NIAની મોટી સફળતા, નવા આતંકવાદી સંગઠનનો થયો ખુલાસો

રાષ્ટ્રીય તપાસ એજન્સી(NIA)ને મોટી સફળતા પ્રાપ્ત થઇ છે, તમિલનાડુમાં એક એવા સંગઠનનો ખુલાસો થયો છે જે દેશમાં આતંકવાદી હુમલાઓ માટે કાવતરા કરી રહી હતી. NIA અનુસાર, આ સંસ્થા દેશમાં ઇસ્લામિક રાષ્ટ્રની સ્થાપનાના વિચારના ઉદ્દેશ રાખી રહી છે. NIAએ શનિવારે ચેન્નાઈ અને નાગપટ્ટીનન જિલ્લામાં ત્રણ શંકાસ્પદ લોકોના ઠેકાણાઓ પર છાપો માર્યો હતો જેમાં આ વાતનો ખુલાસો થયો છે.

NIA દ્વારા 9 જુલાઇએ નોંધાયેલા કેસ અનુસાર, શંકાસ્પદ આતંકવાદીઓ ચેન્નઈ અને નાગપટ્ટીનમ જિલ્લાઓના છે. આ ઉપરાંત, સમગ્ર દેશમાં અને બહારના ઘણા લોકો પણ ભારત સરકાર સામે યુદ્ધની આ ષડયંત્રમાં સામેલ હતા. આ ત્રાસવાદીઓએ અન્સારૂલ્લાહ નામના આતંકવાદી સંગઠનની રચના કરી છે.

NIA કહ્યું હતું કે આરોપી સૈયદ મોહમ્મદ બુખારી, હસન અલી અને મોહમ્મદ યુસુફુદ્દીન અને તેમના સાથીદારોએ મોટા પાયે ભંડોળ ઊભું કર્યું હતું. આ લોકો ભારતમાં આતંકવાદી હુમલા કરવા તૈયાર હતા. આ ત્રાસવાદીઓનું ષડયંત્ર એ ભારતમાં ઇસ્લામિક રાજ્યની સ્થાપના છે. ગેરકાયદેસર પ્રવૃત્તિઓના કાયદા હેઠળ આ શંકાસ્પદ લોકો સામે કેસ નોંધવામાં આવ્યો છે. NIAએ ચેન્નઈમાં સૈયદ બુખારીના ઘર અને ઓફિસ પર દરોડા નાખ્યા હતા. આ ઉપરાંત, હસન અલી અને મોહમ્મદ યુસુફુદ્દીન નાગપતિનમ જીલ્લાના ઠેકાણાઓની શોધ કરવામાં આવી હતી.

આ ત્રણ શંકાસ્પદ લોકો સાથે, NIA હાલમાં પૂછપરછમાં વ્યસ્ત છે અને ટૂંક સમયમાં ધરપકડ કરી શકાય છે. NIAએ રેડમાં કાર્યવાહી દરમિયાન 9 મોબાઈલ, 15 સિમ કાર્ડ, 7 મેમરી કાર્ડ્સ, 3 લેપટોપ્સ, 5 હાર્ડ ડિસ્ક્સ, 6 પેન ડ્રાઇવ્સ, બે ટેબ્લેટ્સ અને ત્રણ સીડી અને ડીવીડી કબજે કરી છે. આ ઉપરાંત, તમામ સામયિકો, બેનરો, સૂચનાઓ, પોસ્ટરો અને પુસ્તકો પણ મળી આવ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.