'રામના અસ્તિત્વના કોઈ પુરાવા નથી..' મંત્રીનો લવારો, BJPએ જુઓ શું કહ્યું

તમિલનાડુના મંત્રી અને DMK નેતા SS શિવશંકરે શુક્રવારે ભગવાન રામ વિશે વિવાદિત નિવેદન આપ્યું છે. શિવ શંકરે એવો દાવો કરીને વિવાદ ઉભો કર્યો કે ભગવાન રામના અસ્તિત્વને સાબિત કરવા માટે કોઈ ઐતિહાસિક પુરાવા નથી. ચોલ વંશના રાજાઓ સાથે સરખામણી કરતા, તેમણે કહ્યું કે, સામ્રાજ્યની ઇમારતો હજુ પણ તેમના અસ્તિત્વને સાબિત કરવા માટે પુરાવા તરીકે કામ કરે છે.

અરિયાલુર જિલ્લાના ગંગાઈકોંડાચોલપુરમ ખાતે રાજેન્દ્ર ચોલની જન્મજયંતિની ઉજવણી માટે આયોજિત એક કાર્યક્રમમાં બોલતા DMK મંત્રી શિવશંકરે કહ્યું, 'અમે ચોલ વંશના સમ્રાટ રાજેન્દ્ર ચોલના જન્મદિવસની ઉજવણી કરીએ છીએ. અમારી પાસે પુરાતત્વીય પુરાવા છે, જેમ કે શિલાલેખ, તેમના દ્વારા બાંધવામાં આવેલા મંદિરો અને તેમના દ્વારા બાંધવામાં આવેલા તળાવો. પરંતુ, ભગવાન રામના ઈતિહાસનો કોઈ પુરાવો નથી.' DMK નેતા આટલેથી જ ન અટક્યા, તેમણે કહ્યું કે 'તેઓ દાવો કરે છે કે, ભગવાન રામ 3,000 વર્ષ પહેલાં જીવ્યા હતા અને તેમને અવતાર કહે છે. અવતારનો જન્મ થઈ શકતો નથી. જો રામ અવતાર હોત તો તેમનો જન્મ ન થયો હોત. જો તેમનો જન્મ થયો હોય તો તે ભગવાન ન બની શક્યા હોત.'

DMK મંત્રી શિવશંકરે વધુમાં કહ્યું કે, રામાયણ અને મહાભારતમાં લોકો માટે શીખવા જેવો કોઈ 'જીવન પાઠ' નથી. જ્યારે તમિલ સંત-કવિ તિરુવલ્લુવર દ્વારા 2,000 વર્ષ પહેલાં લખાયેલા દોહાના સંગ્રહ તિરુક્કુરલમાં આ કિસ્સો છે. જો કે, મંત્રીની ટિપ્પણી પર BJP તરફથી તીખી પ્રતિક્રિયા આવી છે. BJPના પ્રદેશ અધ્યક્ષ K અન્નામલાઈએ DMKના 'ભગવાન રામ પ્રત્યેના જુસ્સા' પર સવાલ ઉઠાવ્યા. મંત્રીની વિવાદાસ્પદ ક્લિપ શેર કરતા, અન્નામલાઈએ X પર DMK નેતાની ટિપ્પણીની નિંદા કરી.

DMK's sudden obsession with Bhagwan Shri Ram is truly a sight to behold—who would've thought?

Just last week, DMK's Law Minister Thiru Raghupathy avl declared that Bhagwan Shri Ram was the ultimate champion of social justice, the pioneer of secularism, and the one who proclaimed… pic.twitter.com/z8or4AQQML

— K.Annamalai (@annamalai_k) August 2, 2024

નવી સંસદમાં સેંગોલની નિમણૂકનો વિરોધ કરવા બદલ અન્નામલાઈએ DMKની ટીકા કરી હતી. તેમણે કહ્યું કે, તે લગભગ હાસ્યાસ્પદ છે કે DMK એક એવી પાર્ટી છે, જે વિચારે છે કે તમિલનાડુનો ઈતિહાસ 1967માં શરૂ થયો હતો. તેને દેશની સમૃદ્ધ સંસ્કૃતિ અને ઈતિહાસ સાથે અચાનક પ્રેમ થઈ ગયો. જો કે, DMK પ્રધાનની આ ટિપ્પણીઓ રમતગમત પ્રધાન ઉધયનિધિ સ્ટાલિને 'સનાતન ધર્મને ડેન્ગ્યુ અને મેલેરિયા સાથે સરખાવી' અને તેના 'વિનાશ' માટે અપીલ કર્યાના લગભગ એક વર્ષ પછી આવી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.