‘ખોટી નીકળી તમારી 2 ભવિષ્યવાણી’, સવાલ સાંભળતા ગુસ્સે થયા PK, બોલ્યા- વીડિયો..

ચૂંટણી રણનીતિકાર પ્રશાંત કિશોર હાલમાં જ એક ઇન્ટરવ્યૂ દરમિયાન પત્રકાર પર ગુસ્સે થતા નજરે પડ્યા. જૂની ચૂંટણી ભવિષ્યવાણીઓને લઈને ટોકવા પર પ્રશાંત કિશોર રોષે ભરાતા બોલ્યા કે પૂરાવાના રૂપમાં વીડિયો (ભવિષ્યવાણી સાથે જોડાયેલો) દેખાડવામાં આવે. આ દરમિયાન વાતચીત એટલી ગરમાઈ ગઈ કે પ્રશાંત કિશોરે પત્રકારને સખત શબ્દોમાં ચેતાવ્યા અને કહ્યું કે, તેઓ તેમને ઉશ્કેરે નહીં કેમ કે તો તેમના જેવા લોકોને સારી રીતે નિપટવાનું જાણે છે.

આ આખો મામલો એક વેબસાઇટ સાથે જોડાયેલો છે. બુધવારે તેની યુટ્યુબ ચેનલ પર આખો વીડિયો અપલોડ કરવામાં આવ્યો, જેમાં પ્રશાંત કિશોર વરિષ્ઠ પત્રકાર કરણ થાપરને ખરું-ખોટું સંભળાવતા નજરે પડ્યા. બંનેની વાતચીત ત્યારે ગરમાઈ ગઇ, જ્યારે પ્રશાંતને પૂછવામાં આવ્યું કે, તમે પોતાની ભવિષ્યવાણી પર કેટલો વિશ્વાસ કરો છો? તેના પર કિશોરે જવાબ આપ્યો કે, જેટલો હું કરી શકું છું એટલો અને જેટલો હું હંમેશાં કરું છું એટલો. જો કે, એટલું કહેતા જ પ્રશાંત કિશોરે એ પણ સ્પષ્ટ કરી દીધું કે, તેઓ ચૂંટણી ભવિષ્યવાણી કરવાના ધંધામાં નથી.

प्रशांत किशोर सामने वाले को हल्के में ले रहे थे।

ये नहीं पता था क्या कि सामने बैठा आदमी इनके गुरु जी को पानी पिला चुका है।

करण थापर ने धागा खोला है। pic.twitter.com/N4kJNmh6Lo

— Govind Pratap Singh | GPS (@govindprataps12) May 22, 2024

પ્રશાંત કિશોરની અગાઉની 2 ભવિષ્યવાણીઓનો ઉલ્લેખ કરતા કરણ થાપરે પૂછ્યું કે, મે 2022માં પ્રિડિક્ટ કર્યું હતું કે પર્વતીય રાજ્ય હિમાચલ પ્રદેશામાં કોંગ્રેસ હારી જશે અને ત્યાં તેને જીત મળી અને સપ્ટેમ્બર 2023માં તમારા સંદર્ભે કહેવામાં આવ્યું કે, તેલંગાણામાં BRS જીતશે, પરંતુ ત્યાં તે હારી ગઈ. પ્રશાંત કિશોરે જવાબ આપ્યો કે, તમે હંમેશાં હાઇપોથીથિયાસ બનાવવાનો પ્રયાસ કરો છો અને તમે તેને ગેસ્ટ પર નાખવાનો પ્રયાસ કરો છો. તમે મને દેખાડો. જો તમે પુરાવા તરીકે વીડિયો (ઉપરોક્ત ભવિષ્યવાણીનો) દેખાડી દો, ત્યારે હું પોતાનું કામ છોડી દઇશ. અન્યથા તમે કેમેરા પર સાર્વજનિક માફી માગો.

પત્રકારને ચેલેન્જ આપતા ચૂંટણી રણનીતિકાર આગળ બોલ્યા જ્યારે તમે કોઈનું ઇન્ટરવ્યૂ કરો છો અને તથ્યોને લઈને ગર્વ અનુભવો છો તો તમે તેના પર અડગ રહો. તમે મને વીડિયો દેખાડો અને તેને ‘ધ વાયર’ પર અપલોડ કરો. કરણ થાપરે કહ્યું કે, જરૂરી નથી કે પુરાવા વીડિયોના રૂપમાં જ હોય. તે કોઈ અખબારનું કટિંગ કે પછી કોઈ ન્યૂઝ વેબસાઈટનો રિપોર્ટ પણ હોય શકે છે. તેના પર પલટવાર કરતા પ્રશાંત કિશોરે બોલ્યા, અખબાર તો કંઇ પણ લખી અને છાપી શકે છે, હું અખબારોએ લખેલી વાતો માનતો નથી. જો ઉપરોક્ત દાવો કરતો તમે મને વીડિયો દેખાડી દો તો હું જે કામ કરું છું તેને છોડી દઇશ.

રોષે ભરાતા પ્રશાંત કિશોરે ઇન્ટરવ્યૂમાં થાપરને કહ્યું કે, તમે ભૂલ (દાવ બાબતે) કરી ચૂક્યા છો. તમે ભૂલ કરી છે. તમે મને ઉશ્કેરો નહીં. મને કોઈ ઉશ્કેરી નહીં શકે. તમે ‘ચાલુ પત્રકાર’ બનવાનો પ્રયાસ ન કરો. હું તમારા અને તમારા જેવા 4 બીજાને નિપટી શકું છું. જો તમને મારી વાત પર વિશ્વાસ નથી તો તમને જેના પર વિશ્વાસ છે તેનું ઇન્ટરવ્યૂ કરી લો. એ ભ્રમમાં ન રહો કે લોકો તમારા સવાલોથી ડરે છે કે તેઓ તમારા સવાલ સાંભળીને ભાગી જાય છે. જો કે, કરણ થાપરે કહ્યું કે, તેઓ તેમની વિરુદ્ધ અંગત હુમલા કેમ કરી રહ્યા છે.  

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.