તિરંગા સાથે છેડછાડ, અશોક ચક્રને બદલે ચંદ્ર-તારાનો ધ્વજ લહેરાવ્યો... 2ની ધરપકડ

સારણ જિલ્લામાં ઈદ-એ-મિલાદ-ઉન-નબીના જુલૂસ દરમિયાન અશોક ચક્રની જગ્યાએ ચંદ્ર અને તારા સાથેનો ત્રિરંગો ધ્વજ લહેરાવવામાં આવ્યો હતો. તેનો વીડિયો સોશિયલ મીડિયા પર વાયરલ થઈ રહ્યો છે. વીડિયો વાયરલ થયા પછી સારણના પોલીસ અધિક્ષક ડૉ. કુમાર આશિષે આ મામલાની નોંધ લીધી હતી. હાલ આ કેસમાં બે લોકોની ધરપકડ કરવામાં આવી છે.

બિહારના સારણ જિલ્લામાં ઈદ-એ-મિલાદ-ઉન-નબીના જુલૂસ દરમિયાન દેશના ગૌરવ એવા ત્રિરંગા ઝંડા સાથે છેડછાડ કરવાનો મામલો સામે આવ્યો છે. જુલૂસમાં અશોક ચક્રની જગ્યાએ પીકઅપ પર ચંદ્ર અને તારા સાથેનો ત્રિરંગો ધ્વજ ફરકાવવામાં આવ્યો હતો. તેનો વીડિયો સોશિયલ મીડિયા પર વાયરલ થઈ રહ્યો છે. વીડિયો વાયરલ થયા પછી સારણના પોલીસ અધિક્ષક ડૉ. કુમાર આશિષે આ મામલાની નોંધ લીધી હતી.

પોલીસ અધિક્ષકની સૂચના પછી, ભારતીય ધ્વજ અધિનિયમ 2002 અને અન્ય ફોજદારી કલમો હેઠળ કોપા પોલીસ સ્ટેશનમાં કેસ નોંધવામાં આવ્યો હતો અને તેમાં સામેલ લોકોની ઓળખ કરવામાં આવી હતી. આ કાર્યવાહીના ભાગરૂપે, કથિત રીતે છેડછાડ કર્યા પછી જે પીકઅપ વાહન પર ત્રિરંગો ઝંડો ફરકાવવામાં આવ્યો હતો, તેને પોલીસે જપ્ત કરી લીધો છે. આ સાથે જ બે લોકોની ધરપકડ કરીને પૂછપરછ પણ કરવામાં આવી રહી છે.

જ્યારે, સ્થાનિક ગ્રામજનોએ ત્રિરંગા સાથે છેડછાડની ઘટના પર આક્રોશ વ્યક્ત કર્યો હતો. તેમજ પોલીસ સ્ટેશનમાં જઈને જવાબદારો સામે કડક કાર્યવાહીની માંગ સાથે વિરોધ પ્રદર્શન કર્યું હતું. આને દેશના સમ્માન સાથે છેડછાડનું કૃત્ય ગણાવીને લોકોએ ત્રિરંગા ઝંડા સાથે છેડછાડ કરતા લોકો સામે કડક કાર્યવાહીની માંગ કરી છે. આ પછી નાયબ પોલીસ અધિક્ષક અને જલાલપોરના સર્કલ ઓફિસર પોલીસ મથકે પહોંચ્યા હતા અને તપાસ હાથ ધરી હતી.

પોલીસ અધિક્ષક ડૉ. કુમાર આશિષે જણાવ્યું કે, આ મામલામાં ફ્લેગ એક્ટ 1971 અને 2002 અને BNSની કલમ 153 હેઠળ કેસ નોંધવામાં આવ્યો છે અને બે લોકોની ધરપકડ કરવામાં આવી છે. જે ધ્વજ લહેરાવવામાં આવી રહ્યો હતો તે જપ્ત કરવામાં આવ્યો છે. ધરપકડ કરાયેલા બંને વ્યક્તિઓએ પૂછપરછ દરમિયાન જણાવ્યું કે આ ધ્વજ તેમને ત્રીજા વ્યક્તિએ પૂરો પાડ્યો હતો.

પોલીસે તેને પકડવા તજવીજ હાથ ધરી છે. આ પાછળનો ઈરાદો શું હતો તેની પણ માહિતી માંગવામાં આવી રહી છે. આ જુલૂસના લાયસન્સની પણ તપાસ કરવામાં આવી રહી છે. આ સાથે તમામ લાયસન્સધારી જુલૂસવાળાઓને પણ પ્રશ્ન કરવામાં આવી રહ્યો છે કે, આ ધ્વજ કયા સંજોગોમાં લહેરાવવામાં આવ્યો હતો અને તેમના દ્વારા કોઈ કાર્યવાહી કેમ કરવામાં આવી નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.