કોણ છે ધનીરામ, જેમના ઘરે પ્રોટોકોલ તોડી પહોંચી ગયા PM, રામ મંદિરનું પણ આમંત્રણ

ખૂબ જ ગરીબ દલિત એવા ધનીરામ માંઝીને કલ્પના નહોતી કે એક દિવસ PM નરેન્દ્ર મોદી તેમના ઘરે આવશે. મીટિંગ દરમિયાન PM મોદીએ માંઝી પરિવારને રામ મંદિર પ્રાણ પ્રતિષ્ઠા મહોત્સવ માટે આમંત્રણ પણ આપ્યું હતું.

Lord Shri Ram started his journey from a Dalit boatman. Today PM Modi is visiting Ayodhya from the house of Dalit Dhaniram Manjhi. #नए_भारत_की_नई_अयोध्या pic.twitter.com/UvemOoGwaP

— Narendra Modi fan (@narendramodi177) December 30, 2023

PM નરેન્દ્ર મોદીએ અયોધ્યામાં તેમના રોડ શો અને અયોધ્યા ધામ રેલ્વે સ્ટેશનનું ઉદ્ઘાટન કર્યા પછી, તેમના વ્યસ્ત કાર્યક્રમ વચ્ચે, રામનગરની દલિત વસાહત મીરાપુરની મુલાકાત લીધી. ત્યાં તેઓ ઉજ્જવલા યોજનાના લાભાર્થીઓને મળ્યા. તેઓ ધનીરામ માંઝી, તેમના પુત્ર સૂરજ માંઝી અને પુત્રવધૂ મીરાને પણ મળ્યા હતા. PM નરેન્દ્ર મોદીએ માંઝી પ્રભાવિત વિસ્તારમાં લગભગ 15 મિનિટ સુધી લોકો સાથે વાત કરી.

PM મોદીનો આ કાર્યક્રમ તેમના સમયપત્રકમાં નિશ્ચિત ન હતો. પરંતુ, અચાનક તે માંઝી સમુદાયની કોલોનીમાં પહોંચી ગયા. જ્યાં મોટી સંખ્યામાં લોકોએ હાર પહેરાવી તેમનું સ્વાગત કર્યું હતું. PM મોદીએ  વિસ્તારના લોકો સાથે પણ વાત કરી અને બાળકોની સાથે પ્રેમથી મળ્યા પણ હતા. PM મોદીએ સૂરજ માંઝી, તેમના પિતા ધનીરામ માંઝી, પત્ની મીરા અને તેમની માતા કૃષ્ણવતી સાથે વાત કરી હતી. તેમજ તેઓને મળતી સરકારી સુવિધાઓ વિશે પણ માહિતી પણ લીધી હતી. આ પછી PM મોદીએ તેમને રામ મંદિર પ્રાણ પ્રતિષ્ઠા મહોત્સવ માટે આમંત્રણ પણ આપ્યું હતું.

અહીં તમને જણાવી દઈએ કે, આ સમગ્ર વિસ્તારમાં માંઝી અને નિષાદ સમુદાયનું વર્ચસ્વ છે. જ્યાં લોકો સરયુ નદીમાં માછીમારી અને બોટિંગ કરે છે. અચાનક PM મોદીને તેમની વચ્ચે જોઈને આખો પરિવાર આશ્ચર્યચકિત થઈ ગયો અને તેમનું સ્વાગત કરવા આતુર દેખાઈ રહ્યો હતો. જો કે, આગોતરી માહિતીના અભાવે અત્યંત ગરીબ સૂરજ માંઝીના ઘરે PM મોદીના સ્વાગત માટે આવી કોઈ વ્યવસ્થા નહોતી.

PM મોદીને જોઈને તેની માતા ભાવુક થઈ ગઈ હતી. PM મોદીએ તેમને માતાજી કહીને સંબોધ્યા અને તેમના સ્વાસ્થ્ય વિશે પૂછ્યું. PM મોદીને તેમની સામે જોઈને સૂરજ માંઝી આશ્ચર્યચકિત અને ખૂબ જ ખુશ થયા. સૂરજ માંઝીના ઘરની બહાર નીકળતાં જ નિષાદ અને માંઝી સમુદાયના હજારો લોકો PM મોદીને જોવા માટે એકઠા થયા હતા.

ઘણી જગ્યાએ PM મોદી સુરક્ષા વ્યવસ્થાની ચિંતા કર્યા વગર લોકોની વચ્ચે ગયા અને તેમની સાથે મુલાકાત કરી અને વાત કરી. આ દરમિયાન PM મોદીએ લોકો પાસેથી સરકાર દ્વારા આપવામાં આવતી સુવિધાઓ વિશે માહિતી લીધી હતી. અચાનક એક નાનકડા બાળકે PM મોદીને ભગવાન રામના મંદિરની બનેલી પેઇન્ટિંગ દેખાડી, તો તેમણે બાળકને પોતાની પાસે બોલાવીને પ્રેમથી મળ્યા અને તેની પેઇન્ટિંગ પર નરેન્દ્ર દામોદરદાસ મોદી લખીને ઓટોગ્રાફ પણ આપ્યો. 20માંથી 20 અંક આપીને તેમણે પેઈન્ટિંગ પર 'વેરી ગુડ' પણ લખ્યું હતું. આ પછી PM મોદીનો કાફલો અયોધ્યાના મહર્ષિ વાલ્મિકી ઈન્ટરનેશનલ એરપોર્ટ માટે રવાના થયો હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.