ન વર્દીમાં રીલ્સ બનાવો, ન કોઈ બીજો વીડિયો.., આ રાજ્યના પોલીસકર્મીઓને ફરમાન

રાજસ્થાન પોલીસે મંગળવારે પોતાના કર્મચારીઓ માટે એડવાઇઝરી જાહેર કરી છે, એ મુજબ, તેમણે વર્દીમાં સોશિયલ મીડિયા પર એવા વીડિયો, રીલ કે સ્ટોરી પોસ્ટ કરતા દૂર રહેવાની સલાહ આપવામાં આવી છે, જે પોલીસના કામ સાથે જોડાયેલા નથી. આ એડવાઇઝરીનું ઉલ્લંઘન કરતા પકડાવા પર પોલીસકર્મીઓને સખત વિભાગીય કાર્યવાહીની ચેતવણી આપવામાં આવી છે. રાજસ્થાન પોલીસના DGP યુ.આર. સાહૂ તરફથી બધા જિલ્લાના પોલીસ અધિકારીઓને આ સંબંધમાં નિર્દેશ આપવામાં આવ્યા છે.

DGP સાહૂએ કહ્યું કે, પોલીસકર્મીઓ માટે વર્દીમાં પોતાના વીડિયો, રીલ્સ અને સ્ટોરી પોસ્ટ કરવી કે અપલોડ કરવી નિયમો વિરુદ્ધ છે. જેનો પોલીસના કામ સાથે કોઈ સંબંધ નથી. તેમણે કહ્યું કે, તેનાથી વિભાગની ગરિમા અને છબી પર પ્રતિકૂળ પ્રભાવ પડે છે. કંટ્રોલિંગ ઓફિસર એવી પોસ્ટ કરનારા કર્મચારીઓ વિરુદ્ધ સખત કાર્યવાહી સુનિશ્ચિત કરે. યુઆર સાહૂએ રાજ્યના બધા અધિક્ષકો, કમાન્ડેન્ટ્સ અને અન્ય પોલીસ અધિકારીઓને નિર્દેશિત કર્યા છે કે ભવિષ્યમાં કોઈ પણ પોલીસકર્મી પોલીસ સાથે સંબંધિત કાર્ય સિવાય કોઈ પણ પ્રકારના વીડિયો, રીલ્સ, સ્ટોરી સોશિયલ મીડિયા પ્લેટફોર્મ પર પોસ્ટ ન કરે.

DGP સાહૂ તરફથી જાહેર કરવામાં આવેલા નિર્દેશમાં કહેવામાં આવ્યું છે કે પોલીસની વર્દી જનતા પ્રત્યે પ્રતિબદ્ધતા, સમર્પણ અને જવાબદારીનું પર્યટક છે. આપણે તેનો ઉપયોગ કરતી વખત અત્યંત સાવધાની અને ગંભીરતા રાખવી જોઈએ. DGP યુઆર સાહૂએ નિર્દેશમાં કહ્યું કે, સોશિયલ મીડિયા પર વર્દીમાં અનુચિત સામગ્રી પ્રસારિત કરવી, ન માત્ર અનુશાસનહીના સંકેત છે, પરંતુ એ જનતા વચ્ચે વિશ્વાસ પણ નબળો કરે છે. કોટા પોલીસે સૌથી પહેલા આ આદેશ જાહેર કર્યો હતો. તો હવે તેને રાજ્ય સ્તર પર જાહેર કરી દેવામાં આવ્યો છે. હવે રાજસ્થાનના પોલીસકર્મી વર્દીમાં સોશિયલ મીડિયા પર રીલ બનાવતા નજરે નહીં પડે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.