત્રમાં તેમનું યોગદાન પણ શંકાસ્પદ છે.

ઉલ્લેખનીય છે કે, ધારાવડમાં ત્રીજા ચરણમાં 7 મેના રોજ લોકસભાની ચૂંટણી થવાની છે. ભાજપ માટે આ સ્થિતિ અસહજ કરનારી છે કેમ કે પ્રહલાદ જોશી ધારાવાડથી 4 વખતના સાંસદ છે. લિંગાયત સમુદાયના સંતોએ 27 માર્ચે એક સંમેલન કર્યું હતું, જેમાં તેમણે માગ કરી હતી કે પ્રહલાદ જોશીને આ વખત ટિકિટ ન આપવામાં આવે. તેના માટે 31 માર્ચે ડેડલાઇન આપવામાં આવી હતી, પરંતુ ભાજપે જ્યારે તેના પર નિર્ણય ન લીધો તો લિંગાયત સંતે પોતે ચૂંટણી લડવાની જાહેરાત કરી દીધી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.