પંચાયત સચિવના દીકરાએ 22ની ઉંમરે પાસ કરી UPSC, 16 લાખની નોકરી છોડેલી

કૌશલ્ય અને ક્ષમતા વય પર આધારિત નથી. કેટલાક લોકો તેમની પ્રતિભાના આધારે નાની ઉંમરમાં જ મોટી ઊંચાઈઓ હાંસલ કરી લેતા હોય છે, જે અન્ય ઘણા વર્ષોની મહેનત પછી હાંસલ કરે છે. અહીં અમે તમને આવા જ એક હોનહાર યુવકની વાર્તા જણાવવા જઈ રહ્યા છીએ, જેણે માત્ર 22 વર્ષની ઉંમરમાં જ UPSC પાસ કરીને એક ઉદાહરણ સ્થાપિત કર્યું છે. અત્રે ઉલ્લેખનીય છે કે, તાજેતરમાં UPSCએ એન્જિનિયરિંગ સેવા પરીક્ષાનું પરિણામ જાહેર કર્યું છે. જેમાં સારાંશ ગુપ્તાએ સિવિલ એન્જિનિયરિંગમાં 20મો રેન્ક મેળવ્યો છે.

મીડિયા રિપોર્ટ્સ અનુસાર, સારાંશ મધ્ય પ્રદેશના શિવપુરી જિલ્લાનો રહેવાસી છે. તેના પિતા સંજીવ ગુપ્તા પંચાયત સચિવના પદ પર કામ કરે છે. જ્યારે માતા ગૃહિણી છે. આ ઉપરાંત તેમના મોટા ભાઈ અને બહેન પણ બેંક સેવાઓમાં છે. સારાંશે મીડિયાને આપેલા એક ઈન્ટરવ્યુમાં જણાવ્યું કે, તેને હંમેશા ઘરમાં શિક્ષણનું જ વાતાવરણ મળ્યું અને તેના પરિવારનો ઘણો સપોર્ટ મળ્યો.

શિવપુરીના રહેવાસી સારાંશે સમગ્ર રાજ્યનું ગૌરવ વધાર્યું છે. સારાંશ બાવીસ વર્ષની ઉંમરે UPની ભારતીય એન્જિનિયરિંગ સેવામાં જોડાયો. તેણે આ પરીક્ષામાં વીસમો રેન્ક મેળવ્યો અને આ સફળતા સાથે સરંશ દેશના સૌથી યુવા અધિકારી બન્યા. સારાંશની સફળતા પછી પરિવારમાં ખુશીનો માહોલ જોવા મળી રહ્યો છે.

સારાંશ નાનપણથી જ અભ્યાસમાં હોશિયાર હતો. 12મા પછી, તેણે JEE Main અને JEE એડવાન્સ્ડ પરીક્ષાઓ પાસ કરી અને IIT BHUમાં પ્રવેશ મેળવ્યો. અહીંથી તેણે સિવિલ એન્જિનિયરિંગનો અભ્યાસ પૂર્ણ કર્યો. તેની ક્ષમતાના કારણે તેને અભ્યાસ દરમિયાન નોકરીની ઓફર મળવા લાગી. અહેવાલો અનુસાર, તેને એક મોટી ખાનગી કંપની દ્વારા 16 લાખ રૂપિયાના પેકેજ સાથે નોકરીની ઓફર કરવામાં આવી હતી, પરંતુ તેનું સપનું UPSC IESમાં જવાનું હતું, તેથી તેણે આ ઓફરને નકારી કાઢી હતી. તે સ્નાતક થયા ત્યારથી જ પરીક્ષાની તૈયારીમાં વ્યસ્ત હતો. તેમની અથાક મહેનતનું પરિણામ એ આવ્યું કે તેણે પ્રથમ પ્રયાસમાં જ પરીક્ષા પાસ કરી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.