લાલુની જેમ જ આ CM પણ પત્નીને ખુરશી પર બેસાડવાની વેતરણમાં હતા પણ...

ઝારખંડની સત્તાધારી પાર્ટી ઝારખંડ મુક્તિ મોરચા (JMM)ના ધારાસભ્ય સરફરાજ અહમદ ધારાસભ્ય પદ છોડવાથી એ વાતની ચર્ચા જોરો છે કે રાજ્યના મુખ્યમંત્રી હેમંત સોરેન હવે પોતાની પત્ની કલ્પના સોરેનને મુખ્યમંત્રી બનાવી શકે છે કેમ કે તેમના પર ધરપકડની તલવાર લટકી શકે છે. એનફોર્સમેન્ટ ડિરેક્ટોરેટ (ED) તરફથી તેમને સાતમી અને અંતિમ વખત સમન્સ મળ્યા છે, જેની અંતિમ તારીખ સમાપ્ત પણ થઈ ચૂકી છે.

આ ઘટનાક્રમથી ઝારખંડના રાજકીય ગલિયારામાં એવી ચર્ચા ગરમ છે કે EDની ધરપકડ થવાની દશામાં મુખ્યમંત્રી હેમંત સોરેન પદ પરથી રાજીનામું આપીને પત્ની કલ્પના સોરેનને મુખ્યમંત્રી બનાવી શકે છે. ભાજપના ગોંડાના સાંસદ નિશિકાંત દુબેએ પણ ટ્વીટ કરીને આશંકા વ્યક્ત કરી છે, પરંતુ કલ્પનાના મુખ્યમંત્રી બનવાના માર્ગે ઘણા રોડા છે. કલ્પના સોરેન ઝારખંડ વિરુદ્ધ ઝારખંડ વિધાનસભાના સભ્ય નથી. એવામાં જો તેમને મુખ્યમંત્રી બનાવવામાં આવે છે તો તેમણે 6 મહિનાની અંદર વિધાનસભાની સભ્યતા લેવી પડશે.

તેમના પતિ હેમંત સોરેન હાલમાં બરહેટ વિધાનસભા સીટથી ધારાસભ્ય છે, જે અનુસૂચિત જનજાતિ માટે અનામત છે. કલ્પના સોરેન પાડોશી રાજ્ય ઓરિસ્સાના મયુરભંજના રહેવાસી છે અને આદિવાસી નથી. એટલે તે પતિ દ્વારા સીટ છોડવા છતા બરહેટ સીટ પર ચૂંટણી નહીં લડી શકે. એટલે માનામાં આવી રહ્યું છે કે તેમના માટે એક બિનઅનામત સીટ ખાલી કરાવવામાં આવશે. ધારાસભ્ય પદ છોડનાર સરફરાજ અહમદ ગાંડેય બિનઅનામત સીટથી ધારાસભ્ય હતા. તે JMMનું ગઢ રહ્યું છે. આ આદિવાસી અને મુસ્લિમ બહુધા વિસ્તાર છે. અહીથી 1985, 1990, 2000, 2005 અને વર્ષ 2019માં કુલ 5 વખત JMMની જીત થઈ ચૂકી છે.

સરફરાજ અહમદ પણ અહીથી બે વખત બન્યા છે. વર્ષ 2019માં અહમદે અહી 8,855 વોટના અંતરથી ભાજપના ઉમેદવારને હરાવ્યા હતા. એવામાં અહી ચૂંટણીમાં કલ્પના સોરેન સરળતાથી જીતી શકે છે. કલ્પના સોરેનની મુશ્કેલી અહી જ સમાપ્ત થતી નથી. તેમના રસ્તામાં સૌથી મોટો રોડો બોમ્બે હાઇકોર્ટનો એ આદેશ છે જેમાં કહેવાં આવ્યું હતું કે જો ચૂંટણી થવામાં એક વર્ષ કે તેનાથી ઓછો સમય બાકી હોય તો પેટા ચૂંટણી નહીં કરાવી શકાય.

મહારાષ્ટ્રની કાટોલ વિધાનસભા સીટ પર પેટા ચૂંટણીને લઈને દાખલ અરજી પર વર્ષ 2019માં આ આદેશ આપ્યો હતો. અહી ચૂંટણી થવામાં એક વર્ષ 50 દિવસનો સમય બાકી હતી. ઝારખંડ વિધાનસભાનો કાર્યકાળ સમાપ્ત થવામાં એક વર્ષનો સમય રહ્યો છે. એવામાં જો પેટાચૂંટણીની જાહેરાત થાય છે તો આ મુદ્દાને કોર્ટમાં ઉઠાવી શકાય છે. ભાજપના સાંસદ નિશિકાંત દુબેએ આ બાબતે ટ્વીટ કરીને ઝારખંડના રાજ્યપાલને પૂછ્યું છે કે કલ્પના સોરેનજી ક્યાંયથી ધારાસભ્ય નહીં બની શકે તો તેમને મુખ્યમંત્રી બનાવી શકાય છે? તેમણે રાજ્યપાલને આ બાબતે વિચાર કરવા પણ કહ્યું છે

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.