હવે અમે કોર્ટમાંથી ભીખ નહીં માંગીએ...વકફ બિલનો વિરોધ કરતા મૌલાના રહેમાનીની ધમકી!

ઓલ ઈન્ડિયા મુસ્લિમ પર્સનલ લો બોર્ડ (AIMPLB)એ વકફ બિલના મુદ્દે ધમકીભર્યું વલણ અપનાવ્યું છે. બેંગલુરુમાં AIMPLBના 29મા સત્ર દરમિયાન, કેટલાક પદાધિકારીઓએ કથિત રીતે મંચ પરથી મુસ્લિમોને ઉશ્કેરવાનો પ્રયાસ કર્યો હતો. મૌલાના અબુ તાલિબ રહેમાની, સૈયદ તનવીર હાશ્મી અને અન્ય AIMPLB સભ્યોએ કહ્યું કે, હવે તેઓ કોર્ટમાં ભીખ નહીં માંગે. રહેમાનીએ કહ્યું કે, સરકારે આ કાયદો પાછો ખેંચવો જ પડશે. AIMPLBના નેતાઓએ કહ્યું કે 'સંસદ તેમની છે પણ રસ્તો અમારો છે.' જો કે, ત્યાર પછી AIMPLBના પ્રવક્તા ડૉ. સૈયદ કાસિમ રસૂલ ઇલ્યાસે તેનો અર્થ સમજાવતા કહ્યું કે, 'રસ્તા અમારો છે' કહેવાનો અર્થ એ છે કે, જો આપણે સંસદમાં અમારો અવાજ ન ઉઠાવી શકીએ, તો અમે રસ્તાઓ પર અમારો અવાજ ઉઠાવીશું.

મૌલાના રહેમાનીએ બેંગલુરુમાં AIMPLB પ્લેટફોર્મ પરથી કહ્યું, 'હિન્દુ ભાઈઓ, હું તમને કહેવા માંગુ છું કે આ ત્રીજો જમીન દલાલ તમારી અને અમારી વચ્ચે આવ્યો છે... તમે શું સમજી રહ્યા છો? અમારે અમારા ધર્મની સાથે સાથે આપણા ભારતની પણ રક્ષા કરવાની છે… લોકશાહીમાં જો સત્તાતંત્ર ગર્જના કરશે, તો હું પણ કહેવા માંગુ છું કે, હવે આપણે કોર્ટના દરવાજે ભીખ નહીં માંગીએ… હવે આપણે કહી દઈશું કે સંસદ તમારી છે તો… રસ્તો આપણો છે...'

#BreakingNews : अबू तालिब रहमानी का भड़काऊ बयान, 'कोर्ट से भीख नहीं मांगेंगे, संसद उनकी, तो सड़क हमारी'#MaulanaAbuTalibRahmani #WaqfBoard #AIMPLB | @_poojaLive @malhotra_malika pic.twitter.com/uyrnLDm5vi

— Zee News (@ZeeNews) November 26, 2024

AIMPLBએ આરોપ લગાવ્યો છે કે વક્ફ (સુધારા) બિલ, 2024 દેશભરમાં વક્ફ પ્રોપર્ટી 'હડપ' કરવાના ઈરાદાથી તૈયાર કરવામાં આવ્યું છે. ઇલ્યાસે કહ્યું, 'બોર્ડ કોન્ફરન્સમાં એવું લાગ્યું કે, વક્ફ એમેન્ડમેન્ટ બિલ 2024 દેશભરમાં ફેલાયેલી વકફ પ્રોપર્ટી હડપ કરવા માટે ચાલાકીપૂર્વક તૈયાર કરવામાં આવ્યું છે.' AIMPLBનું 29મું સત્ર રવિવારે બેંગલુરુમાં સમાપ્ત થયું. ઇલ્યાસે જણાવ્યું હતું કે, તમામ 44 સૂચિત સુધારાઓ અને તેમની પેટા-વિભાગો વકફ મિલકતોની સ્થિતિને 'નાબૂદ કરવા અને હેરફેર' કરવાના હેતુથી ડિઝાઇન કરવામાં આવી હતી. તેમણે કહ્યું, 'અમને લાગે છે કે, JPC ઈમાનદારીથી પોતાનું કામ નથી કરી રહી.'

AIMPLBના મંચ પરથી કહેવામાં આવ્યું કે, જો તમામ પ્રયાસો છતાં બિલ પસાર થઈ જાય છે, તો તેઓ કેન્દ્ર સરકાર પર સુધારાને પાછા ખેંચવા માટે શક્ય એટલી રીતે દબાણ કરશે. બોર્ડે કહ્યું કે, સૌથી પહેલા નિર્ણય લેવામાં આવ્યો છે કે, તેનું સમગ્ર નેતૃત્વ અને તમામ અધિકારીઓ સંસદની સામે વિરોધ પ્રદર્શન કરશે. યુનિફોર્મ સિવિલ કોડ (UCC) 'અસ્વીકાર્ય' AIMPLB એ કહ્યું કે, તે બંધારણમાં મૂળભૂત અધિકારો હેઠળ બાંયધરી આપવામાં આવેલી ધાર્મિક સ્વતંત્રતા અને સાંસ્કૃતિક વિવિધતાની વિરુદ્ધ છે. AIMPLBના પ્રવક્તાએ કહ્યું કે, બોર્ડ સ્પષ્ટપણે જણાવે છે કે, મુસ્લિમ સમુદાય માટે આ અસ્વીકાર્ય છે, કારણ કે તેઓ શરિયા કાયદા સાથે ક્યારેય સમાધાન કરશે નહીં.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.