પેક્ડ ફૂડના નવા નિયમો આવ્યા, કંપનીઓએ ઘટ્ટ-મોટા અક્ષરોમાં આ માહિતી આપવી પડશે

ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (FSSAI) પેકેજ્ડ ફૂડના લેબલ પર મોટા અક્ષરોમાં મીઠું, ખાંડ અને ચરબીની માત્રા વિશે માહિતી આપવાનું ફરજિયાત બનાવવાની તૈયારી કરી રહ્યું છે. નિયમનકારે શનિવારે આ સંબંધમાં લેબલિંગ નિયમોમાં ફેરફારને મંજૂરી આપી હતી.

FSSAIના અધ્યક્ષ અપૂર્વ ચંદ્રાની અધ્યક્ષતામાં મળેલી ફૂડ ઓથોરિટીની 44મી બેઠકમાં આ નિર્ણય લેવામાં આવ્યો હતો. આમાં, પોષણની માહિતીના લેબલિંગને લગતા ફૂડ સેફ્ટી એન્ડ સ્ટાન્ડર્ડ્સ (લેબલિંગ અને ડિસ્પ્લે) રેગ્યુલેશન્સ, 2020માં સુધારાને મંજૂરી આપવાનો નિર્ણય લેવામાં આવ્યો હતો. આ સુધારાનો હેતુ ગ્રાહકોને ઉત્પાદનના પોષક મૂલ્યને વધુ સારી રીતે સમજવા અને વધુ સારા નિર્ણયો લેવા સક્ષમ બનાવવાનો છે.

સૂચનો અને વાંધાઓને આમંત્રિત કરવાના હેતુથી આ સુધારા સાથે સંબંધિત ડ્રાફ્ટ સૂચના હવે જાહેર ડોમેનમાં મૂકવામાં આવશે. કુલ ખાંડ, કુલ ચરબીની માત્રા અને સોડિયમ સામગ્રીની માહિતી ટકાવારીમાં આપવામાં આવશે અને તે ઘટ્ટ અને મોટા અક્ષરોમાં લખવામાં આવશે.

અહીં તમને જણાવી દઈએ કે, FSSAI ખોટા અને ભ્રામક દાવાઓને રોકવા માટે સમય સમય પર એડવાઈઝરી બહાર પડતું હોય છે. આમાં 'હેલ્થ ડ્રિંક' શબ્દને દૂર કરવા માટે E-કોમર્સ વેબસાઈટને મોકલવામાં આવેલી એડવાઈઝરીનો સમાવેશ થાય છે.

વધુમાં, તમામ ફૂડ બિઝનેસ ઓપરેટરો (FBOs)એ સુનિશ્ચિત કરવા માટે જરૂરી છે કે, ફળોના રસના લેબલ અને જાહેરાતોમાં '100 ટકા ફળોના રસ', ઘઉંનો લોટ/રિફાઈન્ડ ઘઉંનો લોટ જેવા શબ્દનો ઉપયોગ, ખાદ્ય વનસ્પતિ તેલ વગેરે માટે પોષક તત્ત્વોને લગતા દાવાઓ દૂર કરવા ફરજિયાત બનાવવા સૂચનાઓ આપવામાં આવી છે. ભ્રામક દાવાઓને રોકવા માટે FBOs દ્વારા આ સલાહ અને સૂચનાઓ બહાર પાડવામાં આવી છે.

બજારમાં એવા ઘણા ઉત્પાદનો વેચાય છે, જે આરોગ્યપ્રદ પસંદગી તરીકે પેક કરવામાં આવે છે, પરંતુ તેમાં ઘણા ઘટકો હોય છે જે નુકસાન પહોંચાડે છે. જો કે, તમામ ઉત્પાદનો પોતાને હેલ્ધી બતાવીને જ પોતાની માર્કેટિંગ કરે છે. જ્યારે પણ તમે કોઈપણ પેકેજ્ડ ફૂડ ખરીદો, ત્યારે તમારે તેનું લેબલ ચેક કરવું જોઈએ.

પેક્ડ ફૂડને લાંબા સમય સુધી સુરક્ષિત રાખવા માટે તેમાં કેમિકલ્સનો ઉપયોગ કરવામાં આવે છે, જે આપણા શરીર માટે હાનિકારક છે. ઘણા પ્રકારના પેક્ડ ફૂડમાં સોડિયમની માત્રા વધુ હોય છે, તેથી તેને ખરીદતી વખતે, પોષક તથ્યો ચોક્કસપણે તપાસો. ફ્રુક્ટોઝ કોર્ન સીરપ અને મીઠું ધરાવતી તૈયાર ખાદ્ય વસ્તુઓની ખરીદી કરશો નહીં અથવા તેનો વપરાશ ઓછો કરશો. લેબલ જોયા પછી જ પેક્ડ કેક, કૂકીઝ, હાઈ કેલરી ચિપ્સ, કેન્ડી વગેરે ખરીદો. ફ્રેશ ન હોવાને કારણે આવી ખાદ્ય ચીજોમાં પોષક તત્વોનો અભાવ હોય છે અને તેમાં કાર્બોહાઇડ્રેટ્સની માત્રા પણ ખૂબ જ વધારે હોય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.