કેદીઓની કંઇ મુશ્કેલીઓ પર SCને ચિંતા? ખુલ્લી જેલ બનાવવા પર આપી રહી છે ભાર

સુપ્રીમ કોર્ટે કહ્યું કે, ખુલ્લી જેલ સ્થાપિત કરવી જેલોમાં ભીડ ઓછી કરવાનું સમાધાન હોય શકે છે. ખુલ્લી જેલ હોવાથી કેદીઓના પુનર્વાસના મુદ્દાનું પણ સમાધાન હોય શકે છે. અડધી ખુલ્લી કે ખુલ્લી જેલ પ્રણાલી હેઠળ દોષિયોને દિવસ દરમિયાન પરિસર બહાર આજીવિકા કમાવા અને સાંજે પરત ફરવાની મંજૂરી હોય છે. આ અવધારણાને દોષિયોને સમાજમાં આત્મસાત કરવા અને તેમના મનોવૈજ્ઞાનિક દબાવને ઓછો કરવા માટે લાવવામાં આવી હતી કેમ કે તેમને બહાર સામાન્ય જીવન જીવવામાં મુશ્કેલીઓનો સામનો કરવો પડે છે.

જેલો અને કેદીઓ સાથે સંબંધિત એક અરજી પર સુનાવણી કરતા ન્યાયાધીશ બી.આર. ગવઈ અને ન્યાયાધીશ સંદીપ મેહતાની પીઠે કહ્યું કે, તેઓ દેશભરમાં ખુલ્લી જેલોની ઉપસ્થિતિનો વિસ્તાર કરવા માગે છે. જેલોમાં ભીડભાડની સમસ્યાનું એક સમાધાન ખુલ્લી હવાવાળી જેલો/શિબિરોની સ્થાપના કરવાનું હોય શકે છે. ઉપરોક્ત પ્રણાલી રાજસ્થાનમાં કુશળતાપૂર્વક કામ કરી રહી છે. જેલમાં ભીડની સમસ્યાના સમાધાન સિવાય આ કેદીઓના પુનર્વાસના મુદ્દાનું પણ સમાધાન કરે છે.

તેણે સ્પષ્ટ કર્યું કે તે જેલો અને જેલ સુધારાઓ સાથે સંબંધિત મુદ્દાઓ પર નહીં જાય, જો પહેલાથી જ કેટલીક અન્ય અરજીઓમાં તેની સમન્વય પૂીઠો સમક્ષ પેન્ડિંગ છે. રાષ્ટ્રીય વિધિક સેવા ઓથોરિટી તરફથી ઉપસ્થિત થયેલા વકીલે કહ્યું કે, તેણે ખુલ્લી જેલો પર પણ રાજ્યો પાસે પ્રતિક્રિયા માગી હતી અને તેમાંથી 24એ જવાબ આપ્યો છે. આ કેસમાં ન્યાય મિત્રના રૂપમાં સુપ્રીમ કોર્ટની સહાયતા કરી રહેલા વરિષ્ઠ એડવોકેટ વિજય હંસારિયાએ કહ્યું કે, દોષીઓને આ બાબતે સૂચિત કરવામાં આવતા નથી કે, તેમને કાયદાકીય સેવા ઓથોરિટીના માધ્યમથી અપીલીય કોર્ટ સાથે સંપર્ક કરવાનો અધિકાર છે.

પીઠે કહ્યું કે, જો આખા દેશમાં એક સમાન ઇ-પ્રિઝન મોડ્યુલ હોય તો ઘણી વસ્તુઓને ઉકેલી શકાય છે. વ્યાપક જેલ મેનેજમેન્ટ પ્રણાલી ઇ-પ્રિઝન મોડ્યૂલના મુદ્દાને એક સમન્વય પીઠ દ્વારા નિપટાવવામાં આવી રહ્યું છે. અમે આ કાર્યવાહીમાં ખુલ્લી જેલોના મુદ્દા પર પણ વિચાર કરીશું. અમે તેનો વિસ્તાર કરવા અને એ સુનિશ્ચિત કરવાની યોજના બનાવી રહ્યા છીએ કે ખુલ્લી જેલોની આ પ્રણાલીને આખા દેશમાં અપનાવવામાં આવે. કોર્ટના વકીલ કે. પરમેશ્વરને હંસારિયા સાથે ન્યાય મિત્રના રૂપમાં સહાયતા કરવાનો અનુરોધ કર્યો. તેણે નાલસા તરફથી ઉપસ્થિત વકીલ સાથે પણ આ કેસમાં કોર્ટની સહાયતા કરવાનો અનુરોધ કર્યો અને સુનાવણી 15 મે માટે લિસ્ટેડ કરી દીધી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.